ٶزبەكستان ۇلتتىق قاۋٸپسٸزدٸك قىزمەتٸنٸڭ (ۇقق) تٶراعاسى, گەنەرال-پولكوۆنيك رۋستام ينوياتوۆ وتستاۆكاعا كەتتٸ, - دەپ حابارلادى ٶزبەكستان ٷكٸمەتٸندەگٸ دەربەس ەكٸ دەرەككٶزٸنە سٸلتەمە جاساعان ازاتتىقتىڭ ٶزبەك رەداكتسيياسى. دەرەككٶزٸنٸڭ ايتۋىنشا, ينوياتوۆتىڭ قىزمەتٸنەن بوساتىلعانىن پرەزيدەنت شاۆكات ميرزيياەۆ 31 قاڭتار كٷنٸ ۇقق مەن باس پروكۋراتۋرا قىزمەتكەرلەرٸ قاتىسقان سەلەكتورلىق جينالىستا ايتتى.
ۇقق-نى 23 جىلعا جۋىق ۋاقىت باسقارعان 73 جاستاعى رۋستام ينوياتوۆتىڭ ورنىنا وسىعان دەيٸن باس پروكۋرور قىزمەتٸن اتقارعان يحتيەر ابدۋللاەۆ تاعايىندالدى.
52 جاستاعى يحتيەر ابدۋللاەۆ 2015 جىلدىڭ 21 سەۋٸرٸنەن بەرٸ ٶزبەكستان باس پروكۋرورى قىزمەتٸن اتقارعان. ال ابدۋللاەۆتىڭ ورنىنا باس پروكۋرور بولىپ بۇعان دەيٸن پرەزيدەنتتٸڭ مەملەكەتتٸك كەڭەسشٸسٸ بولعان وتابەك مۋرودوۆ تاعايىندالدى.
ٶزبەكستان ٷكٸمەتٸندەگٸ بٸرنەشە دەرەككٶزٸ مەن ٷكٸمەتكە جاقىن ادامداردىڭ ازاتتىققا ايتۋىنا قاراعاندا, ينوياتوۆ وتستاۆكاعا كەتۋ تۋرالى پرەزيدەنتكە 25 قاڭتاردا ٶتٸنٸش بٸلدٸرگەن.
ٶزبەكستان ٷكٸمەتٸندەگٸ جوعارى شەندٸ شەنەۋنٸك پرەزيدەنت شاۆكات ميرزيياەۆ قاشقادارييا وبلىسىنا ساپارى الدىندا رۋستام ينوياتوۆپەن تٶرت ساعات ەڭگٸمەلەسكەنٸن ايتادى.
رۋستام ينوياتوۆ ەكس-پرەزيدەنت يسلام كاريموۆ 2016 جىلى قايتىس بولعاننان بەرٸ قىزمەتٸنەن اۋىستىرىلماعان جوعارى شەندٸ از عانا شەنەۋنٸكتٸڭ بٸرٸ بولعان ەدٸ. ينوياتوۆ باسقارعان 23 جىلعا جۋىق ۋاقىتتا ۇلتتىق قاۋٸپسٸزدٸك قىزمەتٸ ٶزبەكستانداعى ەڭ جابىق جەنە قۇزىرەتٸ جوعارى قۇرىلىم بولدى.
پرەزيدەنت شاۆكات ميرزيياەۆ 2017 جىلى 22 جەلتوقساندا پارلامەنتتٸڭ قوس پالاتاسىنا ارناعان جولداۋىندا ٶزبەكستاننىڭ قۇقىق قورعاۋ جەنە كٷش قۇرىلىمدارىن, ەسٸرەسە ارنايى قىزمەتتٸ سىناعان.
ميرزيياەۆ جولداۋىندا ۇقق-نىڭ قۇقىقتىق ستاتۋسىن, مەملەكەتتٸ ٸشكٸ جەنە سىرتقى قاۋٸپ-قاتەردەن قورعاۋداعى قىزمەتٸن, مٸندەتٸ مەن قۇزىرەتٸن انىقتايتىن «ۇلتتىق قاۋٸپسٸزدٸك قىزمەتٸ تۋرالى» زاڭ قابىلداۋدى ۇسىنعان.
