شىعىس قازاقستان وبلىسىنىڭ ەكٸمٸ د. ك. احمەتوۆ مىرزاعا,
ٶسكەمەن قالاسىنىڭ ەكٸمٸ ق. م. تۇماباەۆ مىرزاعا
وبلىستاعى بٸرقاتار قوعامدىق-ساياسي ۇيىمداردان
ۇسىنىس حات
ەلباسىنىڭ «رۋحاني جاڭعىرۋ» باعدارلاماسىنا وراي وبلىسىمىزدا ٶزٸڭٸزدٸڭ ساليقالى باسشىلىعىڭىزبەن بٸرقاتار وڭدى شارالار جٷزەگە اسىپ, قازاقشا ايتساق ٶڭٸر جۇرتشىلىعىنىڭ ٶلگەنٸ تٸرٸلٸپ, ٶشكەنٸ جانباسا دا بٸرشاما سەرگٸپ, سەرپٸلٸپ قالعانى راس. بۇل شاعىن حاتتا ول شارالاردى تٸزبەلەپ جاتۋ ارتىق. دەسەك تە ونوماستيكا, توپونيميكا مەسەلەلەرٸنە كەلگەندە ەلباسىنىڭ تالاپ-تٸلەكتەرٸنە جاۋاپ بەرە الماي, جەر شۇقىپ قالاتىن تۇستارىمىز دا جەتەرلٸك. ەرينە, «رۋحاني جاڭعىرۋ: بولاشاققا باعداردا» نۇرسۇلتان ەبٸشۇلى نازارباەۆ مەملەكەتٸمٸزدٸڭ نەگٸزٸن قۇراپ وتىرسا دا قازاق حالقىنىڭ وسى ۋاقىتقا دەيٸن جوعارىداعى مەسەلەلەردە ماندىمدى جۇمىستار تىندىرۋعا مٷمكٸندٸگٸ بولماعانىن, ەندٸ ونى كەشەۋٸلدەتسەك كەش بولاتىنىن دا ەمەۋٸرٸنمەن جەتكٸزۋگە تىرىسقان.
ٶزدەرٸڭٸزگە بەلگٸلٸ, شىعىس قازاقستان, ونىڭ ٸشٸندە ەسٸرەسە ٶسكەمەن, زىريان, ريددەر, شەمونايحا قالالارىنىڭ كٶشە اتاۋلارى سوناۋ كەڭەستٸك كەزەڭدەگٸ كەيٸپ-بولمىسىن كٶپ بۇزا قويعان جوق. ەسٸرەسە, وبلىس ورتالىعى ٶسكەمەن كٶشەلەرٸ ەلٸ كٷنگٸ كەشەگٸ بولشەۆيكتٸك اتاۋلارمەن سٸرەسٸپ تۇر. قازان تٶڭكەرٸسٸنٸڭ «تٶركٸن جۇرتى» — رەسەيدٸڭ ٶزٸ ولاردان باياعىدا ارىلىپ, تازارىپ, جاڭعىرىپ العان. ال, وبلىسىمىزدىڭ قالالارى مەن اۋىلدارى ٶسكەمەنگە قاراپ بوي تٷزەيتٸنٸ – شىندىق.
ارداقتى دانيال كەنجەتايۇلى!
سٸزدٸڭ ٶسكەمەن قالاسى ەكٸمٸنە قالاداعى 20-دان استام كٶشەلەردٸڭ اتاۋلارىن «رۋحاني جاڭعىرۋعا…» ساي كەلەتٸندەي ەتٸپ ٶزگەرتۋ جايلى نۇسقاۋ بەرگەنٸڭٸزدٸ ەستٸپ, قاتتى قۋاندىق. سٸز باسشىلىق جاساعان كەزدە قالاداعى 700-دەن استام كٶشەلەردٸڭ تىم قۇرىسا 30 پايىزى قازاقشالانىپ قالسا, ەرتەڭگٸ كٷنٸ ەلٸمٸز مەن جۇرتىمىزدىڭ اۋزىندا وسى بٸر يگٸلٸكتٸ ٸسٸڭٸز قالاتىنى شىندىق. جۋىردا جەرگٸلٸكتٸ باسپاسٶز بەتتەرٸندە: «ٶسكەمەندەگٸ ۆوروشيلوۆ كٶشەسٸنٸڭ اتاۋى جاقييا شايجٷنٸسوۆتىڭ اتىمەن اتالعالى جاتىر» دەگەندەي حابارلاردى بٸرنەشە مەرتە وقىپ قالدىق. ەڭگٸمە مىنادا.
