بۇل شاعىن عانا جازبام جاسى بارشىن تارتقان قارييانىڭ اۆتوبۋستىڭ ورىندىعىندا وتىرىپ قالعىپ كەتكەن جاس جٸگٸتكە «نەگە عانا ورىن بەرمەيسٸڭ, قازٸرگٸ جاستاردىڭ ەش ۇياتى جوق» دەپ قۇلاق تۇندىرا ايقايلاعان وقيعاسىنىڭ نەگٸزٸندە جازىلدى. سول كەزدە مەنٸڭ ساناما باسقا بٸر سەبەپتٸڭ سەۋلەسٸ جارق ەتٸپ, «شىنتۋايتىنا كەلگەندە كٸمدەردٸڭ ٶزٸ ۇياتى جوق» دەگەن ساۋال تٶڭٸرەگٸندە ويعا قالدىم (بۇل ەلەۋمەتتٸك سۇراقتىڭ جاۋابى ماعان ەلدە قايدا ەرٸدە جاتقانداي سەزٸلەدٸ).
ەيگٸلٸ دانىشپان سەنەكا «...بولىپ جاتقان وقيعانىڭ بارلىعى سٶزسٸز, بولۋى تيٸس نەرسەنٸڭ بەلگٸسٸ» دەيدٸ. راس, سەبەپسٸز ەش نەرسە جوق. مۇنى دەرمەنسٸز جاستاردىڭ ەلدە بٸر ەدٸلەتسٸزدٸككە ٸشتەي قارسىلىعى مەن بۇلقىنىسى, دەلٸرەك ايتساق «ٶش الۋ» ەرەكەتٸ دەسەك تە بولاتىنداي.
ەلەۋمەنتتانۋ عىلىمى قوعامدا ەدٸلەتسٸزدٸك بەلەڭ العاندا قورعانسىز توپتىڭ قولىنان كەلەرٸ تەك كٸجٸنۋ مەن قىرسىعۋ عانا ەكەندٸگٸن كٶلدەنەڭ تارتادى. بٸزدٸڭ بۇل جەردەگٸ (ياعني اۆتوبۋستاعى) وقيعامىز كٶپ سەبەپتٸڭ تەك بەرگٸ بەتٸ عانا. ال ارعى جاعى ادام جانى شوشىرلىقتاي ٸرٸ فاكتورلارعا تولى.
...بٸزدەگٸ وسى ٷلكەن كٸسٸلەردٸڭ تٷسٸنٸگٸ قىزىق. ولارعا سالساڭ قولىڭا قۇمان, يىعىڭا سٷلگٸ ٸلٸپ مەڭگٸلٸك سولاردىڭ قىزمەتٸنە جەگٸلۋٸڭ كەرەك. بۇعان ەندٸ ەمەندا ٷلكەندەردٸڭ عانا ايتقانى دۇرىس دەگەن «كلاسسيكالىق پەلساپانى» قوسىڭىز. ال وسى بٸر «عاجايىپ» پەلساپاعا سەل قيعاش كەلسەڭٸز بولعانى باسىڭىزعا بەلە ٷيٸرٸلٸپ «بۇلاردىڭ سٸرە دە ۇياتى جوق, ٷلكەندەردٸ ەش سىيلامايدى» دەگەن سەكٸلدٸ نٶپٸر سٶزدٸڭ استىندا قالاسىز.
كٶكەم-اۋ دەيمٸن, وسى جەردە سٸز قانداي سىيلاستىق تۋرالى ايتىپ وتىرسىز. سىيلامايدى دەيسٸز نالىپ... سىيلاستىق بٸر جاقتى عانا (تەك ٷلكەندەر ٷشٸن) دەپ كٸم ايتتى سٸزگە. ول ەكٸ تاراپتىڭ ياعني جاس پەن كەرٸنٸڭ ٶزارا ٷندەستٸگٸنٸڭ ورتاق بٸرلٸگٸ ەمەس پە (وسى ورتاق قۇندىلىقتى تابانىڭىزبەن تاپتاپ تۇرىپ «جاستار ٷلكەندەردٸ سىيلاۋ كەرەك» دەگەن كٶتەنزور مورالٸڭٸزگە جول بولسىن. كەشٸرٸڭٸز, بۇل ەسكٸ نيزام ەندٸ ەش جورالعىعا جٷرمەيدٸ).
سونىمەن, ٶمٸردٸڭ ۇلى گارمونيياسى نەدەن بٷلٸندٸ? ٷلكەنگە قۇرمەت قاتۋ تٷسٸنٸكتٸ جەيت... ال, ٸنٸگە ٸزەت شە? ەلدە, بۇل ٷلكەندەردٸڭ قارىم-قاتىناسىنىڭ ٸشٸنە كٸرمەي مە سوندا? سىيلاستىق دەدٸك...
