7 maýsymda tańerteń Pákistanda eki jolaýshylar poiyzy soqtyǵysyp, keminde 30 adam qaza tapty. Bul týraly jergilikti bilik habarlady.
Oqiǵa Sind provintsiiasyndaǵy Daharki qalasy mańynda bolǵan. Biliktiń málimetinshe, relsten shyǵyp ketken poiyzdardyń birine jolaýshysy kóp ekinshi poiyz soqtyǵysqan.
Qansha adamnyń vagondar astynda qalǵany belgisiz. Qutqarýshylar olardy tabý úshin arnaiy tehnika suraǵan.
"Apat bolǵan mań alysta bolǵandyqtan qutqarý operatsiiasy kúrdelendi" dedi temirjol kompaniiasynyń ókili. Keminde alty vagon tolyq qiraǵan.
Kompaniianyń baspasóz qyzmeti keminde 30 adamnyń qaza bolǵanyn habarlady. Al Daharki politsiiasynyń aǵa ofitseri Omar Týfail 40 shaqty adam opat boldy deidi.
Pákistan premer-ministri Imran Han oqiǵany estip túrshikkenin aityp, jol apatynyń sebebin tolyq zertteýge ýáde berdi.
