ٶتكەن جىلى «قاراپايىم زاتتار ەكونوميكاسى» اياسىندا كەسٸپكەرلەرگە 516 ملرد تەڭگە قارىز بەرٸلدٸ. بۇل تۋرالى ٷكٸمەت وتىرىسىندا قر ۇلتتىق بانكٸ تٶراعاسى ەربولات دوساەۆ ايتتى, دەپ حابارلايدى قازاقپارات.
«ەكونوميكانى قولداۋ ٷشٸن مەملەكەت باسشىسىنىڭ داعدارىسقا قارسى باستامالارىن ٸسكە اسىرۋ جالعاسۋدا. «قاراپايىم زاتتار ەكونوميكاسى» باعدارلاماسىنا 2020 جىلعى 31 جەلتوقسانداعى جاعداي بويىنشا كەسٸپكەرلەردەن 1 ترلن تەڭگەگە 1 373 ٶتٸنٸم كەلٸپ تٷستٸ. ونىڭ ٸشٸندە بانكتەر جالپى سوماسى 658,9 ملرد تەڭگەگە 854 ٶتٸنٸمدٸ ماقۇلدادى, 516,2 ملرد تەڭگەگە 778 قارىز بەرٸلدٸ», - دەدٸ ول.
سونىمەن قاتار ول كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسى بويىنشا 2020 جىلى 31 جەلتوقساندا كەسٸپكەرلەر 612,5 ملرد تەڭگەگە 2 493 ٶتٸنٸم بەرگەنٸن ايتتى.
«474,6 ملرد تەڭگەگە 1 733 ٶتٸنٸم ماقۇلداندى, 528 ملرد تەڭگەگە 5 158 قارىز بەرٸلدٸ. ونىڭ ٸشٸندە 136 ملرد تەڭگەگە 2 454 قارىز بۇرىن بەرٸلگەن قارىزداردى ٶتەۋدەن تٷسكەن اقشا ەسەبٸنەن بەرٸلٸپ وتىر», - دەدٸ ەربولات دوساەۆ.
