يلليۋستراتسييا: 24.kg
5 مامىردا ٶزبەكستان شەكاراشىلارى قىرعىزستاننىڭ ٷش ازاماتىنا قارسى قارۋ قولدانعان, - دەپ حابارلايدى Tengrinews.kz اگەنتتٸگٸ 24.kg سايتىنا سٸلتەمە جاساپ.
وقيعا دجالال-اباد وبلىسى الا-بۋكا اۋدانى اكتام اۋىلدىق ەكٸمشٸلٸگٸنە قاراستى دوبو-كورگون ەلدٸ مەكەنٸندە بولعان. ٷش قىرعىزستاندىق وق جاراقاتىن الىپ, الا-بۋكا اۋدانىنداعى اۋرۋحاناعا جەتكٸزٸلگەن. سول جەردە ولار ەسٸن جيماستان قازا بولعان.
"وقيعانىڭ مەن-جايىن انىقتاۋ ٷشٸن الا-بۋكا باعىتى بويىنشا قىرعىز رەسپۋبليكاسىنىڭ شەكارا ٶكٸلٸ ٶزبەكستاننىڭ يانگي-كۋرگان باعىتى بويىنشا شەكارا ٶكٸلٸمەن كەزدەسۋ ٶتكٸزدٸ. تاراپتار قىزمەتتٸك تەكسەرٸس قورىتىندىسى بويىنشا كەزدەسۋدٸ 6 مامىردا جالعاستىرۋعا كەلٸستٸ. دەرەك بويىنشا تەرگەۋ امالدارى باستالدى", - دەدٸ قىرعىزستان مەملەكەتتٸك ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸ ٶكٸلدەرٸ.
