الماتىدا ەرٸپتەسٸن باسىنان اتىپ ٶلتٸرگەن ازامات بەرٸستەموۆ 11 جىل 3 ايعا سوتتالدى, دەپ حابارلايدى قازاقپارات تٸلشٸسٸ.
مامانداندىرىلعان اۋدانارالىق سوتىنىڭ سۋدياسى ينسپەكتور ازامات بەرٸستەموۆتٸ 11 جىل 3 ايعا باس بوستاندىعىنان ايىرۋ تۋرالى ٷكٸم شىعاردى.
ەسكە سالايىق, 2018 جىلى قىركٷيەك ايىنىڭ سوڭىنا قاراي الماتىدا جەرگٸلٸكتٸ پوليتسييا ينسپەكتورى ازامات بەرٸستەموۆ ٶزٸنٸڭ ەرٸپتەسٸ سەبيت بەگلانۇلىن اتىپ تاستاعان بولاتىن. جاراقات العان سەبيت بەگلانۇلى سول كٷنٸ, تٷنگٸ ساعات 22.00-دە اۋرۋحانادا كٶز جۇمدى. كەيٸن تەرتٸپ ساقشىلارىنىڭ بٸر-بٸرٸنە تۋىس ەكەندٸگٸ انىقتالدى. اتالعان وقيعاعا بايلانىستى قر ٸشكٸ ٸستەر مينيسترٸ قالمۇحانبەت قاسىموۆ پٸكٸر بٸلدٸرگەن بولاتىن.
«كٷدٸكتٸ كەزەكشٸلٸككە كەلٸپ, قارۋدى قابىلداعان. كەيٸن گاراجدان اۆتوكٶلٸكتٸ الۋعا شىققان كەزدە, ول كٷيەۋ بالاسىمەن جولىققان. كٶز جۇمعان قىزمەتكەر كەزەكشٸلٸگٸن تاپسىرۋعا كەلگەن. سوڭعى التى اي مەرزٸمدە ول وتباسىمەن بٸرگە تۇرماعان كٶرٸنەدٸ. كەشقۇرىم قىزمەتكەرلەر كەزدەسٸپ قالعان كەزدە جانجال تۋىنداپ, سونىڭ سالدارىنان بٸرٸنشٸسٸ قارۋدان وق اتقان», - دەپ ناقتىلادى ۆەدومستۆو باسشىسى.
ٶزٸنٸڭ ەرٸپتەسٸ, ەرٸ كٷيەۋ بالاسى سەبيت بەگلانۇلىن اتىپ ٶلتٸرگەن ينسپەكتور ازامات بەرٸستەموۆ وسىدان بٸر جىلداي ۋاقىت بۇرىن ەكەسٸنەن ايىرىلعان. 2018 جىلى 31 ناۋرىزدا تالدىقورعان وبلىستىق قورعانىس دەپارتامەنتٸنٸڭ باسشىسى بەردٸبەك بەرٸستەموۆتٸ ٶزٸنٸڭ ورىنباسارى كابينەتٸندە اتىپ ٶلتٸرگەن بولاتىن.
«بٸزدەگٸ قىزمەتكەرلەردٸڭ بارلىعى جىل باسىندا تەستٸلەۋدەن ٶتەدٸ. بەرٸستەموۆ تە ٶتتٸ. ونىڭ ەكەسٸ وققا ۇشقان سوڭ, بٸز ونى مامىردا تاعى تەستٸلەۋدەن ٶتكٸزدٸك. ەڭگٸمەلەستٸك. تەستٸلەۋ نەتيجەسٸندە ونىڭ دەنٸ ساۋ بولىپ شىقتى. ول پسيحولوگييالىق تۇرعىدان تۇراقتى, كٷيزەلٸسكە تٶزٸمدٸ كٶرٸندٸ. ول تىم سەنٸمدٸ, ٶزٸن-ٶزٸ ٶتە جوعارى باعالايتىن. تٸك مٸنەزدٸ, قىرسىقتىعى دا بار ەدٸ. سونىمەن قاتار, ادامدارمەن جاقسى تٸل تابىساتىن, دوستارى دا كٶپ ەدٸ», - دەدٸ البينا ساعاتباەۆ.
ال مارقۇم بولعان سەبيت بەگلانۇلى باسقا بٶلٸمشەدە قىزمەت ەتكەن. ول دا پسيحولوگييالىق تەۋەكەل توبىندا بولعان.
