تاشكەنتتە تانىمال ٶزبەك عالىمى اندرەي كۋباتين كوروناۆيرۋستان قايتىس بولدى. "تىڭشىلىق" بابى بويىنشا سوتتالعان عالىم شامامەن بٸر جىل بۇرىن اقتالىپ, قاماۋدان شىققان ەدٸ.
ٶزبەكستان عىلىم اكادەميياسىنا سٷيەنگەن ٶزبەك اقپارات قۇرالدارىنىڭ جازۋىنشا, 36 جاستاعى كۋباتين 29 قازاندا تاشكەنت اۋرۋحاناسىندا قايتىس بولعان.
زاڭگەر, قۇقىق قورعاۋشى ستيۆ سۆەردلوۆ كۋباتيننٸڭ تۋىستارى عالىمنىڭ ٶلٸمٸن راستادى دەپ حابارلاعان.
تانىمال تٷركولوگ-عالىم, ورتالىق ازييا ەلدەرٸ تاريحىنىڭ بٸلگٸرٸ, كٶنە ۇيعىر جازباسىن تانيتىن كۋباتين 2017 جىلى ٶزبەكستانعا باراتىن تۋريستەرگە ارنالعان نۇسقاۋلىق شىعارۋدى جوسپارلاعان تٷرٸك كومپانيياسىنا قولجازبا كٶشٸرمەلەرٸن بەردٸ دەپ ايىپتالىپ, 11 جىلعا باس بوستاندىعىنان ايىرىلعان.
2018 جىلى كۋباتيننٸڭ تٷرمە جازاسى بەس جىلعا دەيٸن قىسقاردى. 2019 جىلى قىركٷيەك ايىندا تاشكەنت سوتى ونى اقتاپ, قاماۋدان بوساتتى. وسىعان دەيٸن بٸرنەشە ەلدٸڭ عالىمدارى ٶزبەكستان پرەزيدەنتٸ شاۆكات ميرزيياەۆقا اشىق حات جازىپ, كۋباتيندٸ بوساتۋعا شاقىرعان.
سوڭعى اقپارات بويىنشا, ٶزبەكستاندا كوروناۆيرۋس جۇقتىرعاندار 66 313 ادامعا جەتكەن, ٸندەت باستالعالى بەرٸ 560 ادام قايتىس بولعان.
