فوتو: yk-news.kz, ەلەنا برەديحينا
وقيعا قالاداعى ورتالىق كٶشەلەردٸڭ بٸرٸندە بولدى. تۇرعىندار سٶزٸنشە, زارداپ شەككەن ادام كٸر جايىپ تۇرعاندا بالكون تەسٸلٸپ قۇلاپ كەتكەن, - دەپ حابارلايدى Massaget.kz پورتالى yk-news.kz سايتىنا سٸلتەمە جاساپ.
كۋەگەرلەر جاراقات العان ەيەلدٸڭ جولى بولدى دەستٸ. سەبەبٸ ول كٶپ كەڭسە ورنالاسقان عيماراتتىڭ ماڭىنا قۇلادى. ال ول جەردە مەديتسينالىق بٸلٸمگە يە بٸرنەشە ادام بار. اق حالاتتىلار كەلگەنگە دەيٸن قولدان كەلگەن كٶمەكتەرٸن اياماعان.
"پەتەرٸندە تاماق ٸستەپ جٷرٸپ بالكونعا شىققان سيياقتى. مٷمكٸن, كٸر جايۋ كەرەك بولدى ما ەكەن? بٸز جٷگٸرٸپ جەتكەندە "ٷيدە بالام قالدى" دەپ بٸرنەشە رەت ايتتى. ەيتەۋٸر كٶرشٸلەرٸنٸڭ بٸرٸنەن "بولگاركا" تابىلىپ, ەسٸكتٸڭ تەمٸرٸن كەسٸپ جٸبەردٸ. ٷيگە كٸرگەندە ٸشٸن تولىقتاي تٷتٸن باسىپ كەتٸپتٸ. ال ٷستەلدٸڭ استىندا بالا ايقايلاپ جىلاپ وتىر. سىرت كٶزگە التى ايلىق سەبي سيياقتى كٶرٸندٸ. جامىلعىعا وراپ الىپ شىعىپ, ەيەلدٸڭ تۋىسقاندارى كەلگەنشە كەڭسەدە قالدىردىق", – دەيدٸ راۋشان سمايلوۆا.
بولعان جايتتىڭ تاعى بٸر كۋەگەرٸ جاراقاتتانعان ەيەلدٸڭ كٶرشٸسٸ, ەرٸ وسى كٶپقاباتتى ٷيدٸڭ جەتەكشٸسٸ بولىپ جٷرگەن ليۋبوۆيا زينوۆەۆا.
"بۇل ٷيدە كٶبٸ پەتەر جالداپ تۇرادى. ولار وسى ۋاقىتقا دەيٸن بالكون قاۋٸپ تٶندٸرٸپ تۇرعانىن, بەتون بٶلٸكتەرٸ جيٸ قۇلايتىنىن ايتىپ جٷردٸ. بٸراق ەشكٸم بۇعان مەن بەرمەدٸ. سوڭى نەمەن اياقتالعانىن ٶزدەرٸڭٸز دە كٶردٸڭٸزدەر. قايتا سلەسار ماماندار بار ەكەن: ەسٸكتٸڭ تەمٸرٸن كەسٸپ, بالانى قۇتقارىپ قالدى. نەگٸزٸندە, ەسٸكتٸ اشۋدىڭ ٶزٸ كٶپ ۋاقىتتى الدى", – دەدٸ ول.
نەتيجەسٸندە زارداپ شەككەن ەيەلدٸ جەدەل جەردەم كٶلٸگٸ الىپ كەتتٸ, ال بالا ەيەلدٸڭ تۋىسقاندارىمەن قالدى. وبلىستىق دەنساۋلىق ساقتاۋ باسقارماسى ٶكٸلدەرٸنٸڭ اقپاراتىنا سٷيەنسەك, بالكوننان قۇلاعان تۇرعىننىڭ ٶمٸرٸنە ەشقانداي قاۋٸپ تٶنٸپ تۇرعان جوق.
