فوتو: inkaraganda.kz
ٶنەركەسٸپ جەنە قۇرىلىس مينيسترلٸگٸ تۇرعىن ٷي جاعدايلارىن جاقسارتۋ ٷشٸن بٸرجولعى زەينەتاقى تٶلەمدەرٸن پايدالانۋدىڭ قولدانىستاعى ەرەجەلەرٸنە ٶزگەرٸستەر ەنگٸزۋدٸ ۇسىنادى, دەپ حابارلايدى «ۇلت اقپارات» بانكتٸڭ باسپاسٶز قىزمەتٸنە سٸلتەمە جاساپ.
اعىمداعى جىلدىڭ 1 قاڭتارىنداعى جاعداي بويىنشا 135 مىڭعا جۋىق ازامات ٶز قاراجاتىن بٸرجولعى زەينەتاقى تٶلەمدەرٸنەن «وتباسى بانك» اق دەپوزيتتەرٸنە جۇمسادى جەنە وسى ۋاقىتقا دەيٸن يپوتەكالىق تۇرعىن ٷي قارىزدارىن رەسٸمدەگەن جوق.
«وتباسى بانك» اق اقپاراتى بويىنشا تۇرعىن ٷي زاەمىن الۋ ٷشٸن قاجەتتٸ باستاپقى جارنانى جيناقتاۋدىڭ ورتاشا مەرزٸمٸ التى جىل.
وسىعان بايلانىستى, مينيسترلٸك ازاماتتاردىڭ تۇرعىن ٷي جاعدايلارىن جاقسارتۋ ماقساتىندا «وتباسى بانك» اق دەپوزيتتەرٸندە بجت قاراجاتىن جيناقتاۋ مەرزٸمٸن 3 جىلدان 8 جىلعا دەيٸن ۇلعايتۋدى ۇسىنادى. بۇدان باسقا, ەرلٸ-زايىپتىلارعا «وتباسى بانكٸ» اق دەپوزيتتەرٸن بٸر-بٸرٸنە بجت قاراجاتىمەن تولىقتىرۋعا مٷمكٸندٸك بەرۋ ۇسىنىلادى, - دەلٸنگەن حابارلامادا.
سونداي-اق, بۇيرىق جوباسىمەن تۇرعىن ٷي قۇرىلىسى جيناقتارى تۋرالى «وتباسى بانك» اق-مەن شارت بۇزىلعان كەزدە بجت-مەن تولىقتىرىلعان سوما الۋشىنىڭ ارنايى شوتىنا قايتارىلادى, ول 20 جۇمىس كٷنٸ ٸشٸندە وسى قاراجاتتى تۇرعىن ٷي جاعدايلارىن جاقسارتۋعا پايدالانا الادى نەمەسە ەمدەۋگە بٸرجولعى زەينەتاقى تٶلەمدەرٸن پايدالانۋ قاعيدالارىنا سەيكەس ەمدەۋگە جٸبەرە الادى (2021 جىلعى 15 اقپانداعى № دسم-18 مينيستردٸڭ بۇيرىعى).
تۇرعىن ٷي جاعدايلارىن جاقسارتۋ ٷشٸن بٸرجولعى زەينەتاقى تٶلەمدەرٸن پايدالانۋدىڭ قولدانىستاعى ەرەجەلەرٸنە جوسپارلانعان تٷزەتۋلەر نقا اشىق دەرەكتەر پورتالىندا تالقىلانۋدا. بارلىق ەسكەرتۋ مەن ۇسىنىستار قابىلدانعاننان كەيٸن بۇيرىق جوباسى مٷددەلٸ مەملەكەتتٸك ورگاندارعا كەلٸسۋگە جٸبەرٸلەتٸن بولادى. بارلىق كەلٸسۋ پروتسەسٸ شامامەن ەكٸ ايعا سوزىلادى.