ايتىڭىزشى, اعا بولىپ ٸنٸگە جاساعان سٸزدٸڭ نەندەي ٸزەتتٸ ٸستەرٸڭٸز بار? بەرەگەن قولىم الاعان دەسەك, سىيلامايدى دەپ رەنٸش سايلاماس بۇرىن التىن باسىڭىزدى ارداق تۇتارداي كٸشٸگە قانداي ٶنەگەڭٸز ٶتٸپ ەدٸ («ايدا بالا دەپ» ٷلكەندٸگٸڭٸزدٸ بۇلداپ بٸر جەرلەرگە جۇمساپ يا بولماسا قۇرعاق اقىلدى قۇر سوققاننان باسقا).
ٶمٸر بولسا مىناۋ...
جارىقتىڭ جىلدامدىعىنداي قازٸرگٸ اقپاراتىق عاسىرداعى بٸر كٷننٸڭ جاڭالىعى ٸلكٸدەگٸ ون جىلدىڭ ديدارىنا پار.
ادام تٷسٸنٸگٸ دە بەينە بٸر تاۋار سەكٸلدٸ عوي. ۋاقىت ٶتكەن سايىن كەي تٷسٸنٸكتەر دە ەسكٸرٸپ (كٶنەتوز زاتتار سەكٸلدٸ) ەش ٸلدەبايعا جاراماي قالادى. ال, بٸر كٷندٸ قويىپ, وتىز جىل ٶز ورىنىنان قوزعالماعان بٷگٸنگٸ ساياسي بيلٸك تۋرالى نە ايتۋىمىزعا بولادى (ۋاقىت كٶشٸنەن ادا وسى جانداردىڭ كٶپ تٷسٸنٸگٸ كەشەگٸ زٸلدەي اۋىر, ەسٸگٸ ەش جابىلمايتىن كٶنەتوز كەڭەستٸك سەرۆانت شكافتارىن ەسٸمە سالادى).
راسىن ايتايىق, بۋىننىڭ ٶزارا الماسىپ ەسكٸ تانىمنىڭ ەش ٶزگەرمەۋٸنەن بٸز كٶپ ارتقا كەتتٸك. وتىز جىل بويى وسى بٸر اتموسفەرانىڭ ساقتالۋى ەكٸ بۋىننىڭ تابيعي تٷردە بيلٸكتە ٶز يدەياسىن جٷزەگە اسىرۋىن تولىعىمەن تەجەدٸ (بۇل بٸزدەگٸ بارلىق مەملەكەتتٸك مەكەمە اتاۋلىعا تەن دٷنيە دەسەك تە بولادى). ال, جانى جارالانىپ تاۋانى قايتقان جاستاردىڭ ەلەمتاپىرىق حالٸندە ەشكٸمنٸڭ دە شارۋاسى بولمادى.
ەندٸ سٸز ەش ۇيالماستان ٶمٸردەن ٶز ورىنىن تاپپاعان وسى جانداردان زور قۇرمەت پەن عيزات دەمەتەسٸز.
ٶسەتٸن ەل ەمەندا جاس ۇرپاق قامىندا بولادى دەسەك راس, قارييامىزدىڭ كٶبٸنەن قاسيەت كەتتٸ. كەي كەزدەرٸ وسى بٸر اعا بۋىننىڭ تٷبٸ جوق تويىمسىزدىعىنا قايران قالامىن. (بٸر باسىندا بەس ٷيٸ بولا تۇرا بۇل شٸركٸندەرگە التىنشى يا بولماسا جەتٸنشٸ ٷي بەرٸلٸپ جاتسا ەمەندا جوق دەمەيدٸ عوي توبا...)
مٸنە, دەل قازٸر جىل سايىن بەرٸلەتٸن مەملەكەتتٸك ستيپەنديياعا يە بولعاندار تٸزٸمٸن قاراپ وتىرمىن. تاعى دا توقسان پايىزى وسى بۋىن (بيبٸگٷل تٶلەگەنوۆادان باستالعان ۇزىن سونار تٸزٸم اسانەلٸ ەشٸموۆپەن اياقتالعان ەكەن). جامان جەۋتٸك بالالاردىڭ ەزەر دەگەندە قول جەتكٸزگەن مٷشايراسىنا ارالاسىپ سولاردىڭ از عانا ىرىزدىعىمەن تالاسىپ جٷرەتٸن دە تاعى وسىلار.
«وسىلار» تۋرالى سٶزٸمٸز وسىمەن تەمام...
ەگەرەكي بۇل جازبامىز ارقىلى ەلدەبٸر ەدەمٸ قارتايعان جانداردىڭ اشۋىنا تيٸپ كەتٸپ جاتساق تەك قانا عافۋ دەيمٸز.
PS... ونسىز دا قوعامدا ورىنى جوق جاستاردىڭ ەزەر دەگەندە قول جەتكٸزگەن ورىندىعىنا (مەيلٸ ول اۆتوبۋس ورىندىعى بولسىن) كٶز الارتىپ قىزعانۋدى دوعارىپ, «ٷلكەن باسىمىزبەن» بٸر دەگدارلىق تانىتۋىمىزعا بولار ەدٸ عوي.
ەتتەڭ, قاتىباسپىز عوي شٸركٸن...
ىقىلاس وجايۇلىنىڭ فەيسبۋكتاعى جازباسىنان
