ٶزبەكستان بۇرىنعى پرەزيدەنتتٸڭ قىزى گٷلنارا كاريموۆاعا تيەسٸلٸ بولعان 10 ملن دوللار اكتيۆتٸ فرانتسييادان قايتاردى. بۇل تۋرالى ٶزبەكستاننىڭ ەدٸلەت مينيسترلٸگٸنٸڭ باسپاسٶز قىزمەتٸ حابارلادى.
"قاراجات ٶزبەكستاننىڭ مەملەكەتتٸك بيۋدجەتٸنە اۋدارىلدى جەنە جالپى تەرتٸپتە پايدالانىلاتىن بولادى" دەلٸنگەن رەسمي حابارلامادا.
بيلٸك سونىمەن بٸرگە شۆەيتسارييا, اقش, فرانتسييا, رەسەيدٸڭ قۇزىرلى ورگاندارىمەن بٸرٸگٸپ, قالعان قاراجاتتى قايتارۋعا كٷش سالىپ وتىرعانىن جەتكٸزدٸ. مەسەلە كاريموۆانىڭ 1,3 ملرد دوللار اكتيۆٸ جايىندا بولىپ وتىر.
ٶزبەكستاننىڭ بٸرٸنشٸ پرەزيدەنتٸ يسلام كاريموۆ قازا بولعاننان كەيٸن 2017 جىلى قىزى گٷلنارا كاريموۆا ٶزبەكستاندا 10 جىلعا باس بوستاندىعىنان ايرىلعان بولاتىن. ونى "سالىقتان جالتاردى", "قارجى جىمقىردى", "بوپسالادى", "وفشور كومپانيياسىنىڭ قۇجاتتارىن جويدى" دەپ ايىپتادى. اقش جەنە ەۋروداقتىڭ بٸرنەشە مٷشەسٸ كاريموۆانى قارجى جىمقىردى دەپ ايىپتاعاننان كەيٸن ٶزبەكستاندا ەكس-پرەزيدەنتتٸڭ قىزىنىڭ ٷستٸنەن ٸس قوزعالعان.
كاريموۆاعا العاش رەت سوت ٷكٸمٸ شىققاننان كەيٸن بٸراز ۋاقىت ٷيقاماقتا وتىردى, بٸراق 2019 جىلى ناۋرىز ايىندا "ٷيقاماق ەرەجەسٸن بۇزدى" دەپ ايىپتالىپ, تاشكەنت وبلىسىنداعى تٷرمەگە جٸبەرٸلدٸ. كاريموۆا مەن ونىڭ قىزى بۇل ايىپتاردى جوققا شىعاردى. وسىدان سوڭ كاريموۆانىڭ ٷستٸنەن ەكٸنشٸ قىلمىستىق ٸس قوزعالعان.
ٷشٸنشٸ قىلمىستىق ٸس بويىنشا ول 13 جىل 4 ايعا باس بوستاندىعىنان ايرىلعان. وعان جەنە ونىمەن بٸرگە سوتتالعان تاعى بٸرنەشە ادامعا "قىلمىستىق قاۋىمداستىق قۇرىپ, اقشا بوپسالاۋ, بيۋدجەت قارجىسىن جىمقىرۋ, قىلمىستىق جولمەن الىنعان قارجىنى زاڭداستىرۋمەن بايلانىستى قىلمىس جاسادى" دەگەن ايىپتار تاعىلدى.
