تٶرت جىل ٶمٸرٸن تٷرمەدە ٶتكٸزگەن ستاتيستيكا اگەنتتٸگٸنٸڭ ەكس-تٶرايىمى انار مەشٸمباەۆا دا پارا الىپ ٸستٸ بولعان ٶزگە ەرٸپتەستەرٸنەن قالىسپاي, بوستاندىققا شىقتى, دەپ حابارلايدى "ۇلت اقپارات" 31-ارناعا سٸلتەمە جاساپ.
ەكس-شەنەۋنٸك جازاسىن جاۋعاشتىداعى ەيەلدەرگە ارنالعان اباقتىدا, ال سوڭعى 1 جىل بەس ايىن الماتىداعى قونىس كولونيياسىندا ٶتەپتٸ. ايتا كەتەيٸك, انار مەشٸمباەۆاعا 2009 جىلى ۇلتتىق ساناققا بٶلٸنگەن 758 ميلليون تەڭگەنٸ سىبايلاستارىمەن بٸرگە جىمقىردى دەگەن ايىپ تاعىلىپ, 7 جىلعا سوتتالعان بولاتىن.
حالىق ساناعىنا بٶلٸنگەن 800 ميلليون تەڭگە تۋرالى ەۋ باستا سٶز شىققاندا انار مەشٸمباەۆا «قارجى پوليتسيياسىنىڭ بۇل دەرەگٸ قاتەلٸك» دەپ جٷرٸپ, بٸر كٷندە قۇزىرلى ورگاندارعا تاپتىرماي كەتتٸ. شەتەلدە ٷش جىل تىعىلىپ جٷرگەن ستاتيستيكا اگەنتتٸگٸنٸڭ بۇرىنعى تٶرايىمىن ارنايى ورگاندار مەسكەۋدە تۇتقىنداپ, ەلگە ەكەلدٸ. الايدا, يزولياتورعا قامالعان كٷننەن مەشٸمباەۆا ەشقايدا قاشقان جوقپىن, اقشا ۇرلاعان جوقپىن دەگەنٸنەن تانبادى.
سوت بارىسىندا ونىڭ بۇرىنعى ورىنباسارلارى دا, «كيٸك» فيرماسىنىڭ قۇرىلتايشىسى سەرٸك تۇرجانوۆ تا باسشىلارىن قورعاپ, تٷسٸنٸكتەمە بەردٸ. تٸپتٸ مەشٸمباەۆا ٸسٸنە بۇۇ-داعى ەرٸپتەستەرٸ دە ارالاسىپ, ونى بوساتۋ تۋرالى ەلباسىنىڭ اتىنا حات جولداعان بولاتىن. الايدا, مەشٸمباەۆانىڭ تاعدىرىنا مۇنىڭ بٸرەۋٸ دە اراشا بولماي, سوت ونى 2014 جىلى اقپاندا جەتٸ جىلعا سوتتاپ جٸبەرگەن بولاتىن. وسىلايشا, ەكس شەنەۋنٸك ٷكٸممەن كەلٸسپەگەن كٷيٸ جاۋعاشتىداعى ەيەلدەرگە ارنالعان تٷرمەگە قامالىپ كەتە باردى.
الايدا, ٶزٸ سيياقتى پارامەن ٸستٸ بولعان ەرٸپتەستەرٸ بوستاندىققا شىعىپ جاتقاندا, مەشٸمباەۆا دا تٷرمەدە قاراپ وتىرا الماي, قايتا-قايتا اپپەلياتسييالىق شاعىم تٷسٸرە بەرگەن. اقىرى, اباقتىداعى شەندٸنٸڭ ٷنٸ اقورداعا جەتٸپ, پرەزيدەنت جارلىعىمەن جازاسى ەكٸ جىلعا قىسقارتىلىپتى. وسىلايشا, انار مەشٸمباەۆا بٷگٸننەن باستاپ ازاتتىقتىڭ اۋاسىن جۇتىپ, الماتىداعى قونىس كولونيياسىنان بوساپ شىقتى. بەس جىلعا دەيٸن مەملەكەتتٸك قىزمەتكە جولاي المايتىن ەكس-شەندٸنٸڭ ەندٸ نەمەن اينالىساتىنىن ەشكٸم بٸلمەيدٸ.
