بٷگٸن ەلەمگە بەلگٸلٸ اقىن, ۇلت جاناشىرى, قازاقستاننىڭ حالىق جازۋشىسى, قازاقستاننىڭ ەڭبەك ەرٸ مۇحتار شاحانوۆتىڭ 80 جىلدىق مەرەيتويى وتىرار اۋدانىندا كەڭ كٶلەمدە اتالىپ ٶتتٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
الدىمەن اقىن باستاعان بٸر توپ زييالى قاۋىم ارىستانباب كەسەنەسٸنە زييارات جاساپ, قۇران باعىشتادى. سونان سوڭ «وتىرار» مەملەكەتتٸك ارحەولوگييالىق مۋزەي-قورىعىنىڭ ساپار ورتالىعىندا مۋزەي قىزمەتكەرلەرٸمەن «وتىرار ٶركەنيەتٸ جەنە شاحانوۆ شىڭى» اتتى كەزدەسۋ ٶتتٸ. جيىندا ساتيريك, جۋرناليست كٶپەن ەمٸربەك: «قازاق ٶلەڭٸنٸڭ ۇلتتىق بوياۋى مەن رۋحىن ۇستانىپ, ونى تٷرلەندٸرە بايىتا تٷسكەن اقيىق اقىننىڭ 80 جاسقا تولعان مەرەيتويى تۋعان جەرٸ — وتىراردان باستاۋ الۋى ٷلكەن قۇرمەت» دەپ اقىندى قۇتتىقتادى. ال مۋزەي ديرەكتورى جانگەلدٸ ماحاشوۆ: «جىر ەلەمٸندە ٶز ويى مەن شىندىعىن جٷيەلٸ كٶركەم تٸلدە, اقىندىق بيٸك تۇرعىدان تۇتاس شەبەرلٸكپەن جىرلاعان اقىننىڭ ەلٸمٸزدٸڭ تەۋەلسٸزدٸگٸ مەن انا تٸلٸ ٷشٸن قوسقان ەڭبەگٸ وراسان. ۇلت رۋحانيياتىندا ەرەكشە ورنى بار اسا كٶرنەكتٸ تۇلعانىڭ 80 جاسقا تولۋىنا وراي مۋزەي قىزمەتكەرلەرٸمەن كەزدەسۋٸ بٸز ٷشٸن بٸر عانيبەت» دەي كەلە, دارا تۇلعاعا شاپان جاۋىپ, سىي-سيياپات تابىستادى. كەزدەسۋ سوڭىندا اقيىق اقىن قوناقتارعا اق باتاسىن بەردٸ.
وتىرار اۋدانى ەكٸمدٸگٸنٸڭ ۇيىمداستىرۋىمەن مەدەني شارا بۇدان ەرٸ اۋداندىق مەدەنيەت سارايىندا جالعاسىن تاپتى. ەلەمگە تانىمال اقىنعا اۋدان تۇرعىندارى اقبوز ات مٸنگٸزٸپ, قۇرمەت كٶرسەتتٸ. ساحنا تٶرٸندە قازاقستان جازۋشىلار وداعىنىڭ تٷركٸستان وبلىستىق فيليالىنىڭ تٶراعاسى ايدار سەيدازٸم كەشتٸ جٷرگٸزٸپ وتىردى. «التىن دومبىرا» يەگەرٸ, بەلگٸلٸ ايتىسكەر بەكارىس شويبەكوۆتىڭ ارناۋىمەن باستالعان جيىنعا قۋانىش ايتاحانوۆ, قۇلبەك ەرگٶبەك, كٶپەن ەمٸربەك, جەڭٸسبەك مەۋلەنقۇلوۆ, قازىبەك يسا, ەلٸمجان قۇرتاەۆ, سەرٸكجان سەيٸتجانوۆ, حانبيبٸ ەسەنعاراقىزى, قاليما جانتٶرەەۆا, بەكجٸگٸت سەردەلٸ سىندى ەل ازاماتتارى قاتىستى. قر مەجٸلٸس تٶراعاسىنان, قىزىلوردا وبلىسى ەكٸمٸنەن جەنە ەلٸمٸزدٸڭ ەر ايماعىنان كەلگەن جەدەل قۇتتىقتاۋلاردان سوڭ سٶز العان تٷركٸستان وبلىسى مەسليحاتىنىڭ حاتشىسى قايرات بالابيەۆ جىلى لەبٸزٸن بٸلدٸردٸ. ال وبلىستىق مەدەنيەت باسقارماسى باسشىسىنىڭ ورىنباسارى اسىلحان تەمٸرحان وبلىس ەكٸمٸنٸڭ قۇتتىقتاۋ حاتى مەن سىي-سيياپاتىن جەتكٸزدٸ. مەرەيتوي كەشٸ حاديشا شالاباەۆا باستاعان ەنشٸلەردٸڭ ٶنەرٸنە ۇلاستى.
