وتباسى بانك جالداۋ اقىسىن سۋبسيدييالاۋ ٶتٸنٸشتەرٸن Baspana market پورتالىندا قابىلدايدى, دەپ حابارلايدى "ۇلت اقپارات" بانكتٸڭ باسپاسٶز قىزمەتٸنە سٸلتەمە جاساپ.
وتباسى بانك قازاقستاندىقتاردىڭ تۇرعىن ٷيدٸ جالداۋ اقىسىن سۋبسيدييالاۋعا قاتىستى ونلاين ٶتٸنٸمدەرٸن قابىلداۋ ٷشٸن پلاتفورمانىڭ فۋنكتسيونالدىعىن پىسىقتاۋدا. جۇمىس بارىسىن اۆتوماتتاندىرۋ ٷشٸن بانك 6 مەملەكەتتٸك ورگاننىڭ 16 دەرەكقورىمەن ينتەگراتسييا جاساۋى قاجەت. سوندىقتان باسپانانى جالعا الۋ اقىسىن سۋبسيدييالاۋ باعدارلاماسى 2022 جىلدىڭ مامىر ايىنان باستاپ ٸسكە قوسىلادى.
كٶپ بالالى وتباسىلار, 1 جەنە 2 توپتاعى مٷگەدەكتەر, جەتٸم بالالار, مٷمكٸندٸگٸ شەكتەۋلٸ بالالاردى تەربيەلەپ وتىرعان وتباسىلار جالداۋ اقىسىن سۋبسيدييالاۋعا ٶتٸنٸش تاپسىرا الادى. الايدا ٷمٸتكەرلەر تۇرعىن ٷي الۋ كەزەگٸندە تۇرۋلارى قاجەت.
ولاردىڭ ەربٸر وتباسى مٷشەسٸنە شاققاندا سوڭعى 6 ايداعى جيىنتىق تابىسى ەڭ تٶمەنگٸ كٷنكٶرٸس دەڭگەيٸنٸڭ بٸر مٶلشەرٸنەن اسپاۋى تيٸس (2022 ج. 1 كم – 36 018 تەڭگە).
مۇنداي وتباسىلارعا كٶمەك رەتٸندە بيۋدجەتتەن 50 ميلليارد تەڭگە بٶلٸنەدٸ. بۇل قاراجاتقا مەملەكەت 70 مىڭ قازاقستاندىقتىڭ باسپانانى جالعا الۋ قۇنىنىڭ جارتىسىن سۋبسيدييالايدى.
«بۇل تٸزٸمدەگٸلەردٸڭ دەنٸ, 51 مىڭعا جۋىعى, كٶپ بالالى وتباسىلار. تاعى 10 مىڭى - 1 جەنە 2 توپتاعى مٷگەدەك جاندار, 7 مىڭى - مٷمكٸندٸگٸ شەكتەۋلٸ بالالار تەربيەلەپ وتىرعان از قامتىلعان وتباسىلار, 2 مىڭى - جەتٸم بالالار. ەندٸ بۇل ازاماتتار ٷشٸن باسپانا مەسەلەسٸ اسا ٶتكٸر بولمايدى. ولار اتالمىش باعدارلاما ارقىلى وتباسىلىق بيۋدجەتكە تٷسەتٸن سالماقتى ازايتۋعا مٷمكٸندٸك الادى. ٷنەمدەلگەن قاراجاتتى تۇرمىستى جاقسارتۋعا باعىتتاۋعا بولادى نەمەسە جەڭٸلدەتٸلگەن نەسيە بەرۋ باعدارلامالارىنا قاتىسۋ ٷشٸن قاراجات جيناقتاۋعا دا مٷمكٸندٸك بار», - دەپ تٷسٸندٸردٸ «وتباسى بانك» اق باسقارما تٶرايىمى لەززات يبراگيموۆا.
باعدارلاماعا قاتىساتىن ازاماتتاردىڭ تٸزٸمٸن يندۋسترييا جەنە ينفراقۇرىلىمدىق دامۋ مينيسترلٸگٸ قالىپتاستىرادى. ونى العاننان كەيٸن وتباسى بانك اتالمىش باعىتتىڭ وپەراتورى رەتٸندە جالداۋ اقىسىن سۋبسيدييالاۋ مٷمكٸندٸگٸ تۋرالى تٸزٸمدەگٸ ازاماتتاردى حابارلاندىرادى. ٸزٸنشە ٷمٸتكەر بانك فيليالىنا كەلمەي-اق, Baspana market پلاتفورماسى ارقىلى ونلاين ٶتٸنٸش بەرە الادى.
ول ٷشٸن قازاقستاندىقتاردىڭ ەتسق كٸلتٸ بولۋى قاجەت. ٶتٸنٸش بەرۋشٸنٸڭ كٸرٸسٸ پلاتفورمادا تەكسەرٸلگەننەن كەيٸن ول ٶزٸنە قولايلى باسپانا تاۋىپ, ونى جالعا الۋ شارتىنا ونلاين قول قويىپ, تٸركەيدٸ. سودان كەيٸن اعىمداعى شوت اشىپ, جالعا الۋ قۇنىنىڭ 50 پايىزىن سول جەرگە اۋدارادى. بانك ٶز تاراپىنان قالعان 50 پايىزىن اۋدارىپ, جالعا الۋشىنىڭ تٶلەم تەرتٸبٸن ودان ەرٸ قاداعالايدى.
ٷمٸتكەردٸڭ جالداۋ اقىسىن سۋبسيدييالاۋعا ونلاين ٶتٸنٸش بەرۋ مٷمكٸندٸگٸ بولماسا, ول بۇل جۇمىستى وتباسى بانكٸنٸڭ بٶلٸمشەسٸندە ٶز-ٶزٸنە قىزمەت كٶرسەتۋ ايماعىندا ٸسكە اسىرا الادى.
