اتالمىش قىلمىستىق ٸس قىزىلوردا قالاسىنىڭ №2 سوتىندا قارالدى. ونىڭ ٷستٸنەن جەبٸرلەنۋشٸ م. سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ قىزىلوردا وبلىسى بويىنشا دەپارتامەنتٸنە ارىزدانعان, دەپ حابارلايدى قازاقپارات تٸلشٸسٸ.
جەبٸرلەنۋشٸنٸڭ ايتۋىنشا, ول ٶزٸنٸڭ باسقارۋىنداعى اۆتوكٶلٸگٸمەن دوسى ەكەۋٸ جەكە شارۋاسىمەن «اتامەكەن» ساۋدا ورتالىعىنا كەلەدٸ. ول قىزىلوردا قالاسىنداعى پۋشكين كٶشەسٸمەن بٸر باعىتقا جٷرۋگە ارنالعان جول تالابىنىڭ بەلگٸسٸن بايقاماي قالعان. سول ۋاقىتتا سوڭىنان پوليتسييا قىزمەتٸنٸڭ قىزمەتتٸك اۆتوكٶلٸگٸ كەلٸپ, بٸر باعىتقا ارنالعان جولعا كٶلٸكپەن قارسى كەلگەنٸن ەسكەرتەدٸ. جول ەرەجەسٸن بۇزعاندىعى ٷشٸن اۆتوكٶلٸگٸنە وتىرعىزىپ الادى.
جاسالعان ەكٸمشٸلٸك قۇقىق بۇزۋشىلىقتى بٸر جىل ٸشٸندە قايتالاپ جاساپ تۇرعانىن نازارعا سالادى. بۇل ٷشٸن جٷرگٸزۋ كۋەلٸگٸنەن ايىرۋ جازاسى كٶزدەلگەنٸن ايتۋدى دا ۇمىتپايدى. جەبٸرلەنۋشٸدەن جٷرگٸزۋ كۋەلٸگٸنەن ايىرماۋ ٷشٸن 30 مىڭ تەڭگە تالاپ ەتكەنٸن ەمەۋرٸنمەن بٸلدٸرەدٸ. دەگەنمەن كٶلٸك جٷرگٸزۋشٸ م. اتالعان اقشا قاراجاتىنا مٷمكٸنشٸلٸگٸنٸڭ جوقتىعىنا بايلانىستى 2 مىڭ تەڭگەنٸ پوليتسييا قىزمەتكەرٸ ب-نىڭ قولىنا ۇستاتادى.
اتالمىش قارجىنى ماردىمسىز كٶرگەن پوليتسييا قىزمەتكەرٸ ودان بٶلەك ٶزٸنٸڭ جسن نٶمەرٸن بەرٸپ, بانك كارتوچكاسى ارقىلى 7 مىڭ تەڭگە سالۋدى مٸندەتتەيدٸ. جەبٸرلەنۋشٸنٸڭ ارىزى نەگٸزٸندە سوتتالۋشى ب-نىڭ ٸس-ەرەكەتتەرٸنە جاسىرىن تەرگەۋ ەرەكەتتەرٸ جٷرگٸزٸلگەن. ونىڭ ٷستٸنەن قر قىلمىستىق كودەكسٸنٸڭ 366-بابىنىڭ 1-بٶلٸگٸمەن ٸس قوزعالدى.
بۇرىنعى تەرتٸپ ساقشىسى قىزمەتٸنەن بوساتىلىپ, پوليتسييا لەيتەنانتى شەنٸنەن ايىرىلدى. وعان پارانىڭ 50 ەسەلەنگەن سوماسى مٶلشەرٸندە ايىپپۇل تاعايىندالدى. ايىپپۇلدىڭ جالپى كٶلەمٸ 450 مىڭ تەڭگەنٸ قۇرايدى.
