سوڭعى كەزدە قوعامدا پەدوفيلييا دەرتٸ دەندەپ بارادى. "پەدوفيل" سٶزٸن ەستٸگەن جۇرتتىڭ تٶبە شاشى تٸك تۇرىپ, جانى تٷرشٸگەتٸن جاعدايعا جەتتٸ. ەلەم ەلدەرٸ "اقىرزامان اۋرۋىمەن" شاما-شارقىنشا كٷرەسٸپ, "سەبيقۇمارلارعا" توسقاۋىل قويۋدا. وسى تۇستا تٸلشٸمٸز شەت مەملەكەتتەردە پەدوفيلدەرمەن كٷرەس قالاي جٷرگٸزٸلەتٸنٸن زەردەلەپ, جازا تٷرلەرٸنە شولۋ جاساعاندى جٶن كٶردٸ, دەپ جازادى sputniknews.kz.
حيمييالىق جولمەن پٸشتٸرۋ
قازاقستاندا وسى جىلدىڭ 1 قاڭتارىنان باستاپ پەدوفيلدەردٸ حيمييالىق جولمەن پٸشتٸرۋ تۋرالى زاڭ كٷشٸنە ەنگەنٸ بەلگٸلٸ. ارادا التى اي ٶتكەنمەن, ەزٸرگە ەلٸمٸزدە بٸردە-بٸر پەدوفيلگە قاتىستى مەديتسينالىق سيپاتتاعى مەجبٷرلەۋ شاراسى قولدانىلماعان.
حيمييالىق كاستراتسييا بٸزدٸڭ ەلدەن بٶلەك, فرانتسييا مەن ۇلىبريتانييادا, بەلگييا, دانييادا قاراستىرىلعان.
فرانتسييادا حيمييالىق جولمەن پٸشتٸرۋ ەدٸسٸ 2005 جىلدان بەرٸ قولدانىلادى. شەشٸمدٸ سۋديا مەن ەمدەۋشٸ دەرٸگەر اراسىندا دەلدال فۋنكتسيياسىن اتقاراتىن پسيحياتر-ٷيلەستٸرۋشٸ قابىلدايدى. پەدوفيلدەرگە تاڭداۋ بەرٸلەدٸ – حيمييالىق كاستراتسيياعا كەلٸسۋ نەمەسە پسيحياترييالىق اۋرۋحانا قابىرعاسىندا مەڭگٸگە قالۋ.
ۇلىبريتانييادا 2008 جىلدان بەرٸ جازاسىن ٶتەپ شىققان پەدوفيلدەرگە قاتىستى ەرٸكتٸ تٷردە حيمييالىق كاستراتسييا جاساۋ كٶزدەلگەن. بەلگييا مەن دانييادا دا سوت شەشٸمٸمەن مەجبٷرلٸ حيمييالىق كاستراتسييا جاسالادى. ال پولشادا 2009 جىلدان بەرٸ فارماكولوگييالىق كاستراتسييا قولدانىلادى. ونىڭ قاجەتتٸگٸ تۋرالى شەشٸمدٸ سوت قابىلدايدى. پەدوفيلدٸڭ قۇربانى 15 جاستان كٸشٸ بالا نەمەسە تۋىسقانى بولعان كەزدە, بۇل پروتسەدۋرا مٸندەتتٸ. ال چەحييادا 1978 جىلدان بەرٸ ەرٸكتٸ تٷردە حيرۋرگييالىق كاستراتسييا جاسالادى.
اقش تا پەدوفيلدەردٸڭ باسىنان سيپامايدى
امەريكادا 1990 جىلدارى كٷشٸنە ەنگەن مەجبٷرلٸ كاستراتسييا تۋرالى زاڭ قولدانىستا. وعان سەيكەس, ەگەر سوتتالعان ادام جازاسىن ٶتەپ شىققاننان كەيٸن, قايتادان جىنىستىق سيپاتتاعى قىلمىس جاساسا, وندا سۋديا حيمييالىق جولمەن پٸشتٸرۋ جازاسىن بەلگٸلەيدٸ. بٸراق سوت قىلمىسكەرگە حيرۋرگييالىق كاستراتسييا جازاسىن تاعايىنداي المايدى, الايدا قىلمىسكەر ٶز ەركٸمەن كەلٸسۋٸ مٷمكٸن.
