رەسەيدٸڭ ورىنبور وبلىسىنىڭ ەلەك اۋدانىندا فەدەرالدىق ماگيسترالدى گاز قۇبىرىندا جارىلىس بولدى. بۇل تۋرالى ايماق باسشىسىنىڭ باسپاسٶز قىزمەتٸ حابارلادى. گاز قۇبىرى "گازپروم ترانسگاز ەكاتەرينبۋرگ" كومپانيياسىنا تيەسٸلٸ.
"فەدەرالدىق ماگيسترالدى گاز قۇبىرىندا بولعان جارىلىستان ەشكٸم زارداپ شەكپەدٸ, ەشتەڭە قيراعان جوق. اپات اۋماعى ەلدٸ مەكەندەردەن الىس جەردە جاتىر. اقپارات بويىنشا, بۇل ورىنبور - نوۆوپسكوۆ گاز قۇبىرىنىڭ بٸر تارماعى. ماگيسترالدى گاز قۇبىرى ەلەك اۋدانى, ورىنبور مەن سول-يلەتسك اۋدانىنىڭ بٸر بٶلٸگٸن گازبەن قامتاماسىز ەتەدٸ جەنە قازاقستانعا گاز جەتكٸزەدٸ" دەلٸنگەن گۋبەرناتوردىڭ باسپاسٶز حابارلاماسىندا.
رەسەي ەنەرگەتيكا مينيسترلٸگٸ كەيٸنٸرەك اپاتتىڭ سالدارىنان قازاقستانعا گاز تاسىمالداۋ توقتاتىلعانىن حابارلادى. مينيسترلٸكتٸڭ مەلٸمەتٸنشە, "سويۋز" گاز قۇبىرىنىڭ 108-شاقىرىمىندا گاز قىسىمى تٷسٸپ كەتٸپ, ٸزٸنشە اۋادا جانعان. قازٸر ول اۋماقتا گاز جانۋ توقتاماعان. تۇتىنۋشىلارعا ورىنبور - نوۆوپسكوۆ گاز قۇبىرى باللوندارى ارقىلى "كٶگٸلدٸر وتىن" تاسىمالدانادى.
نۇر-سۇلتان ۋاقىتى بويىنشا ساعات 15.00-گە تامان ورىنبور گۋبەرناتورىنىڭ باسپاسٶز قىزمەتٸ گاز قۇبىرى بٸتەلگەنٸن, اۋماقتى جٶندەۋگە ەكٸ كٷن كەتەتٸنٸن حابارلادى.
قازاقستان ەنەرگەتيكا مينيسترلٸگٸ بٸر بٶلٸگٸ قازاقستان اۋماعى ارقىلى ٶتەتٸن "سويۋز" جەنە "ورىنبور - نوۆوپسكوۆ" ماگيسترالدى گاز قۇبىرلارى بويىنشا گاز تاسىمالداۋ توقتاتىلعانىن ايتتى. سەيكەسٸنشە, رەسەي گازى مەن ورىنبور زاۋىتىنان قاراشىعاناق گازىن تاسىمالداۋ دا توقتاتىلعانىن راستادى. ونىڭ نەگٸزگٸ تۇتىنۋشىسى - باتىس قازاقستان وبلىسى.
"باتىس قازاقستان وبلىسىنىڭ تۇتىنۋشىلارىن گازبەن قامتاماسىز ەتۋ ٷشٸن "ورتا ازييا - ورتالىق" گاز قۇبىرىنىڭ رەسۋرستارىن باعىتتاۋ جۇمىستارى جٷرگٸزٸلٸپ جاتىر. قازاقستانداعى بارلىق گاز-كٶلٸك جٷيەسٸ قالىپتى رەجيمدە جۇمىس ٸستەپ جاتىر. جاعدايدى قازاقستان ەنەرگەتيكا مينيسترلٸگٸ باقىلاۋدا ۇستاپ وتىر" دەدٸ ۆەدومستۆو ٶكٸلدەرٸ.
