2020 جىلى ەگٸن ەگۋ ناۋقانى كوروناۆيرۋس سالدارىنان كٷردەلٸ جاعدايدا ٶتكەنٸ بەلگٸلٸ. وسىعان قاراماستان, تٶتەنشە جاعداي كەزٸندە سالاداعى جۇمىستاردى ساپالى ەرٸ ۋاقىتىلى ۇيىمداستىرۋ ٷشٸن تيٸستٸ شارالار قابىلداندى. بۇل ٶز كەزەگٸندە ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ تۇرعىسىندا ٶتە ماڭىزدى بولدى.
ەستەرٸڭٸزدە بولسا, فەرمەلەردٸڭ ەگٸس القاپتارىنا دەيٸن كەدەرگٸسٸز ٶتۋٸنە قاتىستى قاجەتتٸ شەشٸمدەر جاسالىپ, كٶكتەمگٸ ەگٸس جۇمىستارىن جٷرگٸزۋدٸڭ الگوريتمٸ دايىندالدى. وسى ورايدا فەرمەرلەرگە جانار-جاعارماي مەن بٶلشەكتەردٸ, تۇقىمدى, تىڭايتقىشتى, ٶسٸمدٸكتٸ قورعاۋ زاتتارىن جەتكٸزۋدٸڭ تەرتٸبٸ ايقىندالدى. قابىلدانعان شارالاردىڭ ارقاسىندا كٶكتەمگٸ ەگٸس ناۋقانى دەر كەزٸندە ٶتكٸزٸلگەن ەدٸ.
اتاپ ايتقاندا, كوروناۆيرۋس ٸندەتٸنٸڭ تارالۋىنا بايلانىستى, سونداي-اق تٶتەنشە جاعداي مەن كارانتيننٸڭ ەنگٸزٸلۋٸنە وراي ٸشكٸ ەرٸ سىرتقى نارىقتا ەلەۋمەتتٸك ماڭىزداعى ازىق-تٷلٸك ٶنٸمدەرٸنە سۇرانىس كٷرت ارتتى. ٸشكٸ نارىققا ٶنٸمدٸ تۇراقتى جەتكٸزۋ مەن حالىقتى ازىق-تٷلٸكپەن قامتاماسىز ەتۋ ماقساتىندا اۋىل شارۋاشىلىعى مينيسترلٸگٸ ەل اۋماعىنان كەيبٸر تاۋارلاردى شىعارۋعا ۋاقىتشا شەكتەۋلەر ەنگٸزدٸ. وسى ورايدا ەلەۋمەتتٸك ماڭىزداعى ازىق-تٷلٸك ٶنٸمدەرٸنٸڭ قازاقستان اۋماعىندا تاپشىلىعىن بولدىرماۋ ٷشٸن تيٸستٸ شەشٸمدەر جاسالدى.
اۋىل شارۋاشىلىعى داقىلدارىنىڭ ەگٸس القاپتارىن ەرتاراپتاندىرۋ بويىنشا جۇمىستار جالعاسۋدا. بۇل رەتتە يمپورتتى الماستىرۋ مەن تيٸمدٸلٸگٸ جوعارى داقىلدار القاپتارىن ارتتىرۋعا ەكپٸن قويىلعان.
قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسى مەلٸمەتتەرٸنە قاراعاندا, 2020 جىلى ەگٸس القاپتارىنىڭ جالپى كٶلەمٸ 22,7 ملن گەكتاردى قۇراپ, بۇل كٶرسەتكٸش 2019 جىلمەن سالىستىرعاندا 439,2 مىڭ گەكتارعا ارتىق بولدى.
قابىلدانعان شارالاردىڭ ارقاسىندا داقىلدار القاپتارىن ارتتىرۋعا, ونىڭ ٸشٸندە تيٸمدٸلٸگٸ جوعارى داقىلداردىڭ ەگٸستەرٸن كٶبەيتۋگە مٷمكٸن بولدى.
اۋىل شارۋاشىلىعى تاۋارىن ٶندٸرۋشٸلەردٸ ارزانداتىلعان ديزەل وتىنىمەن قامتاماسىز ەتۋ بويىنشا مەملەكەت باسشىسىنىڭ تاپسىرماسىن جٷزەگە اسىرۋ اياسىندا اقپان-قاراشا ارالىعىندا 792 مىڭ توننا ديزەل وتىنى بٶلٸندٸ. ەنەرگەتيكا مينيسترلٸگٸمەن كەلٸسٸمگە سەيكەس, كٶكتەمگٸ ەگٸس جۇمىستارى مەن مەن كٷزگٸ ەگٸن ورۋ ناۋقانىنا مۇناي ٶڭدەۋ زاۋىتتارىمەن ارادا تيٸستٸ باعا بەكٸتٸلدٸ. ايتا كەتەيٸك, استىقتى كەپتٸرۋگە قوسىمشا 47 مىڭ توننا ديزەل وتىنى بٶلٸندٸ.
