ٶزبەكستاندا ينتەرنەتتە جەنە تەلەكوممۋنيكاتسييا جەلٸلەرٸ ارقىلى پرەزيدەنتكە "تٸل تيگٸزٸپ", "ٶسەك-اياڭ تاراتقانداردى" قىلمىستىق جاۋاپكەرشٸلٸككە تارتاتىن تٷزەتۋلەر قابىلداندى. مۇنداي شەشٸم پرەزيدەنت سايلاۋىنا جارتى جىل قالعان كەزدە جەنە ٷكٸمەت سىنشىلارىنا قىسىم ارتقان شاقتا قابىلدانىپ وتىر, دەپ حابارلايدى ازاتتىق.
ٶزبەكستان ەدٸلەت مينيسترلٸگٸ 31 ناۋرىزدا نورمانىڭ بٸردەن كٷشٸنە ەنەتٸنٸن حابارلادى. وعان جاقىندا پرەزيدەنت شاۆكات ميرزيياەۆ قول قويعان.
جاڭا تٷزەتۋلەرگە سەيكەس, "تەرتٸپسٸزدٸك پەن كٷش قولدانۋعا جارييا تٷردە ارانداتۋ" ەرەكەتٸنە دە قىلمىستىق جاۋاپكەرشٸلٸك قاراستىرىلعان: 5-10 جىل ارالىعىندا تٷرمە جازاسى بەرٸلۋٸ مٷمكٸن.
ميرزيياەۆتٸڭ بٸرٸنشٸ پرەزيدەنتتٸك مەرزٸمٸ 2021 جىلى اياقتالادى. ول الداعى پرەزيدەنت سايلاۋىنا قاتىسادى دەپ ايتىلادى. ميرزيياەۆ ورتالىق ازيياداعى حالقى ەڭ كٶپ مەملەكەتتٸ اۆتوريتار باسشى يسلام كاريموۆ قازاسىنان كەيٸن باسقارىپ كەلەدٸ.
ميرزيياەۆ ساياسي تۇتقىندارعا بوستاندىق بەرٸپ, كٶرشٸ جەنە ٶزگە مەملەكەتتەرمەن قارىم-قاتىناستى نىعايتقان رەفورماتور رەتٸندە كٶرٸنۋگە تىرىسادى, بٸراق كٶپتەگەن بەلسەندٸلەر رەفورمالاردىڭ ٷستٸرت بولعانىن ايتادى.
ول ەلدەگٸ وپپوزيتسييالىق توپتارعا قارسى ەمەستٸگٸن مەلٸمدەگەن, الايدا شىنايى وپپوزيتسييالىق پارتييالار ٸس جٷزٸندە 1991 جىلدان بەرٸ تٸركەلە الماي جٷر.
بۇعان دەيٸن بەلگٸسٸز بٸرەۋلەر "حاكيكات ۆا تاراككييوت" (اقيقات پەن قارەكەت) وپپوزيتسييالىق پارتيياسىنىڭ بەلسەندٸلەرٸن ۇرىپ-سوعىپ, كەڭسەلەرٸن قيراتىپ كەتكەن. پارتييا جاقتاستارى ساياسي ۇيىمدى تٸركەۋ ٷشٸن قول جيناماق بولعان.
31 ناۋرىزدا حالىقارالىق Human Rights Watch ۇيىمى تەۋەلسٸز بلوگەر ميرازيز بازاروۆتىڭ اۋىر سوققىعا جىعىلۋىنا بايلانىستى الاڭداۋشىلىق بٸلدٸرٸپ, ٶزبەك بيلٸگٸن كٸنەلٸلەردٸ تابۋعا شاقىرعان. بلوگەر 28 ناۋرىزدا ٷيٸنٸڭ ماڭىندا سوققىعا جىعىلعان. ول وعان دەيٸن لگبت قاۋىمداستىقتارىن قورعاپ سٶيلەگەن.
ٶزبەكستاندا كەزەكتٸ پرەزيدەنت سايلاۋى 24 قازاندا ٶتەدٸ.
