فوتو: Polisia.kz
شىمكەنتتە ۇيىمداسقان قىلمىسقا قارسى كٷرەس باسقارماسى زاڭسىز ەڭبەككە تارتتى دەگەن كٷدٸكپەن ەكٸ كٸرپٸش زاۋىتىنىڭ قوجايىنىن ۇستادى, – دەپ حابارلايدى Polisia.kz.
14 قازاندا الماتى قالالىق پد-نىڭ “102” ارناسىنا اقتٶبە قالاسىنىڭ تۇرعىنىنان ارىز تٷستٸ. ارىز بەرۋشٸ ٶزبەكستان ازاماتى, اعاسى ەڭبەك قۇلدىعىنان قاشىپ قۇتىلىپ, ٶزٸنٸڭ جانىنا الماتىعا كەلگەنٸن جەتكٸزدٸ. ايتۋىنشا, بۇعان دەيٸن ونى شىمكەنتتەگٸ كٸرپٸش زاۋىتىنىڭ قوجايىندارى فيزيكالىق كٷش كٶرسەتۋمەن قورقىتىپ, ۇستاپ كەلگەن. الايدا بەلگٸسٸز بٸرەۋلەر قايتادان ٸنٸسٸنٸڭ ٸزٸنە تٷسٸپ, قارا تٷستٸ BMW كٶلٸگٸمەن ۇرلاپ كەتٸپتٸ.
"قىلمىستىڭ اۋىرلىعىن ەسكەرە وتىرىپ, الماتى جەنە شىمكەنت قالالارىنىڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ بٸرلەسكەن ارنايى جەدەل ٸس-شارالار جٷرگٸزٸلٸپ, نەتيجەسٸندە شىمكەنت قالاسى مەن تٷركٸستان وبلىسىنىڭ تۇرعىندارى, ٷش ەر ادام ۇستالدى. ولار - كٸرپٸش زاۋىتىنىڭ يەلەرٸ, ەكەۋٸ اعايىندى باۋىر بولىپ شىقتى.
تٸنتۋ جۇمىستارىن جٷرگٸزۋ كەزٸندە جەدەل ۋەكٸلدەر ەكٸ زاۋىتتىڭ اۋماعىنان 60-تان استام شەتەلدٸكتٸ تاپتى, ولاردىڭ بارلىعى كٶرشٸ ٶزبەكستاننان كەلگەن.
سوتقا دەيٸنگٸ تەرگەپ-تەكسەرۋ بارىسىندا شەتەلدٸكتەر زاۋىتقا جۇمىسقا شاقىرىلعانى انىقتالدى. سودان كەيٸن, ولاردىڭ قۇجاتتارىن تارتىپ الىپ, جالاقى بەرٸلمەگەنٸ جەنە ٷنەمٸ فيزيكالىق زورلىق-زومبىلىق كٶرسەتٸلٸپ, كورقىتىپ ۇستاعانى بەلگٸلٸ بولدى" - دەلٸنگەن حابارلامادا.
بٷگٸندە 25 شەتەلدٸك جۇمىسشى “سانا-سەزٸم” قوعامدىق بٸرلەستٸگٸنٸڭ قامقورلىعىندا بولسا, 30-دان استام ازامات جەكە باسىن كۋەلاندىراتىن قۇجاتتارىنىڭ بولماۋىنا بايلانىستى قابىلداپ-تاراتۋ ورتالىعىنا ورنالاستىرىلعان.
"پوليتسيياعا كٷدٸكتٸلەرگە قاتىستى شەتەلدٸك ازاماتتاردان ٷش رەسمي ارىز تٷستٸ. كٷدٸكتٸلەر قاماۋدا. ولاردىڭ ٷستٸنەن قر قىلمىستىق كودەكسٸنٸڭ 126-بابى (ەڭبەككە قاناۋ ماقساتىندا باس بوستاندىعىنان زاڭسىز ايىرۋ) جەنە 389-بابى (ٶزٸنشە بيلٸك ەتۋ) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. ساراپتاما تاعايىندالدى" - دەلٸنگەن ٸٸم باسپاسٶز قىزمەتٸ حابارلاماسىندا.
