پاريجدە قازاقستاندىق مۋزىكالىق مەدەنيەتتٸڭ وزىق ٷلگٸلەرٸن پاش ەتكەن «FORTE-TRIO» ۇجىمىنا فرانتسۋز جۇرتشىلىعى زور قوشەمەت كٶرسەتتٸ, دەپ حابارلايدى قازاقپارات قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
شەتەلدٸك كٶرەرمەندەردٸ تامساندىرعان «FORTE-TRIO» مەملەكەتتٸك تريوسىنىڭ بۇل كونتسەرتٸ قازاقستان تەۋەلسٸزدٸگٸنٸڭ 30 جىلدىق مەرەيتويىنا ارنالعان حالىقارالىق گاسترولدەر اياسىندا ٶتتٸ.
قازاقستاندىق ەرتٸستەر پاريج تٶرٸندە ورنالاسقان ەيگٸلٸ سortot زالىندا ٶنەر كٶرسەتتٸ. عاسىرعا جۋىق تاريحى بار, اكۋستيكاسى ەرەكشە بۇل كونتسەرتتٸك زالدى ەلەمدٸك كلاسسيكالىق ٶنەردٸڭ جارىق جۇلدىزدارى ەرەكشە باعالايدى.
FORTE-TRIO كونتسەرتٸ تۋرالى وسىدان بٸراز ۋاقىت بۇرىن سortot زالىنىڭ سايتىندا جارييالانعان افيشا كٶرەرمەن نازارىنا بٸردەن ٸلٸكتٸ. تريونىڭ شەبەرلٸگٸ قازاقستاندىق ەرتٸستەردٸڭ ٶنەرٸن تاماشالاۋدى اسىعا كٷتكەن كٶرەرمەندەردٸڭ كٶڭٸلٸنەن شىقتى. تريو ەرتٸستەرٸ – قازاقستاننىڭ ەڭبەك سٸڭٸرگەن قايراتكەرٸ, ۇجىمنىڭ نەگٸزٸن قالاۋشى تيمۋر ۋرمانچەەۆ (فورتەپيانو), حالىقارالىق بايقاۋلاردىڭ لاۋرەاتتارى مۇرات ناربەكوۆ (ۆيولونچەل) پەن شولپان مانكەەۆا (سكريپكا) وتاندىق مۋزىكالىق ٶنەردٸ جوعارى دەڭگەيدە كٶرسەتە بٸلدٸ.
ۇلتتىق جەنە ەلەمدٸك كلاسسيكالىق رەپەرتۋاردان تۇراتىن كونتسەرتتٸك باعدارلاما تالعامپاز شەتەلدٸك كٶرەرمەندٸ بٸردەن باۋراپ الدى. ەرتٸستەر حالقىمىزدىڭ ۇلتتىق قۇندىلىقتارى كٶرٸنٸس تاپقان «ياپۋراي» جەنە «كٶروعلى» تۋىندىلارىن ۇسىندى. سونداي-اق س.راحمانينوۆ, ك.دەبيۋسسي, ي.برامس سىندى ەلەمدٸك كومپوزيتورلارىنىڭ ٷزدٸك شىعارمالارى ورىندالدى. تريو ەۋرازييا كەڭٸستٸگٸندە ورنالاسقان ۇجىم رەتٸندە تٷرلٸ مۋزىكالىق باعىتتاردى شەبەر يگەرگەنٸن تاعى دا دەلەلدەي تٷستٸ. ىستىق ىقىلاسىن اياماعان تىڭدارمان ەرتٸستەرگە زور قوشەمەت كٶرسەتٸپ, بٸرنەشە رەت بيسكە شاقىردى.
كونتسەرتكە ارنايى شاقىرىلعان قازاقستاننىڭ فرانتسۋز رەسپۋبليكاسىنداعى ەلشٸسٸ جان عاليەۆ, «حابار» اگەنتتٸگٸ» اق باسقارما تٶراعاسى ەرلان بەكحوجين, يۋنەسكو ٶكٸلدەرٸ كونتسەرتكە جوعارى باعاسىن بەردٸ.
