سامارقانداعى جەكە ەمحانالاردىڭ بٸرٸندە زاڭسىز ابورت جاسالىپ كەلگەن: جاڭا تۋعان نەرەستەلەردٸ ساتقان, ال ەلسٸز بالالاردى ٶرتەگەن. اتىشۋلى بۇل ٸس تۋرالى ٶزبەكستان باس پروكۋراتۋراسىنىڭ اياسىنداعى "حۋكۋك" گازەتٸ حابارلادى.
اقپاننىڭ سوڭىندا ەمحانانىڭ باس دەرٸگەرٸ نيگورۋ ساليحانوۆتى (بالالار دەرٸگەرٸ) 13 جىل ەكٸ ايعا, اكۋشەر-گينەكولوگ د.ناجيموۆاتى 12 جىل التى ايعا باس بوستاندىعىنان ايىرعان.
جازادان باسقالارى دا قۇتىلا المادى. پەرزەنتحانا كەشەنٸندە جۇمىس ٸستەگەن ناجيموۆا نەگٸزگٸ بايلانىس كٶزٸ بولعان. ول ابورت جاساتقىسى كەلگەن, بٸراق دەرٸگەرلەر تٷسٸك جاساتۋعا كەڭەس بەرمەگەن ەيەلدەر وسى مامانعا حابارلاسىپ, مەسەلەسٸن شەشٸپ وتىرعان.
ناجيموۆا زاڭسىز قىزمەتٸ ٷشٸن اقىسىن كەلٸسكەننەن كەيٸن ولاردى ساليحانوۆتىڭ جەكە ەمحاناسىنا جاتقىزعان. تٷسٸك جاساۋعا تٷرلٸ ەدٸستەر قولدانىلعان, ال تٷسكەن قاراجات وسى توپ مٷشەلەرٸنە ٷلەستٸرٸلٸپ وتىرعان. وسى توپتىڭ تاعى بٸر مٷشەسٸ ە.ساليحانوۆا بولسا بالا اسىراپ الۋعا دايىن ازاماتتارمەن بايلانىس ورناتۋمەن اينالىسقان. تٸرٸ قالىپ, جاعدايى تۇراقتى بولعان سەبيلەرگە ابورتتان كەيٸن جالعان قۇجات جاسالىپ, جاڭا اتا-اناسىنا ساتىپ وتىرعان. ال ساتىپ الۋشىسى تابىلماعان سەبيلەردٸ قاساقانا قاراۋسىز قالدىرعان. ال دەنەلەرٸن مەديتسينالىق قالدىقتاردى ٶرتەۋگە ارنالعان پەشكە جاعىپ وتىرعان.
گازەت بالا ساتۋدىڭ بٸرنەشە دەرەگٸن كەلتٸرٸپ وتىر. 2014 جىلدىڭ اقپانىندا ساليحانوۆا جاڭا تۋعان سەبيدٸ 2500 دوللارعا ساتقان. ال مامىردا قىلمىستىق توپ جاڭا وتباسىنا سەبي ساتۋعا ۋەدە بەرگەن. جٷكتٸ كەلٸنشەكتەردٸڭ بٸرٸنە جاساندى تٷسٸك جاساتۋ جولىن قولدانىپ, 500 دوللار جەنە 200 مىڭ سومعا ساتقان.
باس پروكۋراتۋرا گازەتٸ وسىنداي ادام ٶلتٸرۋ وقيعالارىن تٸزٸپ وتىر. بالالاردىڭ مەيٸتٸن ساليحوۆا ناجيموۆا جۇمىس ٸستەيتٸن كەشەنگە جٸبەرٸپ وتىرعان, ال ول ٶز كەزەگٸندە بالالاردى پەشكە جاعۋمەن اينالىسقان.
سوت كەزٸندە 2016 جىلى ەمحانادا جۇمىس ٸستەگەن ەدەن جۋۋشى سۇمدىق جاعدايدى ايتىپ بەردٸ.
"بٸز ەرٸپتەسٸمٸزبەن ەيەلدەردٸڭ بالا بوسانعانىنان كەيٸن جۇمىس ٸستەيتٸنبٸز, ولارعا كٶمەكتەسٸپ, جاعدايىن قارايتىنبىز. جاڭا تۋعان بالالاردىڭ دەنەسٸن ماتاعا وراپ, 18-شٸ بٶلمەدەگٸ توڭازىتقىشقا سالاتىنبىز. بالا تٸرٸ قالاتىنىن بايقاساق, ونى پەشٸ بار جىلى بٶلمەگە جاتقىزاتىنبىز. ودان كەيٸن تٸرٸ قالعان جەنە ٶلٸپ كەتكەن بالالاردىڭ قايدا جٸبەرٸلگەنٸن بٸلمەيمٸن", - دەدٸ كۋەگەر.
