ماشينا جاساۋ سالاسىندا الدىڭعى قاتارداعى 21 جوبا ٸسكە اسىرىلادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
مينيستردٸڭ ايتۋىنشا, ماشينا جاساۋ سالاسىندا الدىڭعى قاتارداعى 21 جوبانى ٸسكە اسىرۋ جوسپارلانعان. ونىڭ ٸشٸندەگٸ نەگٸزگٸ باعىتتار بويىنشا:
- يمپورتتى الماستىرۋ ەلەۋەتٸ 130 ملرد تەڭگە (اۆتوموبيل شينالارى, تۇرمىستىق تەحنيكا, كومپيۋتەرلٸك جيىنتىقتاۋىشتار, شاناقتاردىڭ قالىپتاۋ بٶلشەكتەرٸ, كٶلٸككە ارنالعان ەينەك ٶندٸرٸسٸ, جٷك اۆتوموبيلدەرٸ, مەتالل ٶڭدەۋدٸڭ اۆتوماتتاندىرىلعان جەلٸلەرٸ, مۇناي-گاز جابدىعى جەنە ت.ب.);
- ەكسپورتقا باعىتتالعان جوبالاردى جٷزەگە اسىرۋ (اۆتوشينالار, شويىن قۇيۋ, ۇستالىق-بانداج كەشەنٸ, پلانشەتتەر مەن سمارتفوندارعا ارنالعان جۇقا شىنى, «بەلارۋس» تراكتورلارىنا ارنالعان كابينالار, اليۋمينيي ديسكٸلەر, يزوتەرمييالىق ۆاگون-تەرموستار, ەلەكتر تەحنيكالىق جابدىق پەن جيناقتاۋىشتار, شاعىن ستانتسييالارعا ارنالعان جوعارى ۆولتتى اپپاراتۋرا جەنە ت. ب.) ەكسپورتتى ۇلعايتۋ ەلەۋەتٸ 622 ملن اقش دوللارى.
«حيمييا ٶنەركەسٸبٸندە 2025 جىلعا دەيٸن الدىڭعى قاتارلى 18 جوبانى ٸسكە اسىرۋ جوسپارلانىپ وتىر. اتالعان جوبالار كالتسييلەنگەن سودا, پوليپروپيلەن, ناتريي تسيانيدٸ جەنە مينەرالدى تىڭايتقىشتار ٶندٸرۋدٸ كٶزدەيدٸ. ولار تەك ٸشكٸ نارىققا عانا ەمەس, سونداي-اق ٶنٸم ەكسپورتىنا دا باعدارلانعان», - دەدٸ ول.
قايىربەك ٶسكەنباەۆ قۇرىلىس ماتەريالدارىنىڭ ٶندٸرٸسٸ سالاسىندا دا جٷزەگە اسىرىلاتىن جوبالارعا توقتالدى.
«بۇل رەتتە 890 ملن اقش دوللارى كٶلەمٸندەگٸ ٶنٸم يمپورتىن الماستىرۋعا, سونداي-اق ەكسپورت كٶلەمٸن 206 ملن اقش دوللارىنا دەيٸن ۇلعايتۋعا مٷمكٸندٸك بەرەتٸن الدىڭعى قاتارلى 24 جوبانى ٸسكە اسىرۋ جوسپاردا بار. جالپى كەراميكالىق پليتالار, اۆتوكلاۆتى گازوبلوكتار, جىلۋ وقشاۋلاعىش ماتەريالدار, سەندۆيچ-پانەلدەر سيياقتى تاۋارلار بويىنشا يمپورتتى تولىقتاي الماستىرۋ جوسپارلانىپ وتىر. بۇدان باسقا, ەلٸمٸزدە بۇرىن-سوڭدى ٶندٸرٸلمەگەن سانفايانس, بٶلمەارالىق ەسٸكتەر, لاكتالعان اعاش-جاڭقالى تاقتالار, ەدەن جابىندارى سيياقتى تاۋارلاردىڭ ٶندٸرٸسٸ ٸسكە قوسىلاتىن بولادى», - دەدٸ مينيستر.
مينيستردٸڭ ايتۋىنشا, جوبالاردى ٸسكە اسىرۋ نەتيجەسٸندە 9,1 ملرد اقش دوللارى كٶلەمٸندەگٸ تاۋارلار بويىنشا يمپورت الماستىرىلىپ, شيكٸزاتتىق ەمەس تاۋاردىڭ ەكسپورت كٶلەمٸ 17,2 ملرد اقش دوللارىنا دەيٸن ۇلعايتىلادى.
«كەراميكالىق پليتالار, كالتسييلەنگەن جەنە كاۋستيكالىق سودا, جىلۋ وقشاۋلاعىش ماتەريالدار, ارنايى كوكس, كاليي تىڭايتقىشتارى جەنە باسقا دا تاۋارلار بويىنشا يمپورت تولىقتاي الماستىرىلادى دەپ كٷتٸلۋدە. فەرروقورىتپالاردىڭ ەلەمدٸك ەكسپورتى بويىنشا 2-شٸ ورىنعا شىعۋ, بولات يمپورتىن 75 پايىزعا قىسقارتۋ, ماقتا ٶڭدەۋ كٶرسەتكٸشتەرٸن 100 پايىزعا دەيٸن ارتتىرۋ, سونداي-اق ەدەن جابىندارى مەن گەوسينتەتيكانىڭ يمپورتىن 25 پايىزعا الماستىرۋ جوسپاردا بار», - دەدٸ قايىربەك ٶسكەنباەۆ.