قازاقستان ەلشٸسٸ جان عاليەۆ اتاپ ٶتكەندەي, FORTE-TRIO گاسترولدەرٸ ەكٸ ەل اراسىنداعى مەدەني ىنتىماقتاستىقتىڭ نىعايا تٷسۋٸنە ٶز ٷلەسٸن قوستى.
- فرانتسۋز حالقى وسى كونتسەرتتە ەلٸمٸزدٸڭ كلاسسيكالىق مۋزىكا ٶنەرٸنٸڭ ٷزدٸك ٷلگٸلەرٸن تاماشالاي العاندىعىن ماقتان تۇتامىن. بۇل كەشتە كٶرەرمەن بٸزدٸڭ ەرتٸستەردٸ سان مەرتە بيسكە شاقىرىپ, جٸبەرگٸسٸ كەلمەدٸ. مەنٸڭشە, وسىنداي زور ىقىلاس – قازاقستاندىق ەرتٸستەردٸڭ ٶنەرٸنە بەرٸلگەن ناعىز جوعارى باعا. ەۋروپا تٶرٸندە تۇرىپ جاتقان بارشا قازاقستاندىقتار ٷشٸن بۇل ەرەكشە ماقتانىش. وسىنداي ٷلكەن كونتسەرتتٸڭ تەۋەلسٸزدٸك مەرەكەسٸ جەنە قازاقستان مەن فرانتسييا اراسىنداعى ديپلوماتييالىق قارىم-قاتىناستاردىڭ 30 جىلدىعى قارساڭىندا ٶتٸپ جاتقانى قۋانتادى, - دەدٸ جان عاليەۆ.
حالىقارالىق گاسترولدەر اياسىندا ٶتكەن العاشقى كونتسەرتتەن العان ەسەرٸمەن قازاقستاننىڭ ەڭبەك سٸڭٸرگەن قايراتكەرٸ, پيانيست تيمۋر ۋرمانچەەۆ بٶلٸستٸ:
«پاريج كٶرەرمەندەرٸ بٸزدٸ ٶتە جاقسى قابىلدادى. بٸزدٸڭ تريو شەتەلدەگٸ وتانداستارىمىز ٷشٸن وسىنداي مەرەكەلٸك كونتسەرت ٶتكٸزگەنٸنە قۋانىشتىمىن».
كونتسەرتتەن كەيٸن كٶپ كٶرەرمەن ٶز پٸكٸرلەرٸن ورتاعا سالدى. ولاردىڭ قاتارىندا بەلگٸلٸ اقىن تٶلەگەن ايبەرگەنوۆتىڭ نەمەرەسٸ اينار ايبەرگەنوۆا دا بولدى.
- سٶز جوق, تاماشا كونتسەرت. شەتەلدٸكتەر بۇل كونتسەرتتەن قازاقستاننىڭ باي مەدەنيەتٸن تاني الدى. ەرتٸستەردٸڭ ٶنەرٸن ايرىقشا اتاپ ٶتكەن جٶن. پاريج تٶرٸندە ٶتٸپ جاتقان مۇنداي كەرەمەت كونتسەرتتٸڭ كۋەگەرٸ بولعانىما ريزامىن, - دەپ جەتكٸزدٸ ول.
تريونىڭ فرانتسيياداعى گاسترولدٸك ساپارى 23 جەلتوقسانعا دەيٸن جالعاسادى. كەلەسٸ كونتسەرتتەر Theatre de la sinne (ميۋلۋز, 16 جەلتوقسان) تەاترىندا, مەرييانىڭ تاريحي سارايىندا (نانسي, 17 جەلتوقسان) جەنە اتاقتى «موliere» زالىندا (ليون, 22 جەلتوقسان) ٶتەدٸ.
ەسكە سالساق, «Forte Trio» – ەلٸمٸزدەگٸ بەلگٸلٸ كامەرالىق-اسپاپتىق انسامبلدەردٸڭ بٸرٸ. تريونىڭ شىعارماشىلىعى قازاقستاندا دا, شەتەلدە دە كەڭٸنەن تانىلعان. Forte Trio مەدەنيەت جەنە سپورت مينيسترلٸگٸنە قاراستى «روزا باعلانوۆا اتىنداعى «قازاقكونتسەرت» مەملەكەتتٸك كونتسەرتتٸك ۇيىمىنىڭ قۇرامىن كٸرەدٸ.
