رەسەي پرەزيدەنتٸ ۆلاديمير پۋتين جەنە ۋكراينا پرەزيدەنتٸ ۆلاديمير زەلەنسكيي جىل سوڭىنا دەيٸن ۋكراينا شىعىسىندا اتىستى توقتاتۋ رەجيمٸن تولىق جٷزەگە اسىرۋعا كەلٸستٸ. 9 جەلتوقساندا پاريجدە ٶتكەن "نورمان تٶرتتٸگٸ" سامميتٸنەن كەيٸن تاراتىلعان ورتاق مەلٸمدەمەدە وسىلاي دەپ ايتىلادى.
"تاراپتار جىل سوڭىنا دەيٸن اتىستى توقتاتۋ تۋرالى كەلٸسٸمدٸ تولىق جەنە جان-جاقتى جٷزەگە اسىرۋ مٸندەتٸن موينىنا الادى, اتىستى توقتاتۋ ٷشٸن قاجەت بارلىق شارالاردى جٷزەگە اسىرادى" دەلٸنگەن مەلٸمدەمەدە.
بۇعان قوسا, ۋكراينا مەن رەسەي جىل سوڭىنا دەيٸن "بەرٸنە بەرٸ" فورمۋلاسى بويىنشا تۇتقىن الماسۋعا كەلٸستٸ. "تۇتقىن الماسۋعا دايىندالۋ ٷشٸن ەڭ ەۋەلٸ اۋىستىرىلاتىن ادامداردىڭ تٸزٸمٸن جاساۋ كەرەك" دەدٸ ۆلاديمير زەلەنسكيي. كەزدەسۋدە سونىمەن بٸرگە "قىزىل كرەست" ۇيىمىنىڭ ۇستالعان ازاماتتارعا كٸرۋٸنە كەدەرگٸ جاسالماۋى تيٸس ەكەنٸ ايتىلدى.
سامميتتە بۇعان قوسا, دونباستا تاعى ٷش جاڭا اۋداندا ەسكەر تاراتۋ ورنى بەلگٸلەنۋٸ تيٸس ەكەنٸ ايتىلدى. تاراپتار رەسەيشٸل سەپاراتيستەر باقىلاۋىنداعى اۋماق پەن ۋكراينانىڭ قالعان بٶلٸگٸ اراسىندا جاڭا ٶتكٸزۋ پۋنكتەر اشىلۋى قاجەت دەدٸ.
تٶرت مەملەكەت باسشىسى سەپاراتيستەر باقىلاۋىنداعى اۋماقتا جەرگٸلٸكتٸ سايلاۋ ٶتكٸزۋ مەسەلەسٸن تٶرت ايدان كەيٸن قايتا تالقىلاۋعا كەلٸستٸ.
بۇل - ۋكراينا مەن رەسەي باسشىلارىنىڭ 2016 جىلدان بەرگٸ العاشقى كەزدەسۋٸ. بيىل مامىر ايىندا رەسمي تٷردە پرەزيدەنت قىزمەتٸنە كٸرٸسكەن زەلەنسكيي پۋتينمەن بٸرٸنشٸ رەت كەزدەستٸ.
مەسكەۋ ۋكراينانىڭ شىعىسىنداعى سەپاراتيست قۇرىلىمدار مەن كيەۆ ەسكەري كٷشتەرٸنٸڭ قاقتىعىسىنا تٸكەلەي قاتىسى بار ەكەنٸن جوققا شىعارىپ كەلەدٸ. الايدا, رەسەيدٸڭ سەپاراتيستەرگە ەسكەري, ەكونوميكالىق جەنە ساياسي قولداۋ كٶرسەتٸپ كەلگەنٸ جەنە ەسكەري قاقتىعىسقا رەسەي كٷشتەرٸنٸڭ تٸكەلەي قاتىسى بار ەكەنٸ جايلى دەلەلدەر جيٸ كەلتٸرٸلەدٸ.
شٸلدە ايىندا ەۋروپا وداعى مەن ۋكراينا ورتاق مەلٸمدەمە جاساپ, 2014 جىلدىڭ اقپان ايىنان بەرٸ رەسەي ەسكەرٸ ۋكرايناعا "اگرەسسييا" كٶرسەتٸپ كەلەدٸ دەپ ايتقان. رەسەي دونباستاعى قاقتىعىسقا قاتىسى جوعىن ايتادى.
"نورمان تٶرتتٸگٸ" سامميتٸ - ۋكراينانىڭ شىعىسىنداعى جانجالدى رەتتەۋ ٷشٸن 2014 جىلدان بەرٸ جۇمىس ٸستەپ كەلە جاتقان ۋكراينا, رەسەي, فرانتسييا جەنە گەرمانييا جەتەكشٸلەرٸ مەن سىرتقى ٸستەر مينيسترلٸگٸنٸڭ كەزدەسۋ فورماتى.
