7 جەلتوقساندا ينتەرنەتتە جاقىندا عانا ۇلىبريتانييا سوتى اكتيۆتەرٸن بۇعاتتاعان "ۆەرنىي كاپيتال" كومپانييالار توبىنىڭ نەگٸزگٸ اكتسيونەرٸ بولات ٶتەمۇراتوۆتىڭ كومپانييا قىزمەتكەرلەرٸنە ارناپ جازعان حاتى جارييالاندى. حاتتا اۆتور بتا بانك شاعىمى بويىنشا كومپانييا اكتيۆتەرٸنە شەكتەۋ قويىلعانىن ٶتكەن اپتا سوڭىندا عانا ەستٸگەنٸن جازعان.
"ٶتكەن اپتانىڭ سوڭىندا بتا بانكتٸڭ تالاپ ارىزى بويىنشا "ۆەرنىي كاپيتال" توبىنىڭ كومپانييالارىنداعى ٷلەستٸ يەلەنۋگە قاتىستى شەكتەۋ ەنگٸزۋ تۋرالى اعىلشىن سوتىنىڭ قۇجاتتارىن ەلەكتروندى پوشتا ارقىلى الدىق. شىنىمدى ايتايىن, شوك بولدىم. دەرەۋ مەسەلەنٸڭ مەن-جايىن انىقتاي باستادىق. زاڭگەرلەر سوت شەشٸمٸنٸڭ جالعان قۇجاتتارعا سٷيەنٸپ شىعارىلعانىن راستادى. قازٸر سوت شەشٸمٸنٸڭ كٷشٸن جويۋ ٷشٸن تالپىنىپ جاتىرمىز, بٸراق وعان بٸراز ۋاقىت كەرەك جەنە مەسەلە جاقىن ارادا شەشٸلەدٸ دەپ سەنەمٸن. سوت پروتسەستەرٸ جٷرٸپ جاتقان شاقتا رەسمي تٷردە مەلٸمدەمە جاسامايمىن. بارلىق كومپانييالار قالىپتى رەجيمدە جۇمىس ٸستەي بەرەدٸ" دەلٸنگەن 6 جەلتوقساندا جازىلعان حاتتا.
حاتتا اۆتور مۇنىڭ بەرٸ "مەنٸڭ بەدەلٸمە جەنە كومپانييا اتىنا نۇقسان كەلتٸرٸپ, بيزنەسٸمە زييان تيگٸزۋ ٷشٸن جاسالىپ وتىر" دەپ تۇجىرىم جاساعان.
ايتا كەتەيٸك, ٶتكەن اپتادا ۇلىبريتانييا سوتى بتا بانكتٸڭ ٶتٸنٸشٸ بويىنشا ٶتەمۇراتوۆقا تيەسٸلٸ بەس ميلليارد دوللارلىق اكتيۆتٸ بۇعاتتاعانى بەلگٸلٸ بولدى.
Wall Street Journal (WSJ) باسىلىمىنىڭ مەلٸمەتٸنشە, "بتا" باسقالارمەن بٸرگە بيزنەسمەندٸ دە "بانكتەن ۇرلانعان اقشانى جاسىرۋعا كٶمەكتەستٸ" دەپ ايىپتاعان.
30 قاراشادا ٶتەمۇراتوۆقا تيەسٸلٸ "ادال كاپيتال" كومپانييالار توبى بۇل حابارلاماعا قاتىستى جاۋاپ بەردٸ. ولار "بتا بانكٸ" اق بۇل تالاپ ارىزدى باستاپقىدا 2015 جىلى مۇحتار ەبليازوۆ پەن ٸليياس حراپۋنوۆقا باعىتتاعانىن تٷسٸندٸردٸ.
"جاۋاپكەرلەر تٸزٸمٸنٸڭ كەڭەيۋٸنە سەيكەس, ولاردىڭ قۇرامىنا 2020 جىلدىڭ قاراشاسىندا بولات ٶتەمۇراتوۆ جەنە ونىڭ بيزنەس قۇرىلىمىنا كٸرەتٸن بٸرقاتار ادام قوسىلدى. بۇل تالاپتى قويۋعا "بتا بانكٸ" اق مەن ونىڭ زاڭگەرلەرٸ ۇسىنعان جالعان قۇجاتتار نەگٸز بولدى. جاقىن ارادا تالاپ ارىزعا بايلانىستى نارازىلىق بٸلدٸرٸلەدٸ", - دەلٸنگەن "ۆەرنىي كاپيتال" مەلٸمدەمەسٸندە.
كەيٸن كومپانييالار توبىنىڭ باس ديرەكتورى ەرلان وسپانوۆ Facebook پاراقشاسىندا قالىپتى رەجيمدە جۇمىس ٸستەپ جاتقاندارىن جازدى.
"بٸز بارلىق اكتيۆكە يەلٸك ەتۋگە قاتىستى شەكتەۋ شارالارى تۋرالى اعىلشىن سوتىنىڭ شەشٸمٸن الدىق. بۇل شەكتەۋلەر بولات ٶتەمۇراتوۆ اكتسيونەرٸ بولىپ تابىلاتىن كومپانييالاردىڭ, ونىڭ ٸشٸندە بانكتەر, قوناقٷيلەر, تەلەكوم-وپەراتورلار, تاۋ-كەن ٶندٸرۋ كومپانيياسى مەن فاست-فۋد مەيرامحانالارىنىڭ وپەراتسييالىق قىزمەتٸنە قاتىستى ەمەس جەنە ولارعا ەسەر ەتپەيدٸ. اكتيۆتەردٸ توقتاتۋ مەنشٸك يەسٸنٸڭ ٶزٸ اكتسيونەر بولىپ تابىلاتىن كومپانييالاردى باسقارۋعا قاتىسۋ قۇقىعىن شەكتەمەيدٸ جەنە بيزنەستٸ جٷرگٸزۋگە كەدەرگٸ كەلتٸرمەيدٸ", - دەپ تٷسٸندٸردٸ وسپانوۆ.
ول حالىقارالىق ادۆوكاتتاردىڭ بتا بانكٸنٸڭ تالابىنا جاۋابى زاڭگەرلەرگە جٸبەرٸلگەنٸن اتاپ ٶتتٸ. شاعىم دايىندالىپ جاتىر. كومپانيياعا سوتتا بانك تالاپتارىنا نارازىلىق بٸلدٸرۋ ٷشٸن ۋاقىت قاجەت.
"Forbes – قازاقستان" جۋرنالىنىڭ مەلٸمەتٸ بويىنشا, بولات ٶتەمۇراتوۆ قازاقستانداعى ەڭ باي ادامداردىڭ قاتارىندا تٶرتٸنشٸ ورىندا تۇر. جۋرنالدىڭ جازۋىنشا, ول اكتيۆتەرٸنٸڭ كٶلەمٸ بويىنشا قازاقستانداعى ەڭ ٸرٸ ٷشتٸككە كٸرەتٸن ForteBank-تٸ باقىلايدى (مامىر ايىنداعى دەرەك). 2019 جىلدىڭ سوڭىنداعى مەلٸمەت بويىنشا, بانك اكتيۆتەرٸنٸڭ اۋقىمى 2,07 ميلليارد تەڭگە بولعان. سونىمەن قاتار ونىڭ تاۋ-كەن, مۇناي-گاز جەنە تەلەكوممۋنيكاتسييا سالالارىندا اكتيۆتەرٸ بار.
