ٶزبەكستان كوروناۆيرۋسقا بايلانىستى ەنگٸزٸلگەن كارانتين شارالارىن 10 مامىرعا دەيٸن ۇزارتتى. باستاپقى مەرزٸمٸ 20 سەۋٸردە اياقتالۋى تيٸس ەدٸ.
ٶزبەكستان ەدٸلەت مينيسترلٸگٸنٸڭ مەلٸمدەمەسٸندە 20 سەۋٸردەن باستاپ كٶشپەلٸ ساۋدا نٷكتەلەرٸ ارقىلى ازىق-تٷلٸككە جاتپايتىن تاۋار ساتۋعا رۇقسات بەرٸلەتٸنٸ ايتىلعان. ناۋرىزدىڭ 24-ٸنەن باستاپ تاشكەنت پەن ونىڭ اينالاسىنداعى اۋدانداردا ازىق-تٷلٸك دٷكەندەرٸنەن باسقا دٷكەندەردٸڭ بارلىعى جابىلعان.
مينيسترلٸك مەلٸمدەمەسٸنە قاراعاندا, كوروناۆيرۋسقا بايلانىستى ٶزبەكستان اۋماعىنان كەتٸپ ٷلگەرمەگەن شەتەل ازاماتتارىنىڭ ۆيزاسى 1 شٸلدەگە دەيٸن اۆتوماتتى تٷردە ۇزارادى.
رەسمي مەلٸمەت بويىنشا, كوروناۆيرۋس جۇقتىرعاندار ٶزبەكستاندا 1565 ادامعا جەتكەن, بەس ادام قايتىس بولعان.