1990 جىلداردىڭ سوڭىندا امەريكاندىقتاردىڭ تەجٸريبەسٸن كانادا, ۇلىبريتانييا, فرانتسييا جەنە ەۋروپانىڭ بٸرقاتار ەلٸ قولدانا باستادى. بٸراق بۇل جەردە اقش-قا تەن قوسىمشا جەنە ٶتە ماڭىزدى پراكتيكا بار ەدٸ. 1996 جىلدان باستاپ امەريكانىڭ بارلىق شتاتى بٸرٸنەن كەيٸن بٸرٸ "مەگان زاڭىن" قابىلدادى. اتالعان زاڭ 7 جاسار مەگان كانكانىڭ اتىمەن اتالعان. ونى 33 جاستاعى كٶرشٸسٸ دجەسسي تيممەندەكاس زورلاپ, ٶلتٸرگەن بولاتىن. بۇل وقيعادا ٶتە ماڭىزدى ەسكەرەتٸن جەيت بار: امەريكانى دٷر سٸلكٸنتكەن وقيعاعا دەيٸن تيممەندەكاس كەمەلەتكە تولماعان ەكٸ قىزدى زورلاعانى ٷشٸن تٷرمەدە وتىرىپ شىققان, تٸپتٸ ارنايى ەم پروتسەدۋراسىنان دا ٶتكەن.
وسى اتىشۋلى وقيعادان كەيٸن "حيمييا" جىنىستىق قۇمارلىقتىڭ جويىلاتىنىنا كەپٸلدٸك بەرمەيتٸنٸ انىقتالدى. ەسٸرەسە, ەگەر پەدوفيل ەركەكتٸك قابٸلەتٸن قالپىنا كەلتٸرۋ ٷشٸن ەرلەر گورمونى بار دەرٸلٸك زاتتار ٸشسە. سوندىقتان بالالاردى وسىنداي ازعىنداردان قورعاۋ ٷشٸن بۇرىن جىنىستىق سيپاتتاعى قىلمىسى ٷشٸن جاۋاپقا تارتىلعاندار تۇرعىلىقتى مەكەنجايى مەن جۇمىس ورنىنىڭ ٶزگەرگەنٸ تۋرالى پوليتسيياعا حابار بەرۋگە مٸندەتتەلدٸ.
بۇعان قوسا, مەرزٸمٸنەن بۇرىن شارتتى تٷردە بوساتىلعان قىلمىسكەرلەرگە قاتىستى بٸرقاتار شەكتەۋ بار. مەسەلەن, ولارعا كەمەلەتكە تولماعانداردىڭ جانىندا جٷرۋگە, مەكتەپتەر مەن بالاباقشالاردىڭ, بالالار الاڭىنىڭ, مەكتەپ اۆتوبۋستارى ايالداماسىنىڭ جانىندا تۇرۋعا, جالپى بالالار جٷرەتٸن ورىندارعا جاقىنداۋعا تىيىم سالىنادى.
ونىڭ ٷستٸنە, كەز كەلگەن امەريكالىق ارنايى سايتتار ارقىلى "قاۋٸپتٸ ادامداردىڭ" ٶمٸربايانىمەن تانىسا الادى. وندا پەدوفيلدەردٸڭ سۋرەتٸ دە جارييالانعان.
پەدوفيلدەر جەرگٸلٸكتٸ قۇقىق قورعاۋ ورگاندارىنا ٷنەمٸ كەلٸپ, جۇمىسى تۋرالى اقپارات بەرٸپ, مەكەنجايىن كٶرسەتەدٸ. پوليتسەيلەر ولاردى سۋرەتكە تٷسٸرٸپ, ساۋساق ٸزٸن الادى, كەي كەزدە دنق ٷلگٸلەرٸن جينايدى.
امەريكادا قولدانىلاتىن تاعى بٸر ەدٸس – ەلەكتروندى بٸلەزٸك پەن ەلەكتروندى مونيتورينگ.
