اتوم ەنەرگيياسى جٶنٸندەگٸ حالىقارالىق اگەنتتٸكتٸڭ (ماگاتە) ٶسكەمەندەگٸ از بايىتىلعان ۋران بانكٸنە ۋراننىڭ العاشقى پارتيياسى جەتكٸزٸلدٸ, - دەپ حابارلادى قازاقستاننىڭ سىرتقى ٸستەر مينيسترلٸگٸ.
ٷلبٸ مەتاللۋرگييالىق زاۋىتىندا ورنالاسقان بانككە ۋران قورىن "قازاتومٶنەركەسٸپ" ۇلتتىق كومپانيياسى مەن فرانتسۋزدىڭ "ورانو-تسيكل" كومپانيياسى جەتكٸزٸپ وتىرماق. مينيسترلٸك دەرەگٸنشە, بانكتە "اتوم ەلەكتر ستانتسييالارىندا وتىن ٶندٸرۋگە جارامدى 90 مەتريكالىق توننا ۋران گەكسافتوريدٸ" ساقتالادى.
سٸم مەلٸمدەمەسٸندە "از بايىتىلعان ۋران بانكٸ قورى راديواكتيۆتٸ قالدىق ەمەس, حالىققا جەنە قورشاعان ورتاعا قاۋٸپ تٶندٸرمەيدٸ" دەپ جازعان.
ماگاتە مەن قازاقستان ٷكٸمەتٸ اراسىندا از بايىتىلعان ۋران قورى بانكٸن قۇرۋ تۋرالى كەلٸسٸم 2015 جىلى تامىزدا جاسالعان. قازاقستان ٷكٸمەتٸنٸڭ مەلٸمدەۋٸنشە, ۋران رەزەرۆٸ – دەربەس قور, ول تەك ەلەمدٸك ۋران نارىعىندا داعدارىس تۋعان جاعدايدا پايدالانىلادى. قالىپتى جاعدايدا بۇل قوردىڭ قاجەتٸ بولمايدى. بانكتٸڭ اشىلۋ رەسٸمٸ 2017 جىلى تامىز ايىندا ٶتكەن.
وسىدان بٸرنەشە جىل بۇرىن قازاقستان اۋماعىنان يادرولىق وتىن بانكٸ اشىلاتىنى بەلگٸلٸ بولعان كەزدە قوعامدا حالىقارالىق ۇيىم جوباسىنا قاتىستى تٷرلٸ پٸكٸر بولعان. كەيبٸر ساراپشىلار "قازاقستان ۋراندى ٶندٸرۋ, ٶڭدەۋ, ساقتاۋ تەحنولوگييالارىن دامىتسا, حالىقارالىق نارىقتا سالماعى ارتا تٷسەدٸ" دەسە, كەيبٸرٸ بانكتە اپات بولعان جاعدايدا قورشاعان ورتاعا رادياتسييا تارايدى دەگەن قاۋٸپ ايتقان.
