ٶزبەكستاننىڭ سىرتقى ٸستەر مينيسترلٸگٸ رەسەي ٷكٸمەتٸنە رەسمي نوتا جولداپ, ٶزبەك ميگرانتتارىنا سالىناتىن ەڭبەك سالىعىن تٶلەۋدٸ كەيٸنگە شەگەرۋدٸ سۇرادى. بۇل تۋرالى ٶزبەكستاننىڭ سىرتقى ٸستەر مينيسترلٸگٸنٸڭ اقپارات قىزمەتٸنٸڭ جەتەكشٸسٸ اۆازبەك حادجيمەتوۆ حابارلادى.
رەسەيدٸڭ قۇزىرلى ورگاندارى مەسەلەنٸ قاراستىرىپ جاتىر. اۆازبەك حادجيمەتوۆتٸڭ ايتۋىنشا, رەسەيدە بارلىق ۇيىمدار مەن كەسٸپورىنداردىڭ جۇمىسى 30 سەۋٸرگە دەيٸن توقتاعاندىقتان ونداعى ٶزبەك ميگرانتتارى جۇمىسسىز, جالاقىسىز قالعان.
2 سەۋٸردە رەسەي پرەزيدەنتٸ ۆلاديمير پۋتين كوروناۆيرۋسقا بايلانىستى "جۇمىسسىز اپتا" مەرزٸمٸن سەۋٸر ايىنىڭ سوڭىنا دەيٸن ۇزارتقان بولاتىن. بۇعان دەيٸن رەسەيدٸڭ ٶزبەك دياسپوراسى رەسەيدٸڭ ٸشكٸ ٸستەر مينيسترلٸگٸنٸڭ كٶشٸ-قون جٶنٸندەگٸ باسقارماسىنا حات جولداپ, ەڭبەك پاتەنتٸنٸڭ مەرزٸمٸن ۇزارتۋدى سۇراعان.
رەسمي دەرەك بويىنشا, رەسەيدە شامامەن ەكٸ ميلليون ٶزبەك ميگرانتى جۇمىس ٸستەيدٸ.
