ارىس قالاسىنداعى جارىلىس كەزٸندە اداسىپ قالعان سەبيدٸ بٶتەن ەيەل ٶز بالارىمەن بٸرگە قۇتقارىپ قالعان. ٷش جاسار ۇلان ەسٸمدٸ بالانىڭ جارىلىس ماڭايىنان تابىلعانى تۋرالى اقپارات ەلەۋمەتتٸك جەلٸگە تاراعان بولاتىن. قاراۋسىز قالعان بالاعا قامقور بولعان بالقييا زاۋىربەكوۆامەن سٶيلەسٸپ, وقيعانىڭ قالاي بولعانىن تٸلشٸمٸز سۇراپ بٸلدٸ, دەپ حابارلايدى قازاقپارات.
«ۇلان دەگەن بالانى اتا-اناسىنا تاپسىرۋعا اپارا جاتىرمىز. بالانىڭ قارنى توق. تاماقتاندىرىپ, سۋ بەردٸك. ٶزٸمٸزدٸڭ ٷش بالامەن بٸرگە كٷيەۋٸمٸز ەكەۋمٸز قازىعۇرتقا كەلە جاتىرمىز», - دەيدٸ ارىس قالاسىنىڭ تۇرعىنى.
ەيەلدٸڭ ايتۋىنشا, تٶتەنشە جاعداي كەزٸندە ٶزٸ دە بٸر جاسار بالاسىنان كٶز جازىپ قالعان.
«ٶزٸمٸزدٸڭ دە بٸر جاسار بالامىز اداسىپ كەتكەن بولاتىن. ونى قازىعۇرتتا دەپ ەستٸدٸك. بۇل بالانى اتا-اناسىنا اپارىپ, ٶز بالامىزدى دا تاۋىپ الايىق دەپ كەتٸپ بارامىز», - دەگەن ارىستىق انا 3 جاسار ۇلاندى قالاي جولىقتىرعانىن ايتىپ بەردٸ.
«بۇل بالا جارىلىس باستالىپ, ادامدار ابىر-سابىر بولىپ جاتقان سەتتە ەسكەري بٶلٸمنٸڭ ماڭايىندا اداسىپ قالعان. جۋىقتا عانا پوليتسيياعا كٸرگەن ٸنٸم ەليحان تاۋىپ الىپ, جەتەكتەپ ەكەلگەن قالپى قولىما ۇستاتتى. «بالاعا يە بول, جوعالتپا, قولىنان جٸبەرمە» دەپ قاتتى تاپسىردى. ٶزٸمنٸڭ ٷش بالاممەن بٸرگە مۇنى قولىنان تاس قىلىپ ۇستاپ بٸرنەشە قىر استىق. يۋجنىي جاقتا ەڭ سوڭعى قىرعا جەتٸپ بٸراق توقتادىق. وسى كەزدە جولداسىم شىمكەنتتەن جەتٸپتٸ. قازٸر التاۋىمىز قازىعۇرتقا كەتٸپ بارامىز. ٶزٸنٸڭ ايتۋىنشا بالانىڭ جاسى ٷشتە», - دەيدٸ بالقييا زاۋىربەكوۆا.
ارىس تۇرعىنى كٶرشٸلەس ەلدٸ مەكەندەردٸڭ اپاتتان بوسقان حالىققا قولىنان كەلگەنشە كٶمەكتەسٸپ جاتقانىن ايتادى.
«جولدا ادامدارعا ريزا بولدىق. ارىستان قازىعۇرتقا بارار جولدىڭ بويىندا ادامدار ٷيلەرٸنەن شىعىپ, قولىندا بار ازىعىمەن بٶلٸسٸپ جاتىر. بٸرٸ نان, بٸرٸ بەلٸش, بٸرٸ سۋ ۇسىنۋدا. جاس جٸگٸتتەر تورسىقپەن سۋ تاسىپ جٷگٸرٸپ جٷر. كٶلٸكتٸڭ تەرەزەسٸن تٷسٸرٸپ, ٶزدەرٸ بٸرٸنشٸ بولىپ ۇسىنعاندارىن كٶرگەندە قاتتى ريزا بولدىم. ارىستان قاشىپ شىققاننان كەيٸن قىر باسىندا 3-4 ساعات سۋسىنسىز قالعانبىز. سول قيىندىقتىڭ بەرٸن مۇنداعى ادامداردىڭ مەيٸرٸمٸ ۇمىتتىرىپ جٸبەرەدٸ ەكەن», - دەيدٸ بالقييا زاۋىربەكوۆا.
