بٷگٸن الماتىدا قۇران كٸتابىنىڭ ورىس تٸلٸنە اۋدارىلعان نۇسقاسىنىڭ تۇساۋكەسەرٸ ٶتتٸ, دەپ حابارلايدى Baq.kz اگەنتتٸگٸ.
اۋدارمانىڭ اۆتورى سەرٸك رىسجانوۆ يسلام دٸنٸن 1998 جىلدان بەرٸ زەرتتەپ كەلە جاتقاندىعىن جەنە قۇراننىڭ بۇعان دەيٸن ورىس تٸلٸنە اۋدارىلعان نۇسقالارىنىڭ بارلىعىمەن تانىسقاندىعىن جەتكٸزدٸ.
«بۇعان دەيٸنگٸ ورىس تٸلٸندەگٸ اۋدارمالارى مەنٸ قاناعاتتاندىرمادى, ولار ەر كەزەڭدە, ٶزگە ورتادا اۋدارىلعان. 2008 جىلى گازەتتە جۇمىس ٸستەپ جٷرگەندە قۇراندى اۋدارۋدى قولعا الىپ, وسى تاقىرىپتا بٸرنەشە ماقالا جازدىم. بٸزگە قۇراننىڭ اۋدارمالارى ٶزگە ەلدەردەن كەلەدٸ, تٸپتەن رەسەيدەن كەلگەننٸڭ ٶزٸندە ونداعى ورتا بٸزدەن الشاق. ال بٸزدٸڭ ەلدە مۇنىمەن ەشكٸم اينالىسپادى, سوندىقتان مەن ونى بٸزدٸڭ حالىققا تٷسٸنٸكتٸ ەتٸپ اۋدارۋعا تىرىستىم», -دەيدٸ اۆتور.
«اۆتور بۇل اۋدارمانى جاساعان كەزدە قۇراننىڭ تٷپنۇسقا مەتٸنٸنە سٷيەنگەن. بۇل قۇراندى وقۋ ارقىلى كٶپ نەرسەگە باسقاشا كٶزقاراسپەن قاراي باستادىم. مۇنىڭ سەبەبٸ اۋدارۋ تەسٸلٸندە دەپ ويلايمىن. اۆتور قۇرانداعى مەتٸندەردٸ اۋدارعاندا باسقاشا تٷسٸنۋگە جول بەرمەگەن. ياعني ەكسترەميستٸك, راديكالدىق, كەمسٸتۋشٸلٸك مەسەلەسٸندە ٶتە مۇقييات بولعان», -دەيدٸ "NAROK" قورىنىڭ مٷشەسٸ ەل-فارابي بولاتجان.
اۋدارمانىڭ اۆتورى قۇراندى تەك اراب تٸلٸندە وقۋ كەرەك نەمەسە دٸني ٸلٸمٸ بار عۇلامالاردىڭ تٷسٸندٸرۋٸمەن مەڭگەرۋ كەرەك دەگەن تٷسٸنٸك بار ەكەنٸن ايتا كەلە, ونى قاراپايىم حالىققا تٷسٸنٸكتٸ ەتٸپ جەتكٸزۋگە تىرىسقانىن ايتتى.
«ەگەر ونى تەك ارابشا وقۋ كەرەك دەپ قارايتىن بولساق, قۇران تەك ارابتارعا نەمەسە ونىڭ مازمۇنىن تٷسٸندٸرەتٸن عۇلامالارعا قاجەتتٸ, جابىق كٸتاپ سيياقتى بولىپ قالادى. مەن قاراپايىم حالىقتىڭ ەشكٸمنٸڭ تٷسٸندٸرۋٸنسٸز وقىپ, تانيتىنداي ەتٸپ جاساۋعا تىرىستىم», -دەيدٸ سەرٸك رىسجانوۆ.
