ٶزگە ەلگە تۇراقتى تۇرۋعا كەتٸپ بارا جاتقاندار قۇجاتتارىن ميگراتسييالىق حقو ارقىلى رەسٸمدەي الادى, دەپ حابارلايدى "قازاقپارات".
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ مەلٸمەتٸنشە, ەڭبەك ميگرانتتارىنا ارنالعان كٶشٸ-قون ورتالىقتارىندا كٶرسەتٸلەتٸن مەملەكەتتٸك قىزمەتتەر سانى ارتتى. بۇدان بۇرىن اتالمىش ورتالىقتا شەتەلدٸكتەر جۇمىس ٸستەۋگە رۇقسات الىپ, قر اۋماعىنا ۋاقىتشا كەلەتٸندەرگە جەكە سەيكەستەندٸرۋ نٶمٸرٸ عانا بەرٸلەتٸن.
«ەلٸمٸزدە 12 كٶشٸ-قون ورتالىعى جۇمىس ٸستەيدٸ. بٷگٸن تاعى بٸر ورتالىقتى قىزىلوردا قالاسىندا اشىپ وتىرمىز. قازاقستانعا كەلەتٸن ەڭبەك ميگرانتتارى كٶپ, بٸراق بارلىعى بٸردەي قىزمەتٸن زاڭداستىرا بەرمەيدٸ. بٸرنەشە مەملەكەتتٸك ورگاننىڭ اراسىنداعى سەرگەلدەڭنەن سوڭ ولار قۇجاتتارىن رەتتەۋگە اسىقپايدى. كٶشٸ-قون ورتالىعى كٶلەڭكەدە جٷرگەن ەڭبەك ميگرانتتارىنىڭ زاڭدى تٷردە تٸركەلۋٸنە ىقپال ەتەدٸ. وسى رەتتە كٶشٸ-قون حقو-سى ارقىلى كٶرسەتٸلەتٸن قىزمەتتەر سانى كٶبەيەتٸن بولدى», - دەپ اتاپ ٶتتٸ مەملەكەتتٸك كورپوراتسييانىڭ باسقارما تٶراعاسى ابىلايحان وسپانوۆ.
2019 جىلعى اقپان ايىنىڭ سوڭىنا دەيٸن كٶشٸ-قون ورتالىقتارى كەلەسٸ قىزمەتتەردٸ كٶرسەتەدٸ:
- قر اۋماعىنا ۋاقىتشا كەلەتٸن شەتەلدٸكتەر مەن ازاماتتىعى جوق تۇلعالاردى تٸركەۋ;
- قر تىسقارى ايماعىنا تۇراقتى تۇرۋعا شىعاتىنداردىڭ قۇجاتتارىن رەسٸمدەۋ;
- قر ۆيزالارىن بەرۋ بويىنشا قابىلداۋشى تۇلعالاردىڭ شاقىرۋلارىن قابىلداۋ جەنە كەلٸسۋ.
بٷگٸندە ٸٸم-مەن بٸرلەسٸپ اشىلعان ميگراتسييالىق حقو-دا ەڭبەك ميگرانتتارى قاجەتتٸ مەملەكەتتٸك قىزمەت تٷرلەرٸن «بٸر تەرەزە» قاعيداتى بويىنشا الا الادى. بۇل جەردە مەديتسينالىق تەكسەرٸس پەن داكتيلوسكوپييادان ٶتٸپ, ساقتاندىرۋ پوليسٸن دە قوسا رەسٸمدەۋگە بولادى. بۇرىن ميگرانتتار ەڭبەك ەتۋگە بەرٸلەتٸن رۇقسات قۇجاتتارىن الۋ جەنە ونىڭ مەرزٸمٸن ۇزارتۋ ٷشٸن 6 مەملەكەتتٸك مەكەمەگە بارىپ, 3-5 كٷنٸن جۇمسايتىن. قازٸر قاجەتتٸ قۇجاتتاردى كٶشٸ-قون ورتالىعى ارقىلى بٸر ساعاتتىڭ ٸشٸندە رەسٸمدەۋگە بولادى.
