ٶزبەكستان حالىق قوزعالىسىنىڭ جەتەكشٸسٸ مۇحامماد ساليح 23 ناۋرىزدا ۆيدەو ٷندەۋٸن جارييالاپ, ەل پرەزيدەنتٸ شاۆكات ميرزيياەۆكە قولداۋ كٶرسەتتٸ. بۇل تۋرالى ورتالىق ازييانىڭ جاڭالىقتار قىزمەتٸ حابارلادى.
– مەن شاۆكات ميرزيياەۆتٸڭ ٶزبەكستان كونستيتۋتسيياسىنا قايشىلىعىنا قاراماستان, پرەزيدەنتتٸك قىزمەتكە كەلگەنٸن سىناعان ەدٸم. ەندٸ مەن سونىم دۇرىس بولماعانىن تٷسٸندٸم. ونىڭ پرەزيدەنت رەتٸندە جاساعان كٶپتەگەن ٸستەرٸ, اتاپ ايتقاندا ەبدەن ۇمىتىلعان حالىققا بەت بۇرىپ, ولارعا قۇلاق اسقانى, مەنٸڭ كٶڭٸلٸمنەن شىقتى. قازٸر ٶزبەكستان حالقى ميرزيياەۆتەن ٷلكەن ٶزگەرٸستەر كٷتەدٸ, مەن دە حالىقتىڭ بٸر ٶكٸلٸ رەتٸندە, پرەزيدەنتتەن جاقسى ٸس كٷتەمٸن, — دەدٸ مۇحامماد ساليح.
بۇعان قوسا, ٶزبەك وپپوزيتسيياسىنىڭ ەڭ بەدەلدٸ ٶكٸلٸ پرەزيدەنت ميرزيياەۆتٸ ەلدە ساياسي جەنە ەكونوميكالىق رەفورما جاساۋعا شاقىردى.
– ەلدە ميرزيياەۆتٸڭ ەكونوميكالىق رەفورمالار جاساۋىنا كەدەرگٸ كەلتٸرەتٸن قۋاتتى توپتار بار. بٸراق پرەزيدەنتتٸڭ ارتىندا تۇتاس بٸر مەملەكەتتٸڭ كٷشٸ تۇر. ول باتىل بولىپ, مەملەكەتتٸ تۇنشىقتىرعان مافييادان ارىلۋى تيٸس. وعان ۇزاق ۋاقىت قاجەت ەمەس, ٶزگەرٸستٸ بٸردەن باستاۋ كەرەك, – دەدٸ ساليح.
