ٶسكەمەندە سەبيلەر ٷيٸنٸڭ ديرەكتورى جەكە ەسەپشوتىنا ەلدەن اقشا جيناعان, دەپ حابارلايدى "ۇلت اقپارات" وبلىستىق دەنساۋلىق ساقتاۋ باسقارماسىنا سٸلتەمە جاساپ.
ٶسكەمەندەگٸ سەبيلەر ٷيٸنٸڭ بۇرىنعى ديرەكتورى قۇرالاي يسەنوۆانىڭ باسى داۋعا قالدى. بۇل وقيعا ول وسى قىزمەتكە تاعايىندالعان سوڭ ارادا ٷش اي ٶتكەندە باستالعان. ول قويمادان مەرزٸمٸ ٶتٸپ كەتكەن جايالىقتاردى كٶرگەن, الايدا ەشقانداي شارا قولدانباعان.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ۆلاديمير ليدٸڭ سٶزٸنە سەنسەك, مەرزٸمٸ ٶتكەن بۇل تاۋار جويىلۋعا تيٸس بولاتىن.
قازٸر سەبيلەر ٷيٸندە وسىعان بايلانىستى مۇقييات تەكسەرۋ جٷرٸپ جاتىر. اتالمىش تەكسەرۋدٸڭ بارىسىندا قۇرالاي يسەنوۆاعا قاتىستى بٸرقاتار جايتتىڭ باسى اشىلدى.
«قۇرالاي يسەنوۆا جەكەمەنشٸك قوردى باسقارعان, ونىسى قۇجاتپەن راستالىپ وتىر. قايىرىمدىلىق ۇيىمىنىڭ قۇرىلتايشى قۇجاتتارىمەن قاتار, Facebook پاراقشاسى دا بار. جاي عانا ٸشٸنارا تەكسەرۋدٸڭ ٶزٸندە اۋرۋ بالالارعا جەنە سەبيلەر ٷيٸنٸڭ تەربيەلەنۋشٸلەرٸنە ارناپ قارجى اۋداراتىن ەسەپشوت قۇرالاي يسەنوۆانىڭ ٶز اتىنا رەسٸمدەلگەن بولىپ شىقتى. الايدا سەبيلەر ٷيٸنٸڭ ٶز رەسمي ەسەپشوتى بار عوي. سونداي-اق, قۇرالاي يسەنوۆا ٸسساپارعا كەتتٸم دەپ ەسەپ بەرگەن, بٸراق ونىڭ ٸسساپارعا بارعانىن راستايتىن قۇجاتتار جوق. دەمەك, مۇندا ەڭبەك زاڭناماسى ٶرەسكەل بۇزىلىپ تۇر» دەلٸنگەن باسقارما تاراتقان حابارلامادا.
مەكەمەنٸڭ مەلٸمەتٸنشە, قازٸر كٸشكەنتاي بالامەن جۇمىس ٸستەيتٸن ادامداردىڭ بٸر جاققا بارۋعا مورالدىق قۇقىعى جوق, ٶيتكەنٸ بۇل ٶتە قاۋٸپتٸ - ولار كوروناۆيرۋس جۇقتىرىپ ەكەلٸپ, ونى بٷلدٸرشٸندەرگە تاراتۋى مٷمكٸن.
«قۇرالاي يسەنوۆامەن جاسالعان كەلٸسٸمشارت بۇزىلدى. ول سىناق مەرزٸمٸنەن ٶتە المادى. سوڭعى مەلٸمەت بويىنشا, ونىڭ تاعى بٸر سەبەبٸ - قايىرىمدىلىق قاراجاتىنىڭ ماقساتسىز جۇمسالۋى. قازٸرگٸ تاڭدا سىبايلاس جەمقورلىققا قارسى تەرگەۋ جٷرٸپ جاتىر. دەنساۋلىق ساقتاۋ باسقارماسى مەكەمەنٸڭ ٸشكٸ جاعدايىن تۇراقتاندىرۋ ٷشٸن تيٸستٸ شارانىڭ بەرٸن قابىلدايدى», - دەيدٸ ۆلاديمير لي.
