قازاقستان قۇرىلىسشىلار وداعى تٶراعاسىنىڭ ورىنباسارى سەرٸكجان مەرگەنباەۆ ەلدەگٸ تٶتەنشە جاعداي كەزٸندە ٷكٸمەت تاراپىنان قۇرىلىس سالاسى بويىنشا قابىلدانعان شارالارعا قاتىستى ٶز پٸكٸرٸمەن بٶلٸستٸ, دەپ حابارلايدى قازاقپارات.
«كەڭەيتٸلگەن وتىرىستا كٶتەرٸلگەن مەسەلەلەرمەن ونى شەشۋدەگٸ مەملەكەت باسشىسىنىڭ ۇسىنىستارى ورنىقتى دەپ ويلايمىن. يە, پرەزيدەنت بٸراز بيلٸك باسىنداعىلارعا ەسكەرتۋ جاساپ, جۇمىستارىنا سىن ايتتى. جەنە پروبلەمالاردى شەشۋ ٷشٸن ٷكٸمەتكە 2 اپتا ۋاقىت بەرگەنٸ دە ەدٸل شەشٸم دەپ ويلايمىن. سەبەبٸ پرەزيدەنت پاندەمييامەن كٷرەسكە تيٸستٸ قاراجاتتىڭ ۋاقىتىلى بٶلٸنٸپ, دەگەنمەن قۇزىرلى مەكەمەلەردٸڭ دەر كەزٸندە ناقتى شارالار قابىلداماعاندىعىن باسا ايتتى. ول قاتەلٸك بٷگٸندە تٶتەنشە جاعدايدىڭ ەكٸنشٸ كەزەڭٸنە الىپ كەلٸپ, قايتا كارانتين جٷيەسٸن ورناتۋعا ەكەلٸپ وتىر. ال بيزنەس ٶكٸلدەرٸ ٶز تاراپىنان حالىق الدىنداعى ەلەۋمەتتٸك جاۋاپكەرشٸلٸكتٸ سەزٸنٸپ, جۇمىسشىلاردى قىسقارتپاي, جالاقىسىن تٶلەپ قولدان كەلگەنشە جاعداي جاساپ وتىر. دەگەنمەن بىلاي ٷزدٸكسٸز جالعاسا بەرۋٸ مٷمكٸن ەمەس, بيزنەستٸ ودان ەرٸ دامىتۋ ٷشٸن پايدا, تٷسٸم بولۋ كەرەك», - دەپ ٶز ويىمەن بٶلٸستٸ س. مەرگەنباەۆ.
ونىڭ ايتۋىنشا, مەملەكەت باسشىسىنىڭ بيزنەس يەلەرٸن ۋاقىتشا سالىقتان بوساتۋ سەتتٸ يدەيا جەنە وسى سالا ٶكٸلدەرٸ ٷشٸن ايتارلىقتاي قولداۋ بولدى.
«ٶز سالام بويىنشا ايتار بولسام. قۇرىلىس سالاسىندا مەملەكەتتٸك ساتىپ الۋ تۋرالى زاڭ جوباسىنا ٶزگەرٸستەر ەنگٸزٸلدٸ. سونىڭ نەگٸزٸندە بۇرىن مەملەكەتتٸك ساتىپ الۋ پروتسەسٸ 2-3 ايعا سوزىلاتىن بولسا, قازٸر نەبەرٸ 7 كٷننٸڭ ٸشٸندە شەشٸم شىعادى. پاندەمييا كەزٸندە مەملەكەتتٸك ساتىپ الۋ پروتسەسٸنٸڭ وڭتايلاندىرىلۋى قۇرىلىس سالاسىنداعى تيٸمدٸ شەشٸم بولىپ وتىر. جەنە ەربٸر قۇرىلىس كومپانيياسى ٶز شاما-شارقىنا قاراپ قۇرىلىس نىساندارىن سالۋعا ٶتٸنٸم بەرەدٸ. بۇل جەردەگٸ بٸر ايتىپ ٶتەتٸن مەسەلە اتالعان زاڭنامالىق ٶزگەرٸس وسى جىلدىڭ تامىز ايىنا دەيٸن عانا جارامدى. وسى ورايدا بٸزدٸڭ وداق مەملەكەت باسشىسىنا جىلدىڭ سوڭىنا دەيٸن سوزۋ تۋرالى ٷندەۋ جولدادىق. پرەزيدەنتكە ٷندەۋ جولداماس بۇرىن ەلٸمٸزدٸڭ بارلىق ٶڭٸرلەرٸندەگٸ قۇرىلىسشىلار اراسىندا ساۋالناما جٷرگٸزٸپ ولاردىڭ پٸكٸرٸن بٸلدٸك, نەتيجەسٸندە قۇرىلىس سالاسىنداعى مەملەكەتتٸك ساتىپ پروتسەسٸنە ەنگٸزٸلگەن جاڭا تەرتٸپتٸ جىلدىڭ سوڭىنا دەيٸن ۇزارتۋ تۋرالى ٶتٸنٸش بٸلدٸرۋگە بٸر اۋىزدان كەلٸستٸك. ٷندەۋٸمٸز ٶز نەتيجەسٸن بەرەدٸ دەپ ٷمٸتتەنەمٸز», - دەدٸ ول.
