فوتو: Polisia.kz
ٶسكەمەندە تەرتٸپ ساقشىلارى جىلدام ەرٸ ٷيلەسٸمدٸ ەرەكەتٸنٸڭ ارقاسىندا انا مەن بالانىڭ ٶمٸرٸن ساقتاپ قالدى. بۇل تۋرالى Ult.kz حابارلادى.
وقيعا 17 شٸلدە كٷنٸ ساعات 14:20 شاماسىندا بولعان. "102" جەدەل ارناسىنا قالا تۇرعىنى ٷلبٸ ٶزەنٸندە تانىسىنىڭ قىزى مەن بٸرگە سۋعا تٷسٸپ, قاتتى اعىسقا ٸلەسٸپ كەتكەنٸ تۋرالى حابار بەرگەن. دابىل تٷسكەن سەتتە كەزەكشٸ كٶمەكشٸسٸ ولجاس ورازوۆ جەدەل ەرەكەتكە كٶشٸپ, جاقىن ماڭداعى پاترۋلدٸك پوليتسييا ەكيپاجىنا ناقتى كوورديناتتار بويىنشا باعىت بەردٸ.
وقيعا ورنىنا پاترۋلدٸك پوليتسييا باتالونى روتاسىنىڭ كومانديرٸ مادييار مۇحامەدجانوۆ باسقاراتىن №9 ەكيپاج دەرەۋ جەتكەن. سول سەتتە ٷلبٸ پوليتسييا بٶلٸمٸنٸڭ كريمينالدىق پوليتسييا باستىعىنىڭ ورىنباسارى سۇڭعات سەيٸلجانوۆ تا جاقىن ماڭدا بولىپ, دەربەس تٷردە ٶزەنگە جەتٸپ, بٸردەن سۋعا سەكٸرٸپ, اناسى مەن بالانى قۇتقارۋعا ۇمتىلدى.
سۋدىڭ قاتتى اعىسىنا قاراماستان, سەيٸلجانوۆ انا مەن بالانى سۋ بەتٸندە ۇستاپ تۇرا الدى. ارتىنشا مۇحامەدجانوۆ تا كٶمەككە كەلٸپ جەتتٸ. الايدا اعىس كٷشتٸ بولعاندىقتان, ٶز كٷشتەرٸمەن جاعاعا شىعۋ مٷمكٸن بولمادى. پوليتسەيلەر قۇتقارۋشىلاردىڭ قايىقپەن كەلۋٸن كٷتٸپ, سول سەتتە دە ادامداردىڭ قاۋٸپسٸزدٸگٸن قامتاماسىز ەتتٸ.
ٷيلەسٸمدٸ قيمىل مەن جەدەل شەشٸمنٸڭ ارقاسىندا قايعىلى جاعدايدىڭ الدىن الۋ مٷمكٸن بولدى. قازٸرگٸ ۋاقىتتا اناسى مەن قىزىنىڭ ٶمٸرٸنە ەشقانداي قاۋٸپ جوق. وقيعانىڭ مەن-جايى انىقتالىپ جاتىر.
