پارلامەنت سەناتىنىڭ تٶراعاسى داريعا نازارباەۆا پاندەمييا سالدارىنا قاتىستى پٸكٸر بٸلدٸردٸ, دەپ حابارلايدى قازاقپارات.
«كٶپشٸلٸكتٸ الاڭداتىپ جٷرگەن بٸرنەشە مەسەلەگە توقتالعىم كەلٸپ وتىر.
پاندەمييا بٷكٸل ەلەم ٷشٸن ناعىز سىناق بولدى. ول ەلەمدٸك ەكونوميكانى ەشقاشان بولماعان كٶلەمدە قىسقارتىپ, مۇناي نارىعىندا باعانىڭ تٶمەندەۋٸنە, كەسٸپورىندار مەن تۇرعىندار شارۋاشىلىقتارىن اسا قيىن جاعدايعا الىپ كەلدٸ. مۇنىڭ سالدارى ەر ادامنىڭ ٶمٸرٸنە ۇزاق ۋاقىت ەسەر ەتەتٸنٸ انىق. بۇل جاعدايدى دۇرىس باعالاي بٸلۋٸمٸز كەرەك. شىعىنداردى ازايتۋ قاجەت بولادى. بٸزدەر ەندٸ بٷگٸنگٸ كٷننٸڭ شىندىعىمەن جاڭاشا ٶمٸر سٷرٸپ جٷرمٸز», - دەدٸ د. نازارباەۆا پارلامەنت سەناتىنىڭ جالپى وتىرىسىندا.
وسى ورايدا ول 24 سەۋٸردە قاۋٸپسٸزدٸك كەڭەسٸنٸڭ وتىرىسى ٶتكەنٸن, وندا ەلباسى نۇرسۇلتان نازارباەۆ سٶز سٶيلەگەنٸن ەسكە سالدى.
«27 سەۋٸردە مەملەكەت باسشىسى قاسىم-جومارت توقاەۆتىڭ مەلٸمدەمەسٸ جارييالاندى. ەل باسشىلىعىنىڭ نەگٸزگٸ پايىمى – داعدارىستان كەيٸنگٸ كەزەڭگە, ەكونوميكالىق, ەلەۋمەتتٸك, قوعامدىق ٶمٸردٸ تٶتەنشە جاعداي رەجيمٸنەن شىعارۋعا دايىندىقتى باستاۋ كەرەك. بۇل بارلىق مەملەكەتتٸك ورگاندارمەن قاتار, بٸزدٸڭ الدىمىزعا دا, قۇرمەتتٸ دەپۋتاتتار, بٸرقاتار مٸندەتتەر مەن مەسەلەلەردٸ قويادى», - دەدٸ سەنات تٶراعاسى.
