جەلتوقسان – قازاق ٷشٸن قاستەرلٸ اي. مۇنداي پٸكٸردٸ «Zeren» رەسپۋبليكالىق لاگەرٸنٸڭ جابىلۋ رەسٸمٸنە قاتىسۋىنا وراي ەلەۋمەتتٸك جەلٸدە پٸكٸر جازعان قر پارلامەنتٸ سەناتىنىڭ تٶراعاسى مەۋلەن ەشٸمباەۆ ايتتى, دەپ حابارلايدى "ۇلت اقپارات".
«بٷگٸن «Zeren» رەسپۋبليكالىق لاگەرٸنٸڭ جابىلۋ رەسٸمٸ ٶتتٸ. سونىڭ اياسىندا ەلٸمٸزدٸڭ بٸر توپ تالانتتى جاستارىمەن كەزدەسٸپ, تەۋەلسٸزدٸكتٸڭ قادٸر-قاسيەتٸ, ونى ساقتاۋدىڭ ماڭىزى جەنە جەلتوقسان ايىنىڭ ۇلت تاريحىنداعى ورنى جٶنٸندە سٶز قوزعادىق. شىن مەنٸندە, جەلتوقساننىڭ حالقىمىز ٷشٸن قادٸرٸ بٶلەك. سەبەبٸ, الاش اۆتونوميياسىنىڭ جارييالانۋى, 86-داعى جەلتوقسان وقيعاسى, تۇڭعىش پرەزيدەنتٸمٸزدٸ سايلاۋ, تەۋەلسٸزدٸككە قول جەتكٸزۋ سيياقتى ەلدٸك پەن ەگەمەندٸككە باستاعان ماڭىزدى وقيعالار وسى ايدا بولعان. تٸپتٸ رەسمي تٷردە اقمولاعا استانا مەرتەبەسٸ بەرٸلگەن كٷن دە جەلتوقساننىڭ ەنشٸسٸندە. سوندىقتان جەلتوقسان – قازاق ٷشٸن قاستەرلٸ اي. بٸز وسىلاي ٶتكەننەن ٶنەگە الا وتىرىپ, الدىمىزدا تۇرعان ەڭ باستى مٸندەت تەۋەلسٸزدٸكتٸ ساقتاۋ جەنە ەلدٸكتٸ نىعايتۋ ەكەنٸن تەرەڭ تٷسٸنۋٸمٸز كەرەك. وسى باعىتتا جاستارىمىز بەلسەندٸلٸك تانىتىپ, وتانعا قىزمەت ەتۋدٸڭ وزىق ٷلگٸسٸن كٶرسەتۋ قاجەت دەپ ەسەپتەيمٸن. ول ٷشٸن بيلٸك تۇتقاسىن ۇستاپ, شەنەۋنٸك بولۋ مٸندەتتٸ ەمەس. ەڭ باستىسى, ەركٸم ساپالى بٸلٸم الىپ, ٶز سالاسىندا بيٸك بەلەستەردٸ باعىندىرۋى تيٸس. ەلدٸڭ دامۋىنا قوسىلعان ەڭ ٷلكەن ٷلەس سول. سەبەبٸ, جاستاردىڭ جەڭٸسٸ – مەملەكەت جەتٸستٸگٸنٸڭ كەپٸلٸ. سوندىقتان ٶسكەلەڭ ۇرپاق الدارىنا ناقتى ماقساتتار قويىپ, ەلدٸك مٷددە جولىندا ايانباي ەڭبەك ەتۋ كەرەك», - دەپ جازدى سەنات تٶراعاسى Facebook پاراقشاسىندا.
سونىمەن قاتار ول تۋعان ەل ٷشٸن ەڭبەك ەتۋ – ەر ازاماتتىڭ قاسيەتتٸ بورىشى ەكەندٸگٸن باسا ايتتى.
«تاريحتا اتى قالعان باتىرلارىمىزدىڭ ەرلٸگٸ, حح عاسىردىڭ باسىنداعى الاش ارىستارىنىڭ ەرەكەتٸ وسىنداي مەرتەبەلٸ مٸندەتكە تابان تٸرەيدٸ. سوعىس جىلدارىنداعى, ودان كەيٸنگٸ كەزەڭدەگٸ بۋىن دا ۇلتتى ساقتاپ قالۋ ٷشٸن جۇمىس ٸستەدٸ. ەلباسى باستاعان بۋىن تەۋەلسٸز قازاقستاندى قۇرىپ, مەملەكەت قالىپتاستىردى. نۇرسۇلتان ەبٸشۇلى وسى ماڭىزدى مٸندەتتٸ ەرٸ قاراي جالعاستىرۋ ٷشٸن ەل تٸزگٸنٸن كەلەسٸ بۋىنعا امانات ەتٸپ تاپسىردى. بٷگٸندە پرەزيدەنتٸمٸز قاسىم-جومارت كەمەلۇلى توقاەۆتىڭ باستاماسىمەن مەملەكەتتٸ ٶركەندەتۋ ٷشٸن اۋقىمدى جۇمىس اتقارىلىپ جاتىر. ەرتەڭ كەزەك تەۋەلسٸزدٸك جىلدارىندا تۋعان جاستارعا كەلەدٸ. سوندىقتان ٶرەندەرٸمٸز وسى جاۋاپكەرشٸلٸكتٸ بٷگٸننەن باستاپ سەزٸنٸپ, اماناتقا لايىقتى ۇرپاق بولىپ قالىپتاسۋى قاجەت», - دەدٸ مەۋلەن ەشٸمباەۆ.⠀
سەنات تٶراعاسى قازاقستاندا تالانتتى, وتانشىل جاستار ٶتە كٶپ ەكەندٸگٸنە باسا نازار اۋدارادى.
«بٷگٸن سولاردىڭ بٸر توبىن «دارىن» مەملەكەتتٸك جاستار سىيلىعىمەن سالتاناتتى تٷردە ماراپاتتادىق. سىيلىق يەگەرلەرٸنٸڭ بەرٸ ٶز سالاسى بويىنشا ايتارلىقتاي جەتٸستٸكتەرگە جەتكەن, ەگەمەن ەلٸمٸزدٸڭ ٶركەندەۋٸنە ٶز ٷلەسٸن قوسىپ كەلە جاتقان العىر ازاماتتار. ولاردىڭ قاتارىندا بٸلٸكتٸ جۋرناليست راۋان مىنباەۆ, سپورتتا ەل نامىسىن ابىرويمەن قورعاپ, قايسارلىعىمەن تالايعا ٷلگٸ بولعان جٸگەر كەنجەعاليەۆ, دەستٷرلٸ ەن ٶنەرٸمٸزدٸ دەرٸپتەۋدە بەلسەندٸلٸگٸمەن تانىلعان كٷنسۇلۋ تٷرٸكپەن, كلاسسيكالىق مۋزىكانىڭ قىر-سىرىن جەتٸك مەڭگەرگەن جٸبەك مۇسىرعاليەۆا, قوعامدىق جۇمىستا العىرلىعىمەن كٶزگە تٷسٸپ جٷرگەن ماكسيم سپوتكاي سيياقتى بٸرقاتار دارىندى ٸنٸ-قارىنداستارىمىز بار. سىيلىق العان بارلىق جاستاردى شىن جٷرەكتەن قۇتتىقتاي وتىرىپ, الداعى ۋاقىتتا بۇدان دا بيٸك شىڭداردى باعىندىرا بەرۋٸنە تٸلەكتەستٸگٸمدٸ بٸلدٸرەمٸن», - دەدٸ ول.
