رەسەيدٸڭ ۇلتتىق مەديا توبىنىڭ ديرەكتورلار كەڭەسٸنٸڭ جەتەكشٸسٸ, بۇرىنعى گيمناست الينا كاباەۆانىڭ وتباسى بٸر ميلليارد 250 ميلليون رۋبل تۇراتىن قىمبات ٷيلەردە تۇرادى. "وتكرىتىە مەديا" قورىنىڭ زەرتتەۋ ماقالاسىندا وسىنداي دەرەك ايتىلادى. كاباەۆا جەنە ونىڭ تۋىستارىنىڭ اتىنا التى پەتەر, ەكٸ ٷي جەنە تٶرت وبلىستا 70 سوتىق جەر تەلٸمٸ تٸركەلگەن.
2018 جىلى شٸلدە ايىندا الينا كاباەۆا رۋبلەۆو-ۋسپەنسكيي شوسسەسٸنەن جەر ساتىپ الىپ, العاش رەت ٶز اتىنا تٸركەگەن. روسرەەستر دەرەگٸنشە, "ۋسپەنسكوە" دەمالىس ٷيٸ ورنالاسقان ەلدٸ مەكەندەگٸ 45 سوتىق جەر سوعان تيەسٸلٸ. مۇندا 2013 جىلدان بەرٸ كاباەۆانىڭ اپاسى اننا زاتسەپەلينا تۇرادى. ونىڭ 45 سوتىق جەرٸ نەمەرەسٸنٸڭ جەر تەلٸمٸمەن جالعاسىپ جاتىر. باسىلىمنىڭ جازۋىنشا, ۋسپەنسكوە ەلدٸ مەكەنٸندەگٸ كاباەۆا وتباسىنا تيەسٸلٸ مٷلٸكتٸڭ قۇنى 655 ميلليون رۋبلدٸ قۇرايدى.
"سوبەسەدنيك" دەرەگٸنشە, وليمپيادا چەمپيونىنىڭ اناسى ليۋبوۆ كاباەۆا اۋدانى 334 شارشى مەتر بولاتىن ەكٸ قابات ساياجايدى جالداپ تۇرادى. "وتكرىتىە مەديا" جازۋىنشا, ول 2010 جىلى سوچيدٸڭ ادلەر اۋدانى ەستو-سادوك ەلدٸ مەكەنٸنەن 49 جىلعا جالعا جەر العان. ساياجاي مەن جەر تەلٸمدەرٸن جالعا العانى ٷشٸن ٷشٸن ليۋبوۆ كاباەۆا جەنە ٶزٸ سيياقتى تاعى 11 ادام (اراسىندا "گازپروم" جەتەكشٸلەرٸ دە بار) 101 مىڭ رۋبل تٶلەيدٸ (كٷنٸنە 278 رۋبل). ال ساياجايعا جاقىن ورنالاسقان قوناق ٷيدەگٸ بٸر بٶلمەگە قونىپ شىعۋ ٷشٸن بٸر ادام كٷنٸنە 6800 رۋبل تٶلەۋٸ تيٸس. سوچي شەنەۋنٸكتەرٸ جالعا الۋ قۇنىن نارىق باعاسىنا جەتكٸزۋدٸ جوسپارلاعان, بٸراق جالعا الۋشىلار سوت ارقىلى جەڭٸپ العان.
ەستو-سادوك ەلدٸ مەكەنٸنە جاقىن جەردە پرەمەر-مينيستر دميتريي مەدۆەدەۆتٸڭ رەزيدەنتسيياسى بار. مۇنداي اقپارات جەمقورلىقپەن كٷرەس قورىنىڭ "ون ۆام نە ديمون" اتتى زەرتتەۋٸندە ايتىلادى. زەرتتەۋ دەرەگٸنشە, رەسەي پرەمەر-مينيسترٸمەن الينا كاباەۆا كٶپ جىلدان بەرٸ ارالاسىپ تۇرادى.
بۇدان بٶلەك, الينا كاباەۆانىڭ ەجەسٸ اننا زاتسەپيلينا جەنە ەپكەسٸ لەيسان كاباەۆا مەسكەۋ مەن سانكت-پەتەربۋرگتەن شامامەن 740 ميلليون رۋبل تۇراتىن تٶرت پەتەر ساتىپ العان. "دوجد" تەلەارناسىنىڭ جازۋىنشا, ولار جىلجىمايتىن مٷلٸكتٸ پرەزيدەنت ۆلاديمير پۋتين اينالاسىنداعى ادامداردان ساتىپ العان.
الينا كاباەۆا 2013 جىلى مەملەكەتتٸك دۋما دەپۋتاتى بولىپ جٷرگەن كەزدە تابىس دەكلاراتسيياسىن جارييالاعان. وندا كاباەۆا تابىس كٶلەمٸن 11 ميلليون رۋبل دەپ كٶرسەتكەن. 2011 جىلى تٶمەنگٸ پالاتاعا سايلانباي تۇرعان كەزدە ونىڭ جيناق قورىندا 124 ميلليون رۋبل قاراجات بولعان. قازٸر الينا كاباەۆا باسقاراتىن ۇلتىق مەديا توبى جىل سايىن ەسەپ بەرمەيدٸ, سول سەبەپتٸ كاباەۆانىڭ تابىسىن ەسەپتەۋ مٷمكٸن ەمەس.
2008 جىلى "موسكوۆسكيي كوررەسپوندەنت" باسىلىمى رەسەي پرەزيدەنتٸ ۆلاديمير پۋتين ەيەلٸمەن اجىراسىپ, الينا كاباەۆاعا ٷيلەنەدٸ دەپ جازعان. بۇل ماقالا جارييالانا سالىسىمەن گازەتتٸڭ جۇمىسى توقتاپ, كەيٸننەن جابىلدى. كەيبٸر سايتتار ون جىل ٸشٸندە پۋتين مەن كاباەۆانىڭ ورتاق ٷش بالاسى دٷنيەگە كەلدٸ دەپ جازادى. بٸراق تاراپتاردىڭ ەشقايسىسى اقپاراتتى راستامادى.
