قازاقستاندا قۇراستىرىلعان جەڭٸل كٶلٸك باعاسىنىڭ قىمباتتاۋىنا شەتەلدەن كەلەتٸن قوسالقى بٶلشەكتەر سەبەپ بولىپ وتىر. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
بٷگٸن ٷكٸمەت وتىرىسىنان شىققان مينيسترگە باق ٶكٸلدەرٸ وتاندىق كٶلٸك باعاسىنىڭ شارىقتاپ كەتكەنٸن العا تارتىپ, ونىڭ سەبەبٸن سۇراعان بولاتىن.
مينيستردٸڭ سٶزٸنە قاراعاندا, ەلٸمٸزدە قۇراستىرىلاتىن كٶلٸك باعاسىنىڭ كٶتەرٸلۋٸنە شەتەلدەن كەلەتٸن بٶلشەكتەردٸڭ قىمبات بولۋى ەسەر ەتٸپ وتىر.
«بيىلدان باستاپ ەر كٶلٸك شىعارىپ جاتقان زاۋىتقا ٶز باعدارلاماسىن بەكٸتتٸك. قاي جىلى جەنە قانداي ٶنٸمدەر (كٶلٸكتٸڭ قوسالقى بٶلشەكتەرٸ) ٶز ٸشٸمٸزدە شىعارىلۋى كەرەكتٸگٸن انىقتادىق. ٶكٸنٸشكە قاراي ونى تەز ارادا الماستىرۋ مٷمكٸن ەمەس. ەر شىعاراتىن قوسالقى بٶلشەككە شەتەلدٸك زاۋىتتان سەرتيفيكات الۋىمىز كەرەك. مىسالى, حيۋنداي كٶلٸگٸ بولسا, ونىڭ ٸشٸنە سالىناتىن زاتتى شىعاراتىن بولساق, وندا «سٸزدەردٸڭ كٶلٸكتەرٸڭٸزگە ٶز بٶلشەكتەرٸمٸزدٸ سالۋعا بولا ما» دەپ رۇقسات الۋىمىز كەرەك. ال وعان ۇزاق ۋاقىت ٶتەدٸ. ياعني, مەسەلە قولىمىزدان كەلمەگەننەن ەمەس, تٸركەۋ رەسٸمدەرٸ ٶتە ۇزاققا سوزىلىپ جاتقاندىعىندا», - دەپ تٷسٸندٸردٸ قايىربەك ٶسكەنباەۆ.
سونىمەن قاتار ول قۇنى 10 ملن تەڭگەگە دەيٸنگٸ وتاندىق كٶلٸكتەردٸ ساتىپ الۋعا 4 پايىزدىق جەڭٸلدٸكپەن نەسيە بەرٸلەتٸندٸگٸن اتاپ ٶتتٸ.
وسى ورايدا تٸلشٸلەر رەسەيلٸكتەردٸڭ قازاقستاندىق كٶلٸكتەردٸ جاپپاي ساتىپ الىپ جاتقانىن العا تارتىپ, ولارعا دا نەسيە جەڭٸلدٸكپەن بەرٸلۋٸ مٷمكٸن بە ەكەندٸگٸن سۇرادى.
«ەڭ الدىمەن بٸز تەك قازاقستاندىقتارعا عانا كرەديت بەرەمٸز. شەتەلدٸكتەرگە كرەديت بەرەيٸك دەپ وتىرعانىمىز جوق», - دەپ جاۋاپ بەردٸ مينيستر.
