سەۋٸر ايىندا ەپيدەميياعا قارسى ٸس-شارالارعا قاتىسقان, سوعان سەيكەس ٷستەمەاقى الاتىن مەديتسينا قىزمەتكەرلەرٸنٸڭ سانى ناۋرىز ايىمەن سالىستىرعاندا 17,7-دەن 42,6 مىڭ ادامعا دەيٸن, ياعني 2,5 ەسە ارتتى, – دەپ حابارلايدى «ەلەۋمەتتٸك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ باسپاسٶز قىزمەتٸ.
ەسەپتەلگەن ٷستەمەاقىلاردىڭ سوماسى دا 56%-عا كٶبەيدٸ. مەديتسينالىق قىزمەتكەرلەرگە سەۋٸر ايىندا 7,6 ملرد تەڭگە (ناۋرىز ايىنا – 3,3 ملرد تەڭگەدەن استام) تٶلەندٸ.
نۇر-سۇلتان قالاسى بويىنشا سەۋٸردە ەپيدەميياعا قارسى ٸس-شارالارعا تارتىلعان مەديتسينا قىزمەتكەرلەرٸنە 1,1 ملرد تەڭگە ٷستەمەاقى تٶلەندٸ. ٷستەمەاقى مٶلشەرٸنٸڭ ايتارلىقتاي ٶسۋٸ سەۋٸر ايىندا كوروناۆيرۋس بويىنشا ەپيدەمييالىق جاعدايدىڭ ناشارلاۋىنا بايلانىستى بولدى. سەيكەسٸنشە, ناۋرىز ايىمەن سالىستىرعاندا سەۋٸردە مەديتسينا قىزمەتكەرلەرٸ ەپيدەميياعا قارسى ٸس-شارالارعا كٶپ تارتىلدى, - دەدٸ "ەلەۋمەتتٸك مەديتسينالىق ساقتاندىرۋ قورى" كەاق نۇر-سۇلتان قالاسى بويىنشا فيليالىنىڭ ديرەكتورى ايدار سەيٸتقازينوۆ.
ەستەرٸڭٸزگە سالا كەتەيٸك, دەنساۋلىق ساقتاۋ مينيسترلٸگٸنٸڭ بۇيرىعى بويىنشا ەپيدەميياعا قارسى ٸس-شارالارعا قاتىساتىن مەديتسينا قىزمەتكەرلەرٸ 3 تەۋەكەل توپقا بٶلٸنگەن. ولارعا جۇمىس كەستەسٸنە سەيكەس 212,5 مىڭ تەڭگەدەن (5 ەتج) 850 مىڭ تەڭگەگە دەيٸن (20 ەتج) ٷستەمەاقى تٶلەنەدٸ. جالپى, بۇل ماقساتقا رەسپۋبليكالىق بيۋدجەتتەن 35,7 ملرد. تەڭگەدەن استام قاراجات بٶلٸنگەن.
ەپيدەمييالىق جاعدايدى ەسكەرە كەلە, بولجام بويىنشا مامىر ايىندا ٷستەمەاقى تٶلەۋگە 8,6 ملرد تەڭگە جۇمسالۋى مٷمكٸن.
