قازاقستاننىڭ فرانتسيياداعى ەلشٸلٸگٸندە ەۋروپا ەلدەرٸندە تۇراتىن وتانداستار مەن قانداستاردىڭ باسقوسۋى سالتاناتتى تٷردە اشىلدى. ٸس-شارا قازاقستاننىڭ فرانتسيياداعى ەلشٸلٸگٸ جەنە قىزىلوردا وبلىسى ەكٸمدٸگٸنٸڭ قولداۋىمەن, «وتانداستار قورى» كەاق مەن قازاق-فرانتسۋز-تٷرٸك قاۋىمداستىعىنىڭ (AKFT Paris) بٸرلەسكەن ۇيىمداستىرۋىمەن ٶتكٸزٸلدٸ, دەپ حابارلايدى ult.kz.
نەگٸزگٸ ماقساتى – شەتەلدەگٸ قازاق دياسپوراسىنىڭ بٸرلٸگٸن نىعايتۋ, تاريحي وتانمەن بايلانىستى دامىتۋ جەنە مەدەني-گۋمانيتارلىق ىنتىماقتاستىقتى دامىتۋ.
ٸس-شارانىڭ اشىلۋىندا قازاقستاننىڭ فرانتسيياداعى تٶتەنشە جەنە ٶكٸلەتتٸ ەلشٸسٸ گٷلسارا ارىستانقۇلوۆا, قىزىلوردا وبلىسى ەكٸمٸنٸڭ ورىنباسارى ارداق زەبەشەۆ, «وتانداستار قورى» كەاق ۆيتسە-پرەزيدەنتٸ اليبەك جۇرقادام, تٷركييانىڭ ەدٸلەت جەنە دامۋ پارتيياسى تٶراعاسىنىڭ ورىنباسارى راشيدا يۋكسەل, قازاق-فرانتسۋز-تٷرٸك قاۋىمداستىعىنىڭ تٶراعاسى رەجەپ گيۋناي جەنە «Tildes KZ» Speaking جوباسىنىڭ جەتەكشٸسٸ لاريسا الدابەرگەنوۆا سٶز سٶيلەدٸ.
قازاقستان ەلشٸسٸ ٶز سٶزٸندە پاريج تٶرٸندە بۇل باسقوسۋدىڭ شەتەلدەگٸ قازاقتاردىڭ رۋحاني بٸرلٸگٸن نىعايتاتىن ماڭىزدى الاڭعا اينالعانىن اتاپ ٶتتٸ. ول قازاق حالقىنىڭ تاريحي تامىرى التىن وردا مۇراسىمەن ساباقتاس ەكەنٸن ايتىپ, بٷگٸندە قازاقستاننىڭ ەۋروپا مەن ازييانى جالعايتىن سەنٸمدٸ كٶپٸر رەتٸندەگٸ رٶلٸ ارتىپ كەلە جاتقانىن ەرەكشە جەتكٸزدٸ. سونىمەن قاتار, انا تٸل, ۇلتتىق رۋح جەنە تاريحي جادى بارشا قازاقتى بٸرٸكتٸرەتٸن باستى قۇندىلىقتار ەكەنٸن نازار اۋداردى.
جيىن اياسىندا «وتانداستار قورى» كەاق قازاق قاۋىمداستىقتارىنىڭ جەتەكشٸلەرٸ مەن بەلسەندٸلەرٸنٸڭ قاتىسۋىمەن دٶڭگەلەك ٷستەل ٶتكٸزدٸ. كەزدەسۋ بارىسىندا «وتانداستار قورى» كەاق ۆيتسە-پرەزيدەنتٸ ەلٸبەك جۇرقادام ۇيىمنىڭ قىزمەتٸ مەن جٷزەگە اسىرىپ جاتقان جوبالارى تۋرالى اقپارات بەرٸپ, قاتىسۋشىلاردى ورتاق باستامالارعا بەلسەندٸ قاتىسۋعا شاقىردى. سونداي-اق, قاتىسۋشىلار الداعى كەزەڭدەگٸ بٸرلەسكەن جوبالار مەن ىنتىماقتاستىق باعىتتارىن تالقىلادى.
باعدارلاما اياسىندا قىزىلوردا وبلىستىق فيلارمونيياسىنىڭ ٶنەرپازدارى كونتسەرتتٸك باعدارلاما ۇسىنىپ, ٶڭٸر قولٶنەرشٸلەرٸ ۇلتتىق قولٶنەر بۇيىمدارىنىڭ كٶرمەسٸن ۇيىمداستىردى.
وتانداستاردىڭ باسقوسۋى الداعى ەكٸ كٷن بويى جالعاسادى. باعدارلاما اياسىندا گارج-لە-گونەسس قالاسىندا ەۋروپاداعى قازاق جاستارى اراسىندا فۋتبول تۋرنيرٸ ٶتكٸزٸلٸپ, سونداي-اق مەدەني-كٶپشٸلٸك ٸس-شارالار مەن ۇلتتىق مەدەنيەتكە ارنالعان ارنايى باعدارلاما ۇيىمداستىرىلادى.
باسقوسۋعا ۇلىبريتانييا, گەرمانييا, نيدەرلاند, فينلياندييا, يسپانييا, نورۆەگييا, شۆەيتسارييا, فرانتسييا, چەحييا, يتالييا, پورتۋگالييا, پولشا, شۆەتسييا, دانييا, بەلگييا, ماجارستان, تٷركييا مەن موڭعولييادان كەلگەن قازاقستاندىقتار مەن قانداستار قاتىستى.