العاش رەت بۇل يدەيا 1979 جىلى نيۋ-مەكسيكو شتاتىندا جٷزەگە استى. بٸرنەشە جىلدان كەيٸن بەس شتاتتا بيلٸك جازاسىن ٶتەپ شىققان جٷزدەگەن پەدوفيلدٸ ەلەكتروندى بٸلەزٸك كييۋگە مٸندەتتەدٸ. ەگەر پەدوفيل مەكتەپ ماڭىن اينالشىقتاپ جٷرٸپ السا, بٸردەن پوليتسەيلەر كەلەدٸ.
قاشىقتان باقىلاۋدىڭ تاعى بٸر تٷرٸ – ەلەكتروندى مونيتورينگپەن ٷي قاماققا الۋ. قازٸرگٸ تاڭدا ول فەدەرالدى دەڭگەيدە جەنە بارلىق شتاتتا دەرلٸك قولدانىلادى. كٷن سايىن اقش-تا 14 مىڭداي پەدوفيل ەلەكتروندى باقىلاۋدا. ەدەتتە ولار جۇمىسقا, دٷكەنگە, ەمحاناعا نەمەسە تاعى باسا ورىندارعا بارا الادى, بٸراق ٷيٸنە بەلگٸلەنگەن ۋاقىتتا قايتىپ ورالۋى تيٸس.
سونىمەن قاتار, جاقىندا امەريكا بالالاردى زورلاعانى ٷشٸن تٷرمەدە وتىرىپ شىققان ازاماتتاردىڭ تٶلقۇجاتىنا ارنايى بەلگٸ قويا باستادى.
تٶلقۇجاتتىڭ ارتقى جاعىندا: "قۇجات يەسٸ بالاعا قارسى جىنىستىق سيپاتتاعى قىلمىسى ٷشٸن سوتتالعان جەنە اقش زاڭىنا سەيكەس ەسەپتە تۇر" دەپ جازىلادى.
وسىلايشا, ەگەر بۇرىنعى سوتتالۋشى شەتەلگە شىقسا, ونىڭ قىلمىسى تۋرالى سول ەلدٸڭ قۇزىرلى ورگاندارى دا حاباردار بولادى.
ٶلٸم جازاسى
كەيبٸر ەلدەردە پەدوفيلدەرگە ٶتە اۋىر جازا بەرٸلەدٸ. مەسەلەن, قىتايدا پەدوفيلدٸڭ بالانى زورلانعانى دەلەلدەنسە, بٸردەن ٶلٸم جازاسىنا كەسەدٸ. سونداي-اق سوت شەشٸمٸمەن فيزيكالىق كاستراتسييا جازاسى دا بەلگٸلەنۋٸ مٷمكٸن.
يراندا دارعا اسۋ نەمەسە اتۋ جازاسى ارقىلى جۇرت الدىندا ٶلٸم جازاسىنا كەسٸلەدٸ.
سولتٷستٸك كورەيادا پەدوفيلدٸ ٶز قۇربانى ٶلتٸرەدٸ: كٸنەلٸگە اتۋ جازاسى بەلگٸلەنەدٸ, ال زورلانعان بالا سول اتۋ كومانداسىنىڭ قۇرامىندا بولادى.
ال مىسىردا سوتتالعانداردى جۇرت الدىندا دارعا اسادى.
ٷندٸستان ٷكٸمەتٸ دە بيىل 12 جاسقا دەيٸنگٸ قىزداردى زورلاعان پەدوفيلدەر ٷشٸن ٶلٸم جازاسىن ەنگٸزدٸ.
سونىمەن قاتار, پەدوفيلدەرگە ٶلٸم جازاسى ساۋد ارابييادا, لاتىن امەريكا, وڭتٷستٸك كورەيا, يراك پەن افريكا ەلدەرٸندە قاراستىرىلعان.
افريكانىڭ كەيبٸر ەلدەرٸندە پەدوفيلدەردٸ تٸپتٸ تٸرٸدەي جاعىپ جٸبەرەدٸ.
