2020 جىلى 26 مىڭعا جۋىق جٷرگٸزۋشٸ كٶلٸك جٷرگٸزۋ قۇقىنان ايىرىلدى. بۇل تۋرالى قر ٸشكٸ ٸستەر مينيسترلٸگٸنٸڭ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ ايتتى, دەپ حابارلايدى قازاقپارات.
«2020 جىلى شامامەن 5,6 ملن جول جٷرۋ ەرەجەسٸن بۇزۋ فاكتٸسٸن انىقتادىق. ونىڭ ٸشٸندە 2 ملن-نان استامى - جىلدامدىقتى ارتتىرۋ, 1,6 ملن - بەلگٸلەر مەن جولاقتار تالابىن بۇزۋ, 264 مىڭى - جارىق اسپابىن پايدالانۋدى بۇزۋ, 221 مىڭى - جولاۋشى مەن جٷك تاسىمالداۋ ەرەجەسٸن بۇزۋ جەنە 188 مىڭى - ايالداما جەنە تۇراق ەرەجەسٸن بۇزۋ. كٶلٸكتٸ ماس كٷيٸندە باسقارعانى ٷشٸن 21,4 مىڭ جٷرگٸزۋشٸ ۇستالدى. 25,9 مىڭ جٷرگٸزۋشٸ كٶلٸك جٷرگٸزۋ كۋەلٸگٸنەن ايىرىلىپ, 21 مىڭنان استام ادام ەكٸمشٸلٸك قاماۋعا الىندى», - دەدٸ ول مينيسترلٸكتٸڭ باسپاسٶز قىزمەتٸ الاڭىندا ٶتكەن بريفينگ بارىسىندا.
ونىڭ اتاپ ٶتۋٸنشە, ەلٸمٸزدە جول-كٶلٸك وقيعاسىنىڭ نەگٸزگٸ ٷش تٷرٸ كەزٸندە, اتاپ ايتقاندا, جاياۋ جٷرگٸنشٸنٸ قاعۋ, كٶلٸكتٸڭ اۋدارىلۋى جەنە كٶلٸكتەردٸڭ بەتپە-بەت سوقتىعىسۋى كەزٸندە ٶلٸم-جٸتٸم كٶپ بولادى.
ياعني, جول اپاتىنان قازا تاپقانداردىڭ 64 پايىزى اتالعان جاعدايلار ورىن العان كەزدە مەرت بولاتىنى انىقتالىپ وتىر.
«2020 جىلى ەلدٸ مەكەن اۋماعىندا جىلدامدىقتى اسىرۋ سالدارىنان 2 783 جول اپاتى ورىن الىپ, 397 ادام قازا تاپتى جەنە 3 508-ٸ جاراقاتتاندى. مانەۆر جاساۋ ەرەجەسٸن بۇزۋ سالدارىنان 2 430 وقيعا تٸركەلٸپ, 198 ادام قازا تاپتى, جاراقاتتانعاندار 3 مىڭنان اسىپ جىعىلادى. ەلٸمٸزدە بولاتىن ەربٸر ونىنشى وقيعا قالا سىرتىندا جىلدامدىقتى ارتتىرۋعا قاتىستى بولىپ وتىر. ٶتكەن جىلى 1 456 وقيعا سالدارىنان 400-دەن استام مەرت بولدى جەنە 2 مىڭنان استام ادام جارالاندى», - دەدٸ سەرٸك تٷسٸپوۆ.
