7 ماۋسىمدا تاڭەرتەڭ پەكٸستاندا ەكٸ جولاۋشىلار پويىزى سوقتىعىسىپ, كەمٸندە 30 ادام قازا تاپتى. بۇل تۋرالى جەرگٸلٸكتٸ بيلٸك حابارلادى.
وقيعا سيند پروۆينتسيياسىنداعى داحاركي قالاسى ماڭىندا بولعان. بيلٸكتٸڭ مەلٸمەتٸنشە, رەلستەن شىعىپ كەتكەن پويىزداردىڭ بٸرٸنە جولاۋشىسى كٶپ ەكٸنشٸ پويىز سوقتىعىسقان.
قانشا ادامنىڭ ۆاگوندار استىندا قالعانى بەلگٸسٸز. قۇتقارۋشىلار ولاردى تابۋ ٷشٸن ارنايى تەحنيكا سۇراعان.
"اپات بولعان ماڭ الىستا بولعاندىقتان قۇتقارۋ وپەراتسيياسى كٷردەلەندٸ" دەدٸ تەمٸرجول كومپانيياسىنىڭ ٶكٸلٸ. كەمٸندە التى ۆاگون تولىق قيراعان.
كومپانييانىڭ باسپاسٶز قىزمەتٸ كەمٸندە 30 ادامنىڭ قازا بولعانىن حابارلادى. ال داحاركي پوليتسيياسىنىڭ اعا وفيتسەرٸ ومار تۋفايل 40 شاقتى ادام وپات بولدى دەيدٸ.
پەكٸستان پرەمەر-مينيسترٸ يمران حان وقيعانى ەستٸپ تٷرشٸككەنٸن ايتىپ, جول اپاتىنىڭ سەبەبٸن تولىق زەرتتەۋگە ۋەدە بەردٸ.
