نامانگان قالاسىنان تابىلعان قوجا احمەت ياساۋيدٸڭ مٶرٸ قازاقشاعا اۋدارىلدى

ٶزبەكستاننىڭ نامانگان قالاسىنان تابىلعان قوجا احمەت ياساۋيدٸڭ مٶرٸ قازاقشاعا اۋدارىلدى.

بۇل تۋرالى تٷركٸستانداعى «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸنٸڭ ماماندارى مەلٸمدەدٸ, دەپ حابارلايدى "ۇلت اقپارات". 

اتالعان مۋزەيدٸڭ عىلىم بٶلٸمٸنٸڭ باسشىسى بەرٸك بايبولوۆتىڭ ايتۋىنشا, اۋدارما كەزٸندە مەتاللدان جاسالعان مٶردە تىڭ دەرەكتەر جازىلعانى انىقتالعان. 

مامانداردىڭ سٶزٸنشە, بۇعان دەيٸن تابىلعان قوجا احمەت ياساۋيدٸڭ مٶرلەرٸ تەك قاعاز كٷيٸندە ساقتالعان. ال, بۇل مٶر مىستان جاسالعان. ەرٸ العاش رەت تابىلىپ وتىر. شاعاتاي تٸلٸندە جازىلعان جازبالار اۋدارىلىپ, قاي عاسىرعا تيەسٸلٸ ەكەنٸ دە انىق بولعان. 

«مۇنداي مٶر جالپى ايتقاندا ورتا ازييادا ەشكٸمدە كەزدەسپەيدٸ. وسى يبراھيم اقساقالدىڭ قولىندا قازٸر ساقتالىپ تۇرعان ەكەن. بٸزدٸڭ تٷركٸستاندىق ساقتالعان مٶرلەردە ون احمەتتٸڭ اتى جازىلادى دا, ال كەشەگٸ قارييانىڭ قولىنان تابىلعان مٶردٸ بٸز قازٸر اۋداردىق. وندا بٸزگە بەيمەلٸم ٷش شەيحتىڭ اتى بەلگٸلٸ بولدى. ول احمەت ىسقاق, احمەت جارجاني, احمەت مارجاني دەگەن. 14-15 عاسىرعا تيەسٸلٸ ەكەن ايدان انىق», - دەيدٸ بەرٸك بايبولوۆ. 

ايتا كەتەيٸك, بۇعان دەيٸن ٶزبەكستاننىڭ نامانگان قالاسىنان قوجا احمەت ياساۋي شەجٸرەسٸنٸڭ بٸر نۇسقاسى مەن مٶرٸ تابىلعان بولاتىن. يسلام ەلەمٸنە ەيگٸلٸ شايىقتاردىڭ ەسٸمٸ جازىلعانى قۇندى مۇرالاردى ياساۋيدٸڭ ۇرپاعى يبراھيمجان شاريفحۋجاەۆ قاجى ساقتاپ كەلگەن. 98 جاستاعى قارييانى تٷركٸستانداعى «ەزٸرەت سۇلتان» مەملەكەتتٸك تايحي-مەدەني قورىق-مۋزەيٸنٸڭ قىزمەتكەرلەرٸ ٶزبەكستانعا ارنايى ٸزدەپ باردى. جاسى بٸر عاسىرعا تاياعان اقساقال مۋزەي قىزمەتكەرلەرٸنە اتا-بابالارىنان جەتكەن ناسابناما قولجازباسىن دا كٶرسەتتٸ. شاعاتاي تٸلٸندە جازىلعان ەكٸ جارىم مەترلٸك قولجازبانى دا ماماندار سۋرەتكە تٷسٸرٸپ الىپ, الداعى ۋاقىتتا زەرتتەمەك. ال, عۇلاما عالىم يبراحيمجان اقساقالدىڭ قولىنداعى ناسابناما شەجٸرەسٸ مەن مٶرٸن جاز ماۋسىمىنا تاياۋ تٷركٸستانداعى مۇراجايعا تابىستاماق. 

جالپى, مۋزەي باسشىلىعى قوجا احمەت ياساۋيدٸڭ قالدىرعان مۇراسى ەلٸ كٷنگە تولىق زەرتتەلٸپ بٸتپەگەنٸن ايتادى. ەزٸرگە تەك 70-تەن اسا شەجٸرەسٸنٸڭ تٷرٸ تابىلعان. سوندىقتان «ياساۋي ٸزٸمەن» عىلىمي تانىمدىق ەكسپەديتسييا اياسىندا ەلٸ دە جۇمىستار ورتا ازييا ەلدەرٸ اۋماعىندا جالعاسادى دەپ وتىر.