جاقييا شايجٷنٸسوۆتىڭ كەزٸندەگٸ سەمەي وبلىسى اۋماعىندا, اتاپ ايتار بولساق, كٶكپەكتٸدەگٸ بٸلٸم بەرۋ سالاسىنا سٸڭٸرگەن ەڭبەگٸ مول ەكەندٸگٸ شىندىق. ەڭبەك ٶتەمٸنە دەپ ول اعامىزدىڭ ومىراۋىنا سوتسياليستٸك ەڭبەك ەرٸنٸڭ قىزىل جۇلدىزى تاعىلعان. لەنين وردەنٸمەن القالانعان. ەنەۋ بٸر جىلدارى سەمەيدەگٸ ٷلكەن بٸر كٶشەگە شايجٷنٸسوۆ اتاۋى بەرٸلدٸ. ارتتا قالعان ۇرپاقتارىنا, حالقىنا ول كٸسٸنٸڭ ارۋاعى ريزا!
ٶسكەمەندەگٸ ۆوروشيلوۆ كٶشەسٸ — اباي داڭعىلىن قيىپ ٶتەتٸن ٷلكەن كٶشە. ەگەردە ول كٶشەگە شىنىندا دا حالقىنىڭ ارداقتىسىنىڭ اتاۋى بەرٸلەر بولسا, وعان اسا ٷلكەن اقىن, ٸرٸ فيلوسوف, كەمەڭگەر اۋدارماشى, اباي اعاسىنىڭ پەلساپاسىن زاڭدى تٷردە جالعاستىرۋشى, ەرەن تٷركٸتانۋشى, قازاق شەجٸرەسٸنٸڭ نەگٸزٸن قالاعان, ونى ۇرپاققا قالدىرىپ كەتكەن شەكەرٸم قۇدايبەردٸۇلىنىڭ اتىن بەرۋ كەرەك!!! اباي مەن شەكەرٸم – ۇلتىمىزدىڭ ابىرويى مەن ار-وجدانى! سول ەكٸ الىپتىڭ اتتارىن يەمدەنگەن قوس كٶشە دانالىق پەن تاعىلىمنىڭ ٷلگٸسٸندەي بولىپ قيىلىسىپ جاتسا, شىعىس قازاقستاننىڭ بارشا جۇرتى ريزا بولاتىنى اقيقات!!!
سونىمەن قاتار تاعى دا بٸر ايتپاي كەتۋگە مٷلدەم بولمايتىن مەسەلە بار, ول – ٶسكەمەندەگٸ ۋشانوۆ الاڭىن جاڭعىرتۋ. ٶتكەن عاسىرداعى قىلىشىنان قان سورعالاعان بولشەۆيك ۋشانوۆقا قويىلعان ەسكەرتكٸشتٸ جۇلىپ تاستاپ, بٷگٸنگٸ جەنە كەلەر ۇرپاق ساناسىن جاڭعىرتۋىمىز قاجەت! ول الاڭعا الاش كٶسەمٸ ەليحان بٶكەيحانوۆتىڭ ەسٸمٸن بەرٸپ, سول ارىستىڭ ەسكەرتكٸشٸن قويۋ لەزٸم!
ەلباسىنىڭ ەلٸمٸزدٸڭ ستراتەگييالىق دامۋىندا باسىم باعىت دەپ ەكپٸن تٷسٸرٸپ وتىرعان «رۋحاني جاڭعىرۋ…» باعدارلاماسىنىڭ – سٸزدەر ٷشٸن دە اسا ماڭىزدى ەكەنٸن ٶتە جاقسى تٷسٸنەمٸز. سوندىقتان دا ەل مەن جۇرتقا سٸڭٸرٸپ جٷرگەن ەڭبەكتەرٸڭٸزدٸ قارىزىم دەپ ەمەس, پارىزىم دەپ تٷسٸنەتٸن سٸزدەردٸڭ بولاشاقتاعى شارۋالارىڭىزعا سەتتٸلٸكتەر تٸلەي وتىرىپ, وسى بٸر ۇلتتىق-ساياسي مەسەلەلەردٸ وڭدى شەشەر دەگەن ٷمٸتتەمٸز!
قر جازۋشىلار وداعى شقو فيليالىنىڭ ديرەكتورى ە. قاڭتارباەۆ.
«قر سالالىق كەسٸپوداعى» شقو فيليالىنىڭ تٶراعاسى ت. تٷسٸپبەكوۆ.
«التاي اسۋ» قوعامدىق بٸرلەستٸگٸنٸڭ اتقارۋشى ديرەكتورى س. قۇسانباەۆ.
شق وبلىستىق اقساقالدار القاسىنىڭ تٶراعاسى ج. ەشٸموۆ.
ٶسكەمەن قالالىق ارداگەرلەر كەڭەسٸ تٶراعاسىنىڭ ورىنباسارى س. اقانوۆ.
