فوتو:olympic.kz
پاريجدەگٸ وليمپيادا ويىندارىنىڭ اشىلۋ سالتاناتىنا از ۋاقىت قالدى. ٷش كٷننەن سوڭ تٶرتجىلدىقتىڭ باستى دوداسى ٶز الاۋىن جاعادى. ەزٸرگە, ۇيىمداستىرۋشىلار الداعى ويىندار جايلى جاڭا ەرٸ قىزىقتى دەرەكتەردٸ ۇسىنۋدا, دەپ جازادى Olympic.kz.
وليمپيادا كەزٸندە تەننيسشٸلەر وينايتىن دوپ تانىستىرىلدى. ٷلكەن تەننيستە ەل نامىسىن بەس سپورتشى قورعايدى. «رولان گارروس» ستاديونىندا ەلەنا رىباكينا, يۋلييا پۋتينتسەۆا, الەكساندر بۋبليك, الەكساندر شەۆچەنكو جەنە الەكساندر نەدوۆەسوۆ (بۋبليكپەن جۇپتاسىپ سىنعا تٷسەدٸ) ٶنەر كٶرسەتەدٸ.
ەيگٸلٸ امەريكالىق رەپەر سنۋپ دوگگ وليمپيادا الاۋىنىڭ ەستافەتاسىنا قاتىسادى. ول 26 شٸلدە كٷنٸ الاۋدى الىپ جٷرمەك. سونداي-اق, ول پاريجدە امەريكالىق NBC ارناسىنىڭ تٸلشٸسٸ بولىپ جۇمىس ٸستەمەك.
وليمپيادا اۋىلى رەسمي تٷردە اشىلعان سوڭ, فرانتسييا پرەزيدەنتٸ ەممانۋەل ماكرون ارنايى كەلدٸ. ول وليمپيادانىڭ بٷكٸل ەل ٷشٸن ماڭىزدىلىعىن العا تارتىپ, ۇيىمداستىرۋشىلاردىڭ ايانباي ەڭبەك ەتكەنٸن اتاپ ٶتتٸ. سونىمەن قاتار, ەرٸكتٸلەر مەن سپورتشىلارعا العىس ايتتى.
ەزٸرگە, ماكروننىڭ سەنا ٶزەنٸندە جٷزۋٸنە قاتىستى اقپار جوق. بۇعان دەيٸن ول پاريجدەگٸ بۇل ٶزەننٸڭ قاۋٸپسٸز ەكەنٸن دەلەلدەۋ ٷشٸن, جٷزٸپ شىعاتىنىن ايتقان ەدٸ. ال پاريج مەرٸ اننا يدالگو ٶز ۋەدەسٸندە تۇرىپ, ون مينۋت ٶزەندە شومىلدى. سەنا ٶزەنٸندە ترياتلون, اشىق سۋدا جٷزۋدەن جارىستار ٶتەدٸ.
ال ۇزىنقۇلاقتان جەتكەن مەلٸمەت بويىنشا, اشىلۋ سالتاناتىندا وليمپيادا الاۋىن جەڭٸل اتلەتيكادان ٷش دٷركٸن وليمپيادا چەمپيونى ماري-جوزە پەرەك مەن داڭقتى فۋتبولشى زينەدين زيدان جاعۋى مٷمكٸن.
داڭقتى وليمپياداشى, ەلەم رەكوردشىسى ۋسەين بولت تا وليمپيادادان سىرت قالمايدى. ول ٶزٸ كٸمگە ەرەكشە نازار اۋداراتىنىن دا ايتتى.
«مەنٸڭ نازارىما تٷسكەن بٸر جٸگٸت بار. ول – امەريكالىق ەرريون نايتون. ول ەندٸ جيىرماعا تولدى. بٸراق ٶتە مىقتى. بەرٸ تالانتتىڭ دامۋىنا بايلانىستى», - دەدٸ سپرينتەر.
وليمپيادا ويىندارىنا ساتىلعان بيلەت سانى دا رەكوردىق كٶرسەتكٸشكە جەتتٸ. بۇل تۋرالى حالىقارالىق وليمپيادا كوميتەتٸ حابارلادى. بٷگٸنگە دەيٸن 8,8 ميلليون بيلەت ساتىلىپ كەتكەن. بۇعان دەيٸنگٸ رەكورد اتلانتا وليمپياداسىنا تيەسٸلٸ بولاتىن – 8,3 ملن.
2024 جىلعى وليمپيادا ويىندارىنىڭ ۇيىمداستىرۋ كوميتەتٸنٸڭ باسشىسى توني ەستانگەنٸڭ اشىلۋ سالتاناتى تۋرالى از-كەم اقپارات بەردٸ.
«وليمپيادانىڭ اشىلۋ سالتاناتى قانشالىقتى ماڭىزدى ەكەنٸن بٸلەمٸز. سوندىقتان دا, بٸز ەۋ باستان قۇلشىنىسىمىز مىقتى بولدى. بۇل اشىلۋ سالتاناتى بٸزدٸڭ ويىنىمىزدىڭ بار قۇلشىنىسىن كٶرسەتٸپ, فرانتسيياداعى جاقسى نەرسەلەردٸڭ بەرٸن پاش ەتكەنٸن قالايمىز», - دەدٸ ول.
سپورتشىلار شەرۋٸ سەنا ٶزەنٸندە ٶتەدٸ. ەربٸر دەلەگاتسييا ٶز قايىعىمەن جٷزٸپ ٶتەدٸ. باعىتتىڭ ۇزاقتىعى التى شاقىرىمدى قۇرايدى.
پاريج وليمپياداسىندا 80 قازاقستاندىق سپورتشى سىنعا تٷسەدٸ. العاشقى بەسەكەلەر 25 شٸلدەدە باستالماق. ساداق اتۋشىلار دەل سول كٷنٸ سىنعا تٷسەدٸ. قازٸرگٸ تاڭدا سپورتشىلار وليمپيادالىق اۋىلعا جايعاستى. دزيۋدوشىلار فرانتسييادا جاتتىعۋ جٷرگٸزۋدە, ولار جاقىن ارادا وليمپيادالىق اۋىلعا قونىستانادى.
قازاقستان قۇراماسىنىڭ تۋىن اسلانبەك شىمبەرگەنوۆ پەن ولگا سافرونوۆا ۇستاپ شىعادى.
