رەسەي مەن قىتاي اقپاراتتى باقىلاۋ ٷلگٸسٸ, اڭدۋ تەحنولوگيياسى مەن تسەنزۋرانى 110 ەلگە تاراتىپ جاتىر. امەريكالىق Open Technology Fund جارييالاعان "اقپاراتتى باقىلاۋدىڭ رەسەيلٸك جەنە قىتايلىق ٷلگٸسٸ" اتتى ەسەپتە وسىنداي دەرەك ايتىلادى. رەسەي مەن قىتاي ۇسىنعان تەحنولوگييانى بۇل ەلدەر قابىلداعان نەمەسە تۇتاس كٶشٸرگەن.
ەسەپتە قىتاي نەمەسە رەسەيمەن بايلانىسى بار اۆتوريتارلىق نەمەسە گيبريدتٸك رەجيمدەردٸڭ اقپاراتتى باقىلاۋ ٷلگٸسٸن وپ-وڭاي قابىلداپ الاتىنى ايتىلعان. اقپاراتتى باقىلاۋ تەحنولوگيياسى, ونى باسقارۋ ەدٸستەرٸ جەنە سوعان سەيكەس زاڭدار "بٸر بەلدەۋ - بٸر جول" باستاماسىنا قوسىلعان ەلدەردە (قىتايلىق مودەل) جەنە تمد ەلدەرٸنە (رەسەيلٸك مودەل) ەنٸپ جاتىر.
باياندامادا بۇعان قوسا, قىتاي مەن رەسەيدٸڭ اقپاراتتى باقىلاۋ تەحنولوگيياسى سوڭعى 13 جىلدا ەلەۋلٸ تٷردە ٶزگەرگەنٸ, بۇرىن شەتەلگە اشىق تسەنزۋرا مەن اڭدۋ قۇرالدارى جەتكٸزٸلگەن بولسا, سوڭعى ۋاقىتتا اناعۇرلىم جەتٸلگەن تەحنولوگييانىڭ تاسىمالدانىپ جاتقانى ايتىلعان.
قور ەسەبٸندە ادامنىڭ بەت-جٷزٸن تانيتىن باقىلاۋ كامەرالارى, تسيفرلىق جابدىقتاۋدىڭ سان الۋان تٷرلەرٸ, سمارت-كارت فورماتىنداعى تٶلقۇجاتتار, بيلٸككە ارنالعان سمارت دەرەك قورلارى, اقىلدى قالا تەحنولوگيياسى سيياقتى ٶنٸم تٷرلەرٸنٸڭ دٷنيەجٷزٸ بويىنشا كٶپتەپ تارالا باستاعانى ايتىلادى.
ەسەپ اۆتورى ۆالەنتين ۆەبەر مۇنداي ەرەكەتتەرگە دەموكراتييالىق ەلدەردٸڭ رەاكتسييا تانىتۋى قيىن ەكەنٸن, تٷرلٸ ماقساتتا جاسالعان تەحنولوگييانىڭ تاراتىلۋىنا تىيىم سالۋ مٷمكٸن ەمەستٸگٸن ايتادى. ونىڭ ٷستٸنە دەموكراتييالىق ەلدەردٸڭ ٶزٸ اقپاراتتى باقىلاۋ قۇرالدارىن ساتىپ الا باستاعان.
ۆەبەردٸڭ ويىنشا, دەموكراتييالىق ەلدەر دە قاراپايىم ازاماتتار قولداناتىن بايلانىس قۇرالدارى مەن ارنالارىن تٷرلٸ اڭدۋ-سٷزۋ تەحنولوگييالارىنان قورعاۋ امالدارىن ويلاستىرۋى تيٸس. بٸراق ول "قازٸر جاعداي كەرٸسٸنشە بولىپ وتىر" دەپ ەسەپتەيدٸ.
ەسەپ اۆتورى ەلەمدەگٸ سٶز بوستاندىعى جەنە ادام قۇقىعى احۋالى بارعان سايىن ناشارلاپ بارا جاتىر دەپ تۇجىرىم جاسايدى. اۆتوردىڭ پٸكٸرٸنشە, دەموكراتييالىق ەلدەر "تەحنولوگييانى اۆتوريتاريزمدٸ دامىتۋ ماقساتىندا قولدانۋعا تٶتەپ بەرۋٸ تيٸس جەنە ازاماتتاردىڭ جەكە ٶمٸرٸنە قول سۇقپاي-اق ۇلتتىق قاۋٸپسٸزدٸكتٸ قامتاماسىز ەتٸپ, قىلمىسپەن كٷرەسۋگە بولاتىنىن دەلەلدەۋٸ تيٸس".
