21 قازاندا ٶزبەكستاننىڭ وڭتٷستٸگٸندەگٸ قاشقادارييا وبلىسىنىڭ گۋزار اۋدانىندا Uzbekistan GTL زاۋىتىن سالىپ جاتقان مىڭداعان جۇمىسشى بٷلٸك شىعاردى.
ازاتتىقتىڭ ٶزبەك قىزمەتٸنٸڭ قولىنا تٷسكەن ۆيەدودا 5 مىڭعا جۋىق جۇمىسشىنىڭ زاۋىت عيماراتىنا كٷشپەن باسىپ كٸرگەنٸ بايقالادى. ۆيدەوتاسپادان جيھازدار مەن كومپيۋتەرلەردٸڭ قيراپ جاتقانى كٶرٸنەدٸ.
وقيعا ورنىنداعى كەي جۇمىسشىلار ازاتتىققا بٷلٸكتٸ باسۋ ٷشٸن گۋزور اۋدانىنا ۇلتتىق ۇلان مەن پوليتسييا كەلگەنٸن ايتتى.
ەزٸرگە جاپا شەككەندەر تۋرالى مەلٸمەت تٷسكەن جوق.
اتى-جٶنٸن اتاماۋدى سۇراعان جۇمىسشىلاردىڭ بٸرٸ ازاتتىق تٸلشٸسٸنە وقيعانىڭ سەبەبٸن ايتىپ بەردٸ. ونىڭ سٶزٸنشە, 20 قازاندا جۇمىس بەرۋشٸ Enter Engineering كومپانيياسى جۇمىسشىلارعا كەشكٸ اس بەرمەگەن. بۇل ونسىز دا جالاقىسىن الماي جٷرگەن جۇمىسشىلاردى اشۋلاندىرعان.
تاشكەنتتە ورنالاسقان كومپانييانىڭ رەسمي ٶكٸلٸ ازاتتىققا وقيعانىڭ سەبەبٸن تٷسٸندٸردٸ. ونىڭ ايتۋىنشا, اسحانانىڭ ەلەكتروندى قۇلىپتاۋ جٷيەسٸ ٸستەمەي قالعاندىقتان, جۇمىسشىلار ەسٸكتٸ اشا الماي, سودان بٷلٸك شىعارعان.
ٶزبەكستان باس پروكۋراتۋراسىنىڭ باسپاسٶز حاتشىسى حايوت شامسۋتدينوۆ وقيعانىڭ جاي-جاپسارى انىقتالىپ جاتىر دەدٸ.
GTL زاۋىتى – ايماقتاعى سينتەتيكالىق سۇيىق وتىن ٶندٸرۋگە باعىتتالعان ەڭ يننوۆاتسييالىق جوبالاردىڭ بٸرٸ.
