ٶزبەكستان بانكتەرٸنە كليەنتتەرگە 2020 جىلدىڭ 1 قازانىنا دەيٸن جەڭٸلدٸك كەزەڭٸن ۇسىنۋعا كەڭەس بەرٸلدٸ, دەپ حابارلايدى قازاقپارات ٶزبەكستان رەسپۋبليكاسى ورتالىق بانكٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆودا اتاپ ٶتكەندەي, ورتالىق بانك كوروناۆيرۋس ينفەكتسيياسىنىڭ تارالۋ جاعدايىندا بەرٸلگەن نەسيەلەردٸ قايتارۋ كەزٸندە كەسٸپكەرلٸك سۋبەكتٸلەرٸنە كەرٸ ەسەر ەتەتٸن سالدارلاردى جەڭٸلدەتۋ ماقساتىندا 2020 جىلدىڭ 1 قازانىنا دەيٸن نەسيە بويىنشا نەگٸزگٸ قارىزدى تٶلەۋ بويىنشا جەڭٸلدٸك كەزەڭٸن بەرۋ تۋرالى كرەديتتٸك شارت تالاپتارىنا ٶزگەرٸستەر ەنگٸزۋ جەنە جەڭٸلدٸك كەزەڭٸنە قاراي تٶلەم مەرزٸمٸن ۇزارتۋ مەسەلەلەرٸن قايتا قاراۋدى ۇسىندى.
بۇل رەتتە, كوممەرتسييالىق بانكتەرگە تالاپتارى جوعارىدا باياندالعان ۇسىنىمدار نەگٸزٸندە قايتا قارالعان كرەديتتەر ساپاسىنىڭ جٸكتەلۋٸن ٶزگەرتپەۋ قۇقىعى بەرٸلگەن.
سونىمەن قاتار, ٶزبەكستاننىڭ ورتالىق بانكٸ بارلىق كوممەرتسييالىق بانكتەرگە كوروناۆيرۋس ينفەكتسيياسىنىڭ تارالۋى سالدارىنان اقشا اعىنى دەڭگەيٸ تٶمەندەگەن جەنە جوبالاردى ٸسكە اسىرۋ مەرزٸمٸ كەشٸكتٸرٸلگەن كەسٸپورىنداردىڭ, ونىڭ ٸشٸندە تۋريزم سالاسىنداعى جەنە حالىقارالىق جٷك تاسىمالىمەن اينالىساتىن كەسٸپورىنداردىڭ, كوروناۆيرۋس كەڭ تارالعان ەلدەردە نەگٸزگٸ كونتراگەنتتەرٸ بار شارۋاشىلىق سۋبەكتٸلەردٸڭ, سونداي-اق قىزمەتٸنە كوروناۆيرۋستىڭ الدىن الۋ شارالارى تەرٸس ىقپال ەتەتٸن ٶزبەكستانداعى كەسٸپورىنداردىڭ نەسيەلەرٸن قايتارۋ مٷمكٸندٸگٸن مۇقييات زەرتتەۋدٸ ۇسىندى.