داعدارىس پەن پاندەمييا سالدارىنان ٶنٸمدٸ ٶتكٸزۋ پروبلەماسىنا قاراماستان, مەملەكەتتٸك قولداۋ قادامدارىنىڭ ارقاسىندا 2020 جىلى ٶسٸمدٸك شارۋاشىلىعى ٶنٸمدەرٸن ٶڭدەۋگە ارنالعان جاڭا زاۋىتتار پايدالانۋعا بەرٸلدٸ. وسى ورايدا بىلتىر مامىر ايىندا الماتى وبلىسىندا تەۋلٸگٸنە 500 توننا مايلى داقىل ٶڭدەيتٸن «جەتٸسۋ-ماجيكو» زاۋىتى جۇمىسىن باستادى.
ال قىزىلوردا وبلىسىندا «قارابۋرا اتا» شق-نىڭ قۋاتتىلىعى تەۋلٸگٸنە 60 توننا كٷرٸش ٶڭدەيتٸن زاۋىتى تاپسىرىلدى. تٷركٸستان وبلىسىندا جەمٸس كونسەرۆٸلەۋ زاۋىتى پايدالانۋعا بەرٸلدٸ. 2020 جىلعى قىركٷيەكتە «راحات» اق شىمكەنتتە ٶندٸرٸسٸن كەڭەيتٸپ, جاڭا جەلٸنٸ ٸسكە قوستى. جامبىل وبلىسىندا «سەۋلە» كونديتەرلٸك فابريكاسى جشس ٶزٸنٸڭ ٶندٸرٸسٸن نىعايتىپ, ٶنٸم كٶلەمٸن ارتتىردى.
«وتاندىق كەسٸپورىندار ٸشكٸ قاجەتتٸلٸكتٸ تيٸستٸ دەڭگەيدە قامتاماسىز ەتە الماي جٷرگەن تاۋارلارعا قاتىستى يمپورتتى الماستىرۋ جۇمىستارى جٷرگٸزٸلٸپ جاتىر. ٶتكەن جىلى 1800 گەكتار القاپتى قامتىعان الما باقتارىن وتىرعىزۋ ٸسكە اسىرىلدى. وسى ورايدا تىڭايتقىشتى, تيٸستٸ ماتەريالداردى, سۋارۋعا ارنالعان سۋدى, تەحنيكانى سۋبسيدييالاۋ جولىمەن باعباندارعا قولداۋ كٶرسەتٸلٸپ كەلەدٸ», - دەلٸنگەن مينيسترلٸك مەلٸمەتٸندە.
تۇقىم شارۋاشىلىعىن سۋبسيدييالاۋ تەتٸگٸن جەتٸلدٸرۋدٸڭ ارقاسىندا ساپاسى تٶمەن تۇقىمدى پايدالانۋ ٷلەسٸ 2019 جىلمەن سالىستىرعاندا بىلتىر 224,3 مىڭ توننادان 181 مىڭ تونناعا دەيٸن نەمەسە 1,2 ەسەگە تٶمەندەدٸ.
مۇنىمەن قوسا, كٶكتەمگٸ ەگٸس جۇمىستارىن ساپالى ەرٸ ۋاقىتىلى ٶتكٸزۋ ٷشٸن, سونداي-اق تۇراقتى ٶنٸمدٸ الۋ ماقساتىندا 369 اۋىل شارۋاشىلىعى تۋارىن ٶندٸرۋشٸدەن 24,55 ملرد تەڭگەگە ٶنٸمدٸ فورۆاردتىق ساتىپ الۋ جٷرگٸزٸلدٸ.
516,9 مىڭ توننا اۋىل شارۋاشىلىعى ٶنٸمٸن ساتىپ الۋ قارجىلاندىرىلدى. ونىڭ ٸشٸندە: بيداي - 453,4 مىڭ توننا, ارپا – 53,2 مىڭ توننا, كٷنباعىس – 10 مىڭ توننا, قاراقۇمىق – 300 توننا.
