اۋعان قارسىلاسۋ قوزعالىسى مەن تەلٸپتەرگە قارسى كٶتەرٸلٸسشٸلەر پانجير شاتقالىنىڭ حەندج اۋدانىنا جينالىپ جاتىر. 31 تامىز 2021 جىل.
تەلٸپتەر مەن اۋعانستاندا "تاليبان" قوزعالىسىنىڭ بيلٸگٸنە مويىنسۇنباعان پانجشەر شاتقالىنداعى قارسىلاسۋ كٷشتەرٸ اۋعاندارعا ٷندەۋ جاسادى, دەپ حابارلايدى ازاتتىق.
تەلٸپتەر ٶكٸلٸ ەلەۋمەتتٸك جەلٸدە "سوعىستىڭ الدىن الىپ, ساياسي شەشٸم تابۋعا تىرىسىپ جاتقانى" جايلى اۋديوحابار تاراتتى. ال, پانجشەر شاتقالىنداعى قارسىلاسۋ كٷشتەرٸنٸڭ ٶكٸلٸ "پانجشەر شاتقالىن قورعاۋ جالعاساتىنى" تۋرالى ۆيدەوٷندەۋ تاستادى.
اقش پەن ونىڭ وداقتاستارى اۋعانستانداعى ازاماتتارىن جەنە ٶزدەرٸمەن ىنتىماقتاسقان اۋعان ازاماتتارىن ەۆاكاۋتسييالاۋدى 31 تامىزدا اياقتاعاننان كەيٸن اۋعانستاننىڭ مىڭداعان بەيبٸت ادامى ەلدەن شىعىپ كەتۋ ٷشٸن شەكارا ماڭىنا بارىپ جاتىر.
ۇلىبريتانييا سىرتقى ٸستەر مينيسترٸ دومينيك رااب شەتەل ٸستەر بويىنشا پارلامەنت كوميتەتٸنٸڭ شۇعىل وتىرىسىنان كەيٸن, بارلاۋ مەلٸمەتتەرٸنە سٷيەنٸپ كابۋل بيىل "قۇلامايتىنىن", ٶزٸنٸڭ وسى ايماققا بارىپ اۋعانستاننان ادامداردى ەۆاكۋاتسييالاۋدى جالعاستىرۋ تۋرالى مەسەلەنٸ تالقىلاۋعا كٷش سالاتىنىن مەلٸمدەدٸ.
سەرسەنبٸ كٷنٸ اق ٷي اقش-تىڭ ەسكەري بازاسىنا اۋعانستاننان شىققان 50 مىڭ بوسقىندى ورنالاستىراتىنىن حابارلادى.
اقش مەملەكەتتتٸك حاتشىسىنىڭ ورىنباسارى ۆيكتورييا نۋلاندتىڭ سٶزٸنشە, اقش اۋعانستاندا قالعان ازاماتتارىن الىپ شىعۋدىڭ بارلىق جولدارىن ويلاستىرادى. ونىڭ ايتۋىنا قاراعاندا, ەزٸرگە ۆاشينگتون تەلٸپتەر ٷكٸمەتٸن مويىندامايدى, بٸراق اقش پەن ونىڭ وداقتاستارىنىڭ مٷددەسٸنە ساي كەلسە تەلٸپتەرمەن كەلٸسسٶز جاسايدى. نۋلاندتىڭ سٶزٸنشە, قۇراما شتاتتار اۋعانستانعا گۋمانيتارلىق كٶمەك بەرۋ جولدارىن قاراستىرادى, بٸراق ول تەلٸپتەر قولىنا تٷسپەۋٸ تيٸس.
"ەڭ باستىسى ولاردىڭ بۇۇ جارعىسىنا ساي مويىندارىنا العان مٸندەتتەمەلەرٸ مەن اۋعانستان ادام قۇقىعىن قۇرمەتتەيتٸن ەلگە اينالاتىنى جايلى ۋەدەلەرٸن قالاي ورىندايتىنىن, حالىقارالىق قۇقىقتى قالاي سىيلايتىنىن, شەتەل ازاماتتارى مەن اۋعانستانناننان كەتكٸسٸ كەلەتٸن اۋعاندارعا كەدەرگٸ جاسامايتىنىن كٶرگٸمٸز كەلەدٸ", – دەيدٸ نۋلاند.
تەلٸپتەر ەزٸرگە جاڭا ٷكٸمەت قۇرامىن جارييالامادى جەنە ەلدٸ قالاي باسقاراتىنى جايلى جوسپارلارىن اشقان جوق. جاعدايدى باقىلاپ وتىرعانداردىڭ سٶزٸنشە, "تاليبان" جەتەكشٸلەرٸ حالىقارالىق قاۋىمداستىقتى 1996-2001 جىلدار بيلٸك قۇرعان تەلٸپتەردٸڭ راديكاليزمٸنەن باس تارتقانىنا سەندٸرگٸسٸ كەلەدٸ. بٸراق اۋعانستاننىڭ ەر ايماعىندا تەلٸپتەر قارسىلاستارىن قاتاڭ جازاعا تارتىپ جاتقانى جايلى اقپاراتتار تٷسٸپ جاتىر.
