ويلانىپ جاتىرمىن. وسىدان بٸر جىل بۇرىن ٶمٸرٸمٸز قانداي ەدٸ?! جايباراقات ەدٸك. ۋايىمسىز ەدٸك. ٷرەيسٸز ەدٸك. ٶمٸر بولعاسىن قيىندىق تا بولاتىن, باسقا دا بولاتىن. بٸراق, قاي مەسەلە بولسىن ەيتەۋٸر شەشٸلەتٸن. بٸرەۋدەن تۇماۋ جۇقسا, پييازدى قارشىلداتىپ جەپ, تاماق اۋىرسا تۇزبەن شايا سالىپ, ەرتەڭگٸ كٷننٸڭ تٸرشٸلٸگٸنە القىن-جۇلقىن كٸرٸسٸپ كەتۋشٸ ەدٸك. بٷگٸن قاتتى ٶزگەردٸك. سىرتىمىز سول قالپى بولعانمەن, جاننىڭ حەلٸن اينىتپاي كٶرسەتٸپ تۇراتىن جانارىمىز ٶزگەردٸ.
قاراشىعىمىزدا دٸرٸل پايدا بولدى. جٷرەكتٸڭ قاعىسى ٶزگەردٸ, ارمان-مۇراتتارىمىزدىڭ مازمۇنى دا باسقا كەيٸپكە ەندٸ. بٸز ٶلٸمنٸڭ اقيقات ەكەنٸن بٸلٸپ شوشىندىق. جاقىننىڭ قادٸرٸن بٸلدٸك. ٶمٸر دەگەن - جٸڭٸشكە جٸپ سەكٸلدٸ ٷزٸلە سالاتىن سونداي نەزٸك قۇبىلىس ەكەنٸن تٷسٸندٸك. باياعى بٸر كەرەمەت ماڭىزدى بوپ كٶرٸنگەن مەسەلەلەرٸمٸز تٷككە تۇرمايتىن نەرسە ەكەنٸن, تالاسىپ جٷرگەنٸمٸز بوققا تۇرمايتىن دٷنيە ەكەندٸگٸن ۇعىندىق. ٶزگەردٸك. ادام تانىماستاي ٶزگەردٸك. ونى بەرٸمٸز دە سەزٸپ-بٸلٸپ جٷرمٸز. بٸراق, ەشكٸمگە ايتپايمىز. ٶيتكەنٸ بٸز بٸرەۋگە جان مۇڭىن ايتۋدان, سىرلاسۋدان باياعىدا قالعانبىز. سەبەبٸ, «ابىرويسىز» بوپ قالۋدان قورقاتىن بولدىق. ٶسەكتەن, تاراپ كەتەتٸن قازاقتىڭ «ۇزىن سٶزٸنەن» اۋلاق بولعىمىز كەلەدٸ. نەمەسە بەرٸ ساۋ, ال مەنٸڭ ەسٸم اۋعان با دەپ ويلايمىز. ونى بٸرەۋدەن سۇراۋدان دا قاشامىز. ەشكٸمگە سەنبەيمٸز. قاڭقۋ سٶز, بٸرەۋ تۋرالى تاراعان «ەشكەرە جاڭالىققا» تەز سەنەمٸز. مەنٸمەن ەمەس, ول جاعداي «اناۋ وڭباعانمەن» بولىپ جاتقانىنا قۋانامىز. ەگەر جٷرەگٸمٸز قاتىپ قالماعاندا, مىنا ٸندەت كەزٸندە بٸز مٷمكٸن بٸر بٸرٸمٸزگە تٸرەك بولا الاتىن با ەدٸك. مەيٸرٸممەن بۇل دەرتتٸ ەرٸتٸپ جٸبەرەر مە ەدٸك. جوق, بٸز ەرقايسىمىز مىنا ەلەمنٸڭ الدىندا جەكە-جەكە قالدىق. جالعىزبىز بەرٸمٸز. ٶمٸردٸڭ الدىندا دا, ٶلٸمنٸڭ الدىندا دا قالتىراپ, جالعىزدان جالعىز تۇرمىز.
دەگەنمەن ٶزگەردٸك. سەبەبٸ ٸشٸمٸزگە ٷرەي شوعى تٷسٸپ, جانىمىزبەن قوسىپ ارىمىزدى دا شىجعىرىپ جاتىر. ٸشٸمٸزگە تٷسكەن سەنٸمسٸزدٸك بٸزدٸڭ قانداي ەلسٸز ەكەنٸمٸزدٸ, ٶتٸرٸك قوقيلانىپ جٷرەتٸنٸمٸزدٸ ٶز ٶزٸمٸزگە ەشكەرەلەپ بەرە سالدى. بٸزدٸڭ قانداي ەلسٸز جاراتىندى ەكەنٸمٸزدٸ توزاڭداي عانا ۆيرۋس كٶرسەتٸپ بەردٸ. «جاعاجايداعى كافكا» كٸتابىندا حارۋكي مۋراكاميدٸڭ ايتاتىنى بار عوي: «كٷندەردٸڭ كٷنٸندە داۋىل تىنشيدى, ال سەن سول داۋىلدىڭ سويقانىنا قالاي شىداعانىڭدى دا ۇمىتىپ كەتەسٸڭ. سەن تٸپتٸ ونىڭ بٸتكەن-بٸتپەگەنٸن دە سەزبەۋٸڭ مٷمكٸن. بٸراق بٸر دٷنيە انىق: سەن ول داۋىلدان شىققاندا ەندٸ ەشقاشان بۇرىنعى ادام بولمايسىڭ. داۋىلدىڭ مەن-ماڭىزى دا سوندا» دەيدٸ.
بٸز بٷگٸن بۇرىنعى ەمەس, ٶزگەمٸز. جاقسى جاعىنا ٶزگەردٸك دەگەن ەلسٸز سەنٸم بار. ٷرەي مەن ٷمٸت قوس قول سەكٸلدٸ جٷرەگٸمٸزدٸ ۇماجداپ-ۇماجداپ ەندٸگٸ جۇمسارتقان دا شىعار? مٷمكٸن.
اقبەرەن ەلگەزەك